في صباح يوم جديد تستيقظ بطلتنا لأجل تحقيق حلمها وصلت الفجر وقعدت تدعي
هاجر: يارب انا واثقة انك معايا دايما ومهما حصل هيبقي الخير ليا لان عارفة انك مش هتختار ليا حاجة وحشة وواثقة ومتأكدة إن السنة ديه مش ضاعت كدة وخلاص واكيد ليك حكمة في كدة هعرفها بعدين او مش هعرفها بس اكيد ده الخير ليا يارب اكرمني يارب انا طمعانة في كرمك وعطفك عليا يارب قويني وفتح عقلي يارب ارزقني الفهم
وقامت تذاكر الفيزياء 🙂
ام هاجر: صباح الخير يا حبيبتي صاحيه بدري ليه كدة
هاجر: هذاكر يا ماما شوية قبل الدرس
ام هاجر: ده لسة بدري علي الدرس ده الساعة 4 وهتتعبي كدة
هاجر: معلش كدة احسن ولو تعبت هقوم انام شوية
ام هاجر: ربنا معاكي يا حبيبتي ويكرمك هروح اعملك سندوتشات وقهوة
هاجر: يارب يا قلبي ماشي يا ماما ربنا يخليكي ليا
وهاجر بدأت مذاكرة وهي بتحاول متضعفش وتكمل في حلمها ايه يعني سنة عدت عادي مش مهم المهم في اللي جاي وهي متأكدة ان اللي جاي هيبقي احسن بكتير وطبعا مامتها جابت الحاجة ليها بس هي كلب بحر ف شربت قهوة بس
ام هاجر بعد فترة: ايه ده ليه كدة يا بنتي مكلتيش ليه وشربتي القهوة كدة غلط وهتتعبي
هاجر ابتسمت : متقلقيش يا ست الكل مش هتعب بس كدة احسن وانا مش جعانة بس افوق علشان المادة ديه صح هو بابا مصحيش لسة ولا ايه
ام هاجر بنفاذ صبر: اعمل فيكي ايه بس صحي وبيجهز علشان ينزل
هاجر: متعمليش ادعيلي بس هروح اشوفه
ام هاجر: ربنا يكرمك يا بنتي ويوفقك
امنت هاجر علي كلمها وخرجت
هاجر: صباح الفل علي احلي بابا ( بجد الراجل ده في قلبي وكل يوم بتأكد إن مهما اخترت حد مش هلاقي حد يحبني كدة)
ابو هاجر: صباح القمر علي قلبي عاملة ايه يا روحي مامتك قالتلي انك صاحيه من الفجر ليه كدة
هاجر: علشان اذاكر بقا صليت وقعدت اذاكر
ابو هاجر: ربنا معاكي يا قلبي ها بقا مش عايزة حاجة اجبها وانا جي
هاجر: اه عايزة طبعا اهم حاجه
ابو هاجر: قولي يا قلبي عيوني ليكي
هاجر: عايزة سلمتك يا حبيبي
ابو هاجر حضنها: حبيبتي تسلميلي معرفش ليه مش بتقولي علي حاجة وتقولي هات ده انتي بتكسفي مني يا بت
هاجر ضحكت: يا حبيبي انا مش بقول هات لان فعلا مش محتاجة حاجة مخليني مش محتاجة حاجة خالص ربنا يخليك ليا يا حبيبي ومش مكسوفة اكيد
ابو هاجر: ويخليكي ليا يا قلبي يلا انا بقا هنزل ولو عوزتي حاجة اتصلي بيا
هاجر: عيوني حاضر هروح اكمل مذاكرة مع السلامة يا حبيبي
وراحت كملت مذاكرة وقعدت تذاكر لحد الساعة 1 ومحستش ب حاجة وكل مامتها تقولها علي الاكل تقول لاء وكانت بتعمل قهوة تاني
هاجر: الحمدلله قدرت اخلص جزء كبير الحمدلله اشوف يلهوي الساعة واحدة ده فاضل ساعتين وانزل اقوم اخد شاور واقري في المصحف
قامت هاجر عملت كدة ومسكت المصحف وبقت الساعة 2 ونص
هاجر: الواد زين متصلش بيا ليه ولا البت شهد او ملك هما اختفوا كدة ليه
ومسكت فونها لقيته صامت وزين متصل 20 مرة وملك وشهد متصلين كذا مرة
هاجر: يسوادك ي قرمط زين هينفخني طب اتصل بيه ولا اعمل ايه ي ختاااااي ايه ده ده بيتصل ي لهوي ي لهوي السلام عليكم اهلا وسهلا ازيك يا اخي الكريم اتمني تكون بخير وصحة جيدة
زين بيحاول يكتم ضحكته: نعم ي ختي كل ده ي كلب البحر متصل بيكي 20 مرة مش بترضي ليييه
هاجر: اهدي كدة وهفهمك بس اللي حصل من غير ما تتعصب انا صحيت وقعدت اذاكر ولما صحيت عملت الفون صامت ونسيت افتحه
زين: انا كنت قلقان عليكي عمال اتصل مش بتردي قلقت واتصلت علي باباكي قالي انك بتذاكري بصي انا اسف لو زعقت بس غصب عني كنت خايف لتكوني متوترة لما عرفت انك بتذاكري ( هييح يا حنين)
هاجر: ولا يهمك مش زعلانة حتي لو زعلت كفاية انك عايزني مزعلش وخايف عليا وانا كويسة الحمدلله وقدرت اخلص كمية كبيرة من الاسئلة والمذاكرة وهكمل لما ارجع من الدرس إن شاء الله علشان اكون رجعت علي الباقي مع المستر
زين: اشطر كتكوت انا بنوتي شاطرة اصلا الحمدلله ها كلتي بقا ولا ايه
هاجر: عايز الصراحة
زين: اكيد طبعا يا هانم
هاجر: بسم الله الرحمن الرحيم الإجابة لا
زين: نععععم لاء ايه يا عنية مكلتيش ليه ي ختي يعني ايه صاحيه من الفجر ل حد دلوقتي مفيش حاجة دخلت معدتك
هاجر: لا في ٣ كوبايات قهوة دخله معدتي شوفت ازاي دخلت حاجة اهو
زين: ايييه هتشل هتشل انا لو جرالي حاجة هيبقي بسببك يا كلب البحر انتي قهوة من غير اكل وكمان ٣ مرات ليه ها ليه انتي مش عايزة نفسك انا عايزك انتي ليه عايزة تموتي نفسك انتي كدة بتموتي نفسك بالبطئ حرام عليكي انتي اغلي حاجة في حياتي انتي عارفة لو جرالك حاجة إنا هيحصلي ايه
هاجر بعياط: مكنش ليا نفس اكل حاجة انت ليه بتزعقلي انا معملتش حاجة مش عايزة اكل وشربت قهوة علشان اركز في المذاكرة
زين: يلعن ابو المذاكرة اللي هدمرلك صحتك ديه اتفضلي قومي كلي يا هاجر علشان لو مكلتيش بجد هتزعلي من طريقتي
هاجر: انت ليه بتزعقلي كفاية بقا كفاية انا مش مستحملة اي حاجة والله مبقتش قادرة ل كل ده انا علي اخري اصلا من الفيزياء انا هروح اجهز علشان الدرس سلام
وقفلت السكة في وشه وقفلت الفون خالص وقعدت تعيط العصر إذن قامت صلت وجهزت ومسحت دموعها وخرجت
: ماما انا نزلة الدرس عايزة حاجة
ام هاجر: بصي انا عاملة بانيه خدي السندوتشات ديه كوليها قبل ماتنزلي
هاجر: مش جعانة بس هاخد سندوتش علشان متزعليش
ام هاجر: ماشي ي بنتي ربنا معاكي خدي السندوتش اهو
هاجر كلت وراحت الدرس حتي نسيت تتصل علي صحبتها يتقابلوا
شهد : ايه يبنتي مالك ومكلمتنيش ليه
هاجر: انا اسفة يا شهد بس مش نايمة كويس وفوني فصل كمان
شهد : انتي كويسة يا كوكي
هاجر: اه يا شهودي انا كويسة ها عاملة ايه في الفيزياء
شهد: اهو بحاول معاها ربنا يسترها
هاجر : يارب يا روحي ونحقق حلمنا ونفرح
شهد : اللهم امين المستر جه اهو
المستر: عاملين ايه انا جي ومعايا لكل واحد ورقتين هياخدهم ويروح يبعد عن التاني وحله ولو حد معرفش يجي ليا الوقت ساعة ونص
كلهم ماشي وخده الورق وعدي ساعة ونص
المستر: خلاص كفاية كدة الوقت خلص
وقعده يرجعه ويحله وهاجر بتحمد ربنا انهم كلهم علي بعض 6 بنات بس علشان يفهموا والمستر حل معاهم وفهمهم الصح من الغلط
المستر: انتو كدة فهمتوا والامتحان كان 300 سؤال في ساعة ونص في اللي حل كله وفي نصه وفي اللي حل 200 بس المهم انكم فهمتوا وانا قصدت اعمل كدة علشان يوم الامتحان تدخلوا ويبقي عادي ومتقلقوش اتفضلوا واي حاجة تقف معاكم انا موجود كلموني
المستر ومشي وبعده البنات خلصه
هاجر: يلا يا شهد علشان نلحق نروح عايزة انام
شهد: ماشي يا كوكي يلا
وشهد روحت
وهاجر اول ما دخلت البيت شافت
♥️♥️♥️♥️♥️♥️♥️♥️♥️♥️♥️♥️
معلش لازم اقفل علي هنا 😂
سلاموز ❤️
