هاجر دخلت بيتها بعد ما خلصت الدرس
هاجر: يا اهل الدار انا جيت
محمد: كوكي وحشتيني وراح حضنها
هاجر: قلب كوكي اللي وحشني عامل ايه يا حبيبي
محمد: الحمدلله يا كوكي جبتيلي ايه
هاجر: جبتلك كل حاجة بنحبها عصاير ومولتو ولبان
محمد: انتي روح قلبي ونور عيني
طبعا هاجر لازم مضيعش فرصة وتعيط لازم اول ما تسمع كلمه حلوة تعيط نكد اوي 😂
هاجر: عندكم غدا ايه ي روح قلبي انت
محمد: بسلة و رز و لحمة
هاجر: بقولك ايه تعالي نطلب اكل تاكل ايه نطلب من كنتاكي ولا بيتزا هت
محمد: بيتزااا بس امك هتنفخنا
هاجر: لاء متخفش يا ماماااااااا يا ماااااااااي
ام هاجر: في ايه يا بت بتجعري كدة ليه
هاجر : انا جيت من بدري كنتي فين وسبتينا ندبر ل مكايد
ام هاجر: كنت بصلي ومكايد ايه ديه
هاجر: هنطلب بيتزا وهتاكلي معانا ومفيش اعتراض
ام هاجر: ده تهديد يعني يا بنت حمدي ولا ايه مش فاهمة اخرة دلع ابوكي ده هيعمل فيكي ايه
هاجر: هبقي رقاصة كبيرة ما انا هدخل كلية اداب والقسم اللي نفسي في ف هبقي هناك رقاصة كبيرة 😂💃( ودخلتها بعد تعب 😂💃 الحمدلله ❤️)
ام هاجر: ي حول الله يارب ربنا يهديكي ي بنت حمدي
هاجر: ايه بنت حمدي ديه كأني مش بنتك يعني المهم يا ماما هنجيب بيتزا وانتي هتاكلي معانا وهنعمل حساب بابا
ام هاجر: ماشي يا ست هاجر
وراحت طلبت البيتزا ( العشق)
هاجر: انا طلبت ل كل واحد واحدة وكمان ساعة او ساعتين هتبقي هنا هروح انام ولو جه اديله الفلوس ي ماما تصبحوا علي خير
ودخلت نامت
وحلمت:
كانت داخلة الشارع عند جدتها ولقت زين واقف فوق السطح وعمال يقول هنتحر لو موفقتش وكان معاه علبة جاتوه تقريبا هينتحر بيها 😂 ولابس بليزر بيبي بلو وقميص ابيض وبنطلون جينز
هاجر: انت مجنون انت عامل كدة ليه انزل يا زين
زين: مش هنزل غير لما توافقي ونتخطب ومعايا الدبل مليش فيه
هاجر: يا زين بطل هزار بقا وانزل يا زين
زين: الله اسمي حلو منك قوليه تاني وانبي
هاجر: زين بطل جنان انت لو وقعت مش هتستفاد حاجة غير انك هتكسر وتموت
زين : ابقي شهيد حبك 😍
هاجر: زين طب انزل انا قولت هفكر
زين: فكرتي كتير كفاية ووافقي والله بحبك اوي
هاجر سكتت شوية هي مشدودة ليه وكمان حاسة إنه هيبقي حنين عليها: ماشي يا زين انا موافقة يلا بقا انزل
زين: احلفي انك موافقة
هاجر: موافقة والله يلا انزل بقا
زين: وافقت يا ماما وافقت يا عمي وافقت لولولولولولولولولولوي 💃😂
ونزل ولبسها دبلتها وهي لبسته دبلته وطلعه عند جدتها( جنان والله بس حلو الجنان ده لو جي من حد بيحبك بجد ) وهاجر اتبسطت اوي ب الدبلة لانها كان نفسها لما تتخطب تجيبها
زين: صدقيني عمري ما هزعلك ولا هخليكي تعيطي وهخليكي مبسوطة دايما انا بحبك بجد بوعدك بجد انا مبسوط اوي انك بقيتي خطيبتي
هاجر وشها احمر : وانا كمان
في الواقع:
ام هاجر: هاجر يلا ي جوجو اصحي البيتزا جت
هاجر: يا زين الدبلة حلوة اوي
ام هاجر: قومي ي بهيمة
هاجر: بسم الله الرحمن الرحيم في ايه
ام هاجر: يلا ي ختي قال الدبلة حلوة اوي
هاجر: دبلة ايه بس يا ماما بقول البيتزا حلوة اوي
ام هاجر: هحاول اصدق يلا قومي علشان تاكلي
هاجر: ماشي يا ست الكل قايمة اخد شاور واصلي وهاجي وقولي ل بابا لو قرب يطلع هنا بقا وناكل سوا
ام هاجر: اتصلت ي ختي عقبال ما تخلصي يكون جه ويلا علشان تاكلي وتذاكري
هاجر: ماشي يا جميل هقوم اهو
وقامت هاجر وكله وقررت انها تنام تاني لانها تعبانة لكن ديه الحجة اللي قالتها ل اهلها لكن هي عايزة تنام علشان تعرف آخره زين ده ايه ومين هو
♥️♥️♥️♥️♥️♥️♥️♥️♥️♥️♥️♥️♥️♥️
استنوا بارت جديد
سلاموز♥️
