Unicode~
Joannaအမျိုးသား Peterက ခွင့်ရက်စေ့တာနဲ့ ရှေ့တန်းပြန်ရသည်။
Joannaက သူ့ယောကျ်ားရှေ့တန်းတက်တည်းက မျက်နှာက မသာမယာ၊ တစ်ခါတလေ Peterကို ရည်မှန်းပြီး ပုတီးစိတ်နေတတ်သည်။
လင်ပူမိနေတဲ့ Joannaကို ကြည့်ပြီး Taehyungစိတ်ဆင်းရဲလာသည်။
"ကျက်သရေမရှိအောင် ထမင်းဝိုင်းမှာ ဆူပုတ်မနေနဲ့၊ မသိရင် မင်းလင်ပဲ ရှေ့တန်းထွက်ရသလိုလို"
"ကိုကိုလေး! ငါ့ကို အဲ့လိုမပြောနဲ့.. အေးပေါ့လေ မင်းယောကျ်ားက ပြည်နယ်အတွက် အသက်လှူထားတဲ့လူမှ မဟုတ်တာ"
Joanna စကားတွေက Jeonကိုပါ ထိလာပြီမို့ Taehyungဒေါသထွက်ရသည်။
Jeonကတော့ မနက်စာကို ခပ်အေးအေးသာစားနေသည်။
သို့သော် ထမင်းပွဲကို စိတ်ရောက်ပုံမရ၊ တစ်ခုခုကို အကြီးအကျယ်တွေးတောနေဟန်။
"မင်း သူ့ကို ထိပါးစရာမလိုဘူး"
"ကိုကိုလေးကရော ငါ့စိတ်ကို နားလည်လို့လား။ ရှေ့တန်းမှာ နေ့ဘာဖြစ်မလဲ ညဘာဖြစ်မလဲမသိရတာကို ဒီလောက်တော့ ပူမှာပေါ့"
Joannaက ထမင်းစားတူကို စားပွဲပေါ်ပစ်ချပြီး ထသွားသည်။
"ဟော... သူဘာဖြစ်နေတာလဲ ခုတလော"
"သခင်လေးကလည်း အဲ့တာ အိမ်ထောင်သည်အမျိုးသမီးတွေ ဖြစ်လေ့ရှိတာ ဖြစ်နေတာ"
ထမင်းချက်မိန်းမကြီးက လှမ်းပြောပေမယ့် Taehyung နားမလည်။
ထမင်းချက်ကြီးကတော့ ပြုံးစိစိနဲ့ တစ်ခုခုကို အပိုင်အနိုင်ကြီး သိနေပုံ။
"ဟေ.. ဘာကြီးတုန်း"
"အဒေါ်ကြီးက လျှောက်ပြောနေပြန်ပြီ။ သူ့ဟာသူ လွမ်းနာကျပြီး ဖြစ်နေတာကို"
Jeon ပြောလိုက်တော့မှ မိန်းမကြီးက သူ့ပါးစပ်သူအုပ်၍ မီးဖိုခန်းထဲဝင်သွားသည်။
ယောကျ်ားကြီးဖြစ်ပြီး အမျိုးသမီးတွေအကြောင်း သူ့ထက်ပိုသိသလို လုပ်ပြနေတဲ့ Mr. Jeonကို ပွစိပွစိနဲ့ ပါးစပ်ကပြောနေသည်။
"အဒေါ်ကြီးက ဘာပြောချင်တာလဲသိချင်ပါတယ်ဆို ခင်ဗျားကလည်း"
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
