انهاردة يوم 25 اكتوبر هو يوم عادي جدا ل اي حد وكان عادي جدا ل هاجر بس هتحصل حاجة مش هتخليه عادي حاجة هتشقلب حياتها كلها
ام هاجر: يلا يا كوكي عندك درس
هاجر: صباح الخير يا ماما هو انا هخلص الدرس واجي هنا ولا علي الخطوبة
ام هاجر: لاء يا حبيبتي هتيجي هنا ونروح وكمان علشان تلبسي
هاجر: ماشي يا ست الكل هقوم اخد شاور واصلي معرفش ايه دروس يوم الجمعة ديه ي ربي حسبي الله ونعم الوكيل فيك اللي هتنزلنا الجمعة نراجع مراجعة ايه بس دلوقتي يشفي الكلاب ويضرك هو عايز اي فلوس وخلاص مستر بتاع فلوس
ام هاجر عمالة تضحك عليها: قومي يلا اجهزي علشان متتأخريش هتفطري هنا ولا مع شهد
هاجر : هفطر مع شهد اكيد هقوم انا بقا
ام هاجر: ربنا معاكي يارب يا بنتي ويبعد عنك ولاد الحرام ويوفقك
هاجر بستها: يارب يا روح قلبي
وراحت جهزت وصلت وخرجت برا
ابو هاجر: ايه القمر ده صباح الخير يا قلب بابا
هاجر: صباح الخير يا حبيبي وحضنته انا رايحة الدرس يا حبيبي عايز حاجة
ابو هاجر: ربنا معاكي يا قلبي خلي بالك من نفسك
هاجر: ماشي يا حبيبي سلام سلام يا ماما سلام يا قلب كوكي
محمد: باي يا روح قلبي
هاجر نزلت لقت شهد مستنياها
هاجر: صباح الخير يا شهودتي شهودي عامل ايه
شهد: صباح الفل يا كوكي شهودك متبهدل والله منه لله اللي ينزلنا يوم الجمعة ويفضل يشرح من ١١ ل ٥ حرااااام احنا لو كفار مش هيعمل فينا كدة حرااااام
هاجر: معلش يا بنتي نستحمل
شهد: يشفي الحمير ويضرك يا ابن محمود
هاجر عمالة تضحك: طب يلا طيب نروح ونجيب قهوة من الكافية اللي جمبه وفطار ده لسة الساعة 9 ونص
وراحوا الدرس الدرس في عرب المعادي وصلوا جابوا فطار وقهوة
شهد: كنا جبنا كبدة من العربية اللي قدام المترو ( شهد طول عمرها بتحب العربية ديه 😂 فاضل تكة وهروح المستشفي بسببها)
هاجر: فاكرة لما جبت منها مرة واحدة وكلت سندوتشين وتعبت وقعدت شهر مش بنزل يا كلب البحر
شهد: انتي اللي فرفورة يا بت انشفي كدة
هاجر: ايوة انا فرفورة وقولتلك انا بنزل المعادي اجيب من التبع الدمياطي علي طول بلا كبدة بلا سجق
شهد: ماشي يا ختي كلي قال تبع دمياطي قال ليه ادفع في سندوتش شبسي وسندوتش طعميه 15 جنيه ليه
هاجر: عندك يا شهد علشان معضكيش الطعمية سبايسي مش اي طعميه يا كلب البحر
شهد: ولا سبايسي بلا معرفش ايه هي آخرها طعمية
هاجر: بس يا كلب البحر وكل وانت ساكت هعضك يا شهد ( كل ده هزار اصلا هما الاتنين هزارهم كدة 😂)
ضحكوا سوا وكلوا وشربوا القهوة ظبطوا دماغهم
هاجر: الواحد ظبط دماغه محتاج دلوقتي رواية حلوة كدة
شهد: معايا واحدة عاشقة للروايات انا عايزة فلم حلو
: وماله انتي وهي واحدة عايزة رواية والتانية فلم ونسيته الدرس
هاجر وشهد: اعااا مستر
المستر: اه ي ختي انتي وهي تحف انا معايا تحف يلا علشان نبدأ هناخد انهاردة الالكانات
وقعد يشرح والساعة جت 5 فصلوا اكيد
هاجر: انا اروح اخد شاور واشرب قهوة والبس وانزل لازم شاور وقهوة
شهد: هتروحي فين
هاجر: رايحة مع بابا وماما ومحمد خطوبة واحدة قريبتنا مفروض اقول ل مامتها ي عمتو
شهد: اها عقبالك يا كوكي يلا بقا ياعم علشان تلحق تروح تجهز
هاجر: ياقلب كوكي يارب يا روحي بس افرح بيكي الاول يا شهودتي ومشيو كل واحدة راحت بيتها
هاجر: انا جيت ي اهل الدار
ابو هاجر: نورتي يا روحي يلا بقا لو تاكلي والبسي
هاجر: انا هروح اخد شاور لاني مش قادرة اتحرك واشرب قهوة لان فصلة وهنام هناك ويبقي منظري وحش هو انا لازم اروح
ابو هاجر: اه لازم لان عمتك قالت هاجر تيجي معاكم
هاجر: ماشي يا حبيبي هروح انا اجهز
وراحت جهزت وشربت القهوة وهما خلصوا
ووصلوا المكان اللي في الخطوبة وهاجر دخلت شافت واحدة ديه اللي كانت بتيجي في الحلم مع زين بس ازاي بس قالت لاء اكيد حد شبها
ابو هاجر: هاجر تعالي سلمي علي عمتك
هاجر استغربت بس قالت لاء اكيد مش هي: ازيك يا عمتو عاملة ايه
عمتها: الحمدلله يا حبيبتي انا عارفة انك متعرفنيش واول مرة تشوفيني ولا سمعتي عني صح
هاجر: اه فعلا بس انبسطت اني شوفت حضرتك
( هاجر مستغربة اوي ما اللي كانت في الحلم مكنتش تعرفها ونفس الكلام بس شالت الافكار من دماغها وقالت لاء مش هي ) ودخلت مع باباها واهلها يقعده وفجأة لقت حاجة غير متوقعة لقته قاعد بيضحك الضحكة بتاعته اللي خطفت قلبها في الحلم هي فعلا حبته من الحلم بس استغربت لما لقته قدامها
ابو هاجر: ازيك يا زين عامل ايه
زين: الحمدلله ياعم حمدي انت عامل ايه
وابوها سلم علي الكل وهي سلمت الا عليه هي تعرف كله الا هو ابتسمت بس وقالت اهلا
كانت في ملكوت تاني مكنتش شايفة قدامها غيره هو والاحلام اللي جمعتهم سوا هاجر كانت بتحلم بيه من شهر 7
هاجر في سرها : معقولة هو ده اللي كنت بحلم بيه طب ازاي هو وهو قاعد عمال يضحك الضحكة ديه اسرت قلبها في الحقيقة زي ما اسرت قلبها في الحلم
كلهم مش شايفة حد منهم ولا سامعة حد منهم خالص كلهم خيال كأنهم مش قاعدين مش شايفة غير زين وبس
زين خد باله انها متنحة راح ابتسم وهي اكسفت بس غصب عنها هي لقت فارس احلامها الخطوبة خلصت وكل ده هاجر بتفكر في زين وفرحانة انها شافته
هاجر واهلها روحوا
هاجر: انا هدخل انام لان اليوم كان متعب تصبحوا علي خير
اهلها : ماشي يا كوكي وانتي من اهله
هاجر: دخلت اترمت علي سريرها وقعدت تعيط من إنها شافته وإنه شافها وهي متنحة وهو هيفهم ايه ممكن يقول عليها وحشة و مش كويسة بس في نفس الوقت فرحانة انها شافته وعرفت هو مين
بس يتري الفرحة هتكمل ولا مش هيكونوا لبعض
♥️♥️♥️♥️♥️♥️♥️♥️♥️♥️♥️♥️♥️♥️
, سلاموز ♥️
