هاجر دخلت امتحان الكيمياء وكانت خايفة بس قعدت تقرأ قرأن واذكار قبل ما تشوف الاسئلة
المراقب: كل واحدة عينيها في ورقتها قولنا في الاول اهو بعد كدة هنسحب الورقة علي طول يلا ربنا معاكم
هاجر قعدت تحل بس الكتاب كان معاها اه ما الامتحان اوبن بوك 🙂 بس هي مرضتش تفتح الكتاب وقعدت تحل
المراقب: انتو منازل ولا ايه
واحدة ردت : لاء احنا في مننا قاسم السنة وفي بيعيد بس مش منازل
المراقب: ربنا معاكم
عدي ساعتين وهاجر خلصت وراجعت من الكتاب وبعد كدة نقلت الإجابة في البابل شيت
هاجر: لو سمحت انا خلصت وعايزة اسلم ورقتي
المراقب: راجعي طيب
هاجر بحزن: رجعت وعايزة اسلم ورقتي
المراقب: ليه يعني
هاجر: مش عايزة اشوف الورقة انا خلصت ورجعت ف امشي ونبي
هاجر كانت بتنهار بس بتحاول تتماسك علشان متتعبش في المدرسة
المراقب: ماشي يبنتي ربنا معاكي ويوفقك
هاجر: يارب وشكرا لحضرتك
خرجت هاجر لقت شهد صحبتها مستنياها ووشها غني عن التعريف هاجر تسكت لاء طبعا
هاجر: ايه شهد قلبي خلصت
شهد: اه يا هاجر يلا
هاجر: يلا ايه بس استني يا بت قال يلا قال مستعجل ليه يا جميل انت
شهد: مخنوقة مش عايزة اقعد هنا وعيطت
هاجر كانت هتعيط لانها علي آخرها ومش بتحب حد من صحابها يعيط خدت شهد في حضنها : بت بس ايه ده عندك دم
شهد: خايفة اوي ي هاجر خايفة بجد انا كنت بموت جوة وكنت بتخنق كنت حاسة إن في حد عمال يخنق فيا
هاجر: اهدي يا حبيبي انتي ذاكرتي وانا واثقة فيكي وواثقة إن ربنا مش هيخذلك ابدا يا حبيبي ف ثقي في ربنا وفي نفسك وانك هتعدي وتدخلي كلية كويسة كمان
شهد: اي كلية هرضي بيها بس انا عايزة انجح
هاجر: ثقي في ربنا يروحي وفي نفسك وصلي وادعي ادعي في كل سجدة يا شهد وبعد ما تقولي التشهد الاخير قبل ماتسلمي ادعي عيطي ي شهد قربي من ربنا اكتر وعيطي انتي بتعيطي قدام ربنا افتحي قلبك واقفي قدامه بجد صدقيني هترتاحي وربنا هيجبر بخاطرك يا روحي يلا بقا نروح نجيب ماية ونخرج من إم المدرسة ديه كانت مدرستي في اعدادي وكنت بكرها
شهد بطلت عياط وكانت بتسمع كلام هاجر: تعرفي يا كوكي بجد انا بحبك اوي ولما بكلمك بحس ب راحة كدة مع ان انتي خلاص تكة وهتعيطي بس خدتيني في حضنك وعمالة تنصحيني بجد مش عارفه اقولك ايه
هاجر: ضربتها علي دماغها بس يا بت هو في مابينا الكلام ده يلا هبلة انتي اختي يلا نروح بقا
شهد: يلا ونجيب ماية
راحوا جابو ماية من عم عوض (ده عم عوض قلبي اوي بجد لحد دلوقتي لما يشوفني يسلم عليا بجد الراجل ده عظيم اوي )
عم عوض : ايه ده ازيك ياهاجر عاملة ايه وازي حمادة سلميلي عليه
هاجر: الحمدلله ياعم عوض من عنيا الاتنين حضرتك عامل ايه
عم عوض: الحمدلله والله يبنتي نفسي اشوف في المدرسة ديه بسكوتة زيك كدة مش لاقي من ساعة ما مشيتي
شهد ضحكت: لاء استحالة تشوف غيرها لان مفيش منها اتنين ديه نعمة بجد ل اي حد تبقي في حياته
عم عوض: عندك حق ي بنتي والله ربنا يبركلها ها بقا عايزين ايه
هاجر: اتنين ماية ياعم عوض وواحد عصير مانجا
عم عوض :عنيا الاتنين
شهد: بس انتي مش بتحبي غير العصير الفرش ليه جبتي من ده
عم عوض: اتفضلوا ي انسات
وحسبه عم عوض ومشيوا
هاجر: اتفضلي ي اختاه الماية والعصير
شهد: بت انا بحبك اوي بجد بس جبتيه ليه
هاجر: ليكي يا شهود قلبي انا عندي كام شهود وبعدين علشان تفوقي كدة ومش عايزة دموع تاني فاهمة
شهد: حاضر مش هعيط تاني ربنا يخليكي ليا يا كوكي وحضنتها
هاجر: ويخليكي ليا يا شهودتي
جه صوت من وراهم: الله الله يا ست كوكي وسيباها تحضنك كدة
كوكي: ايه ده زين جيت ازاي وامتي
زين :انا هنا من الساعة10 ي كوكي علشان مستنيكي بس معرفش إن هلاقي الهانم سايبة صحبتها تحضنها
شهد: مين ده
هاجر: ده زين ابن عمتي ومتقدملي وكنت هقولك انهاردة بس الاخت انهارت
شهد: اها اهلا وسهلا ماما هناك ايه يا كوكي هروحلها ونكلم بليل يا حبيبي وشكرا اوي ربنا يخليكي ليا بحبك
زين : لو سمحت محدش يحبها غيري
هاجر وشهد ضحكوا: هاجر باي باي شهود
زين بيقلدها: باي باي شهود
هاجر: الاه في ايه مالك
زين : تحضنك ليه وتقولك بحبك ليه يعني ها ها ها
هاجر: عادي صحبتي فيها ايه
زين: لاء برده مفيش حد يحضنك ولا يقولك بحبك
هاجر عماله تضحك
زين: بس يا بت متضحكيش عملتي ايه في الامتحان
هاجر: معرفش بس اللي ان ربنا معايا دايما وعارف انا تعبت قد ايه في السنتين وهيجبرني اكيد
زين ابتسم : إن شاء الله ي كوكي يلا بينا احنا
هاجر ب استغراب: فين
زين: كلمت باباكي وقولتله إن اخدك ونخرج بعد الامتحان وخدت اجازة من الشغل علشانك وابقي معاكي من اول اليوم
هاجر فرحت اوي إنه مهتم بيها: مش عارفة اقول ايه بس بجد فرحت اوي بس مكنتش تعبت نفسك وقعدت تلت ساعات هنا
زين: مفيش تعب يا كوكي يلا بقا علشان منتأخرش
هاجر سقفت زي الاطفال : يلا
زين : بحب طفلة بس قمر
هاجر: عندك مانع يا استاذ زين
زين: لاء طبعا اجمل طفلة في حياتي وبنتي البكرية واول فرحتي
هاجر: ربنا يخليك ليا يا بابتي استني بقا اكلم بابا واقوله اني خرجت واطمنه عليا واقوله اني هروح معاك
زين ابتسم انها لازم تستأذن باباها الاول ( الاااه بنتنا جدعة اوي )
هاجر كلمت باباها: السلام عليكم ازي حضرتك يا بابا انا خلصت
ابو هاجر: الحمدلله يا روحي عملتي ايه
هاجر: الحمدلله يا حبيبي الحمد لله ان شاء الله خير
ابو هاجر: إن شاء الله يا قلبي
هاجر: بابا زين هنا وعايزنا نخرج وقال إنه كلمك
ابو هاجر: اه يا حبيبي كلمني وروحي معاه
هاجر: ماشي يا حبيبي مع السلامة
قفلت معاه وكلمت مامتها واخوها برده وقفلت
زين: ها بنوتي خلصت
هاجر: ايون يلا بينا هنروح فين بقا
زين : مفاجأة في مكان انتي بتحبيه اوي وحاجات بتحبيها
هاجر: طب قول
زين: بت بقول مفاجأة اقول ازاي
هاجر: طب بص قول وانا هعمل نفسي اتفاجأت وقتها
زين ضحك: بس يا بت يلا بينا
هاجر: امري لله يلا
وراحوا واول مكان كان مطعم بيتزا
هاجر: واو بيتزا انت عارف ان بحبها اوي
زين: طبعا عارف ان بنوتي بتحبها اوي علشان كدة جبتك هنا يلا ندخل
هاجر: يلا
زين : ها تطلبي ايه
هاجر : مش بتقول انا بنوتك اطلب انت ل بنوتك
زين : عيوني ل بنوتي وناكل سوا منهم وطلب بيتزا تشكين رانش لارج ومارجيريتا لارج ( دول العشق)
زين : مالك بتبصي كدة ليه
هاجر: انت ازاي عرفت ان بحب الاتنين دول
زين : اعرف كل حاجة عنك
هاجر اتبسطت اوي ( يارب واحد زي زين ياااارب)
كله وخلصه
زين :يلا تعالي نروح نتمشي شوية ونروح مكان تاني
هاجر : يلا
مشيوا
زين: غمضي عينك كدة شوية امشي كدة اطلعي هنا ايوة كدة فتحي
هاجر: فتحت واو بوظة رول لاء انت فيك حاجة غريبة
زين ضحك: انا عايز افرح بنوتي واخليها تفصل من الامتحان وبعد كدة تذاكر المواد اللي جاية بنفس يلا بينا
هاجر مبسوطة اوي وبتضحك: يلا
وجابلها بوظة بالشوكولاته الكادبوري وجاب ليه واحدة
زين: ايه رايك انفع اب وزوج صح
هاجر: جدا بجد انت هتبقي اب كويس جدا وحنين تعرف انا كنت بدور علي حد يكون اب ليا قبل ما يكون اب ل ولادي علشان يكون حنين عليا وعليهم وولادي ميجوش يقولولي ليه اجوزتيه وهو مش حنين علينا
زين: وانا انفع اكون اب ليكي
هاجر: اها ماشي تنفع
زين: يا بت بطلي لماضة وقعده يضحكوا وفي الاخر روحها
زين: انا كلمت باباكي ونازل يخدك علشان انا مش عايز الناس تقول كلمة وحشة عليكي
هاجر: حاضر
وابو هاجر جه وهاجر جريت تحضنه
هاجر: عامل ايه يا حبيبي
ابو هاجر: الحمدلله يا قلبي عامل ايه يا زين
طبعا زين مكنش هنا كان بيطلع دخان من ودنه وعنيه ( ده ابوها يلا ابوها 😂)
زين فاق علي ابو هاجر: الحمدلله يا عمي استأذن انا بقا علشان ورايا حاجات
ابو هاجر: طب ماتيجي تقعد معانا شوية
زين : معلش يا عمي بس علشان هخلص شغل في البيت
ابو هاجر: اللي تشوفه يبني وشكرا علي اهتمامك ب هاجر
زين : مفيش شكر يا عمي ده واجبي واقل حاجة ليها هي تأمر بس وانا هنفذ يلا امشي انا وودعهم
وكوكي قلبي طلعت مع باباها ونامت نوم العوافي ي كوكتي
♥️♥️♥️♥️♥️♥️♥️♥️♥️♥️♥️♥️
فوت♥️
سلاموز ♥️
