هاجر دخلت نامت بس حلمت بحلم غريب اوي حلمت بشخص جاي يتقدم بس هي متعرفهوش شخص مجهول عنها اسمه زين
ابو هاجر: منور يا زين منورين والله
ام زين: بنورك يا اخويا
زين: بنورك يا عمي بص احنا مش جايين زيارة احنا جايين في موضوع مهم واتمني حضرتك توافق
ابو هاجر: خير يا حبيبي
زين :انا جاي اطلب ايد بنت حضرتك هاجر
ابو هاجر: بنتي وانت تعرفها منين تقريبا انت مشوفتهاش ولا هي شافتك
زين : اه بس انا جاي لأنها بنت حضرتك وانا عايز اناسب حضرتك وكفاية أنها بنتك ف اكيد مش هلاقي زيها وسمعت عنها بجد كل العيلة بتشكر فيها
ف اتمني توافق
ابو هاجر: انا والله يا زين موافق لاني مش هلاقي حد مناسب ل هاجر غيرك علشان انت راجل فعلا وهتعرف تحافظ عليها انت قد المسؤلية بس طبعا لازم اخد رأيها
زين: اكيد طبعا ياعمي
ابو هاجر: هي زمانها جاية حالا
جرس الباب رن اهو اتلاقيها هي
هاجر جت : السلام عليكم
كلهم: عليكم السلام
ابو هاجر: تعالي سلمي علي عمتك وابنها زين
هاجر ب استغراب: عمتو عمتو مين
ابو هاجر: هي بنت عمي بس انتي عمرك ما شوفتيها
هاجر : اه ازي حضرتك يا عمتو ووجهت كلامها للشخص المجهول اللي من ساعة ما دخلت عمال يبصلها ومبتسم ازيك
زين: الحمدلله
ابو هاجر: بصي زين جاي يتقدملك وانا قولت اخد رايك
هاجر: زين مين
ابو هاجر: زين ابن عمتك
هاجر: انا اسفة بجد بس مش بفكر في الخطوبة أو الجواز دلوقتي ي بابا انا عايزة احقق حلمي
انا اسفة بجد يا زين
ابو هاجر: بقولك ايه يا ام زين وانتي ي ام هاجر تعالي نسيبهم
زين: طب بصي فكري هديكي وقت تفكري فيه بصي انا اسمي زين خريج تربية رياضية بشتغل في شركة غير شغلي في النادي مرتبي كويس جدا بحب القهوة زي ما انتي بتحبيها
هاجر: بص انا ممكن اوافق علشان القهوة ديه 😂و الفلوس اخر حاجة افكر فيها بجد مش مهم عندي الفلوس الاهم الاخلاق وان الشخص يحبني ويبقي حنين عليا بس فعلا انا مش بفكر في الجواز بس سبني افكر ( هاجر اعجبت بيه اول ما دخلت في حاجة شدتها ليه هو حلم غريب وطويل واول مرة تحلم ب حاجة زي كدة) بس يا زين انا عندي حلم ونفسي احققه وخايفة إن لما اتجوز معرفش احققه
زين :مين قال كدة انا مش ضد إن مراتي تكون ناجحة ومحققة كل اللي عايزاه وكمان هساعدك في حلمك ونحققه سوا
هاجر: طب ممكن تسبني افكر
زين : هسيبك اكيد بس متقعديش كتير وانا حبيتك انتي اصلا تتحبي من اول نظرة وعايزك في حياتي وفعلا هتكوني حياتي كلها
هاجر اكسفت وخدودها احمرت
زين : اللهم بارك ايه القمر ده لا انا انادي عليهم بدل ما اعمل حاجة لو عملتها هنتجوز انهاردة
هاجر قامت بسرعةندت ل باباها وجم
زين: هنقوم بقا يا عمي علشان الوقت أتأخر
ابو هاجر: ماشي يا حبيبي وان شاء الله خير
ام زين وزين : إن شاء الله مع السلامه
هاجر ووالدها و والدتها: مع السلامة نورتونا
♥️♥️♥️
هاجر صحيت من النوم مستغربة اي الحلم الغريب ده ومين زين ده ومين عمتها عمرها ما شافتهم
هاجر: طب اعمل ايه مين دول ولاء كمان عارف كل حاجة عني ازاي ده مستغربة اوي
شهد اتصلت بيها : يلا يا هاجر عندنا درس
هاجر : حاضر يا شهد هلبس واشرب القهوة وانزل ويبقي نفطر سوا
شهد: تمام بس انتي مالك انتي مش بتشربي القهوة من غير اكل ولو شربتيها كدة يبقي في حاجة
هاجر: مصدعة ومش فايقة ومزاجي مش رايق ومليش نفس يا شهد ف هشرب علشان مزاجي يروق
شهد: ماشي يا حبيبي لما تيجي ابقي اشوف مالك
هاجر: يبقي اعملي حسابك في واحد قهوة تاني علشان مزاجي هيتقلب لما احكي
شهد: قومي بس يا بت يلا
وهاجر قامت خدت شاور وصلت وجهزت
صباح الخير يا ماما
ام هاجر: صباح الخير يا كوكي ياع علشان تفطري
هاجر: لاء مزاجي مش رايق وهفطر مع شهد بس هشرب قهوة وانبي متعرضي لان انا مش فايقة وعندي درس ولازم اشرب علشان مطلعش في شهد
ام هاجر: ماشي ربنا معاكي
هاجر: يارب يا مامتي يا عسل
وراحت عملت القهوة وشربتها ونزلت
شهد: اهلا ب ست كوكي
هاجر: اهلا يا شهودي يلا بينا يا عسل
شهد: بت مالك انا عرفاكي في ايه
هاجر: مش عارفة والله يا شهودتي بس حلمت بحلم غريب أن في حد جه اتقدملي وابن عمتي وانا معرفهوش وقريبي من بعيد وليلة كدة وهو بيحبني انا مش فاهمة حاجة
شهد: إن شاء الله خير يا كوكي متفكريش
هاجر: إن شاء الله يا شهودتي يلا بقا نروح الدرس ونفطر ونقعد في الكافيه اللي جمب السنتر نجيب قهوة ونقعد لان مزاجي اتعكر اهو
شهد: يا بت انتي بتاخدي مخدرات ولا ايه ب خربيتك انتي مدمنة قهوة يا بت والله
هاجر: انا بعشق القهوة بجد وزين بيحبها
شهد: زين زين مين
هاجر: زين اللي جه في الحلم هو قالي كدة
شهد: يا مجنونة انتي يلا وضحكوا وراحوا فطره ودخله الدرس وخلصه وراحوا الكافيه يقعده في شويه وكل واحد روح بيته
♥️♥️♥️♥️♥️♥️♥️♥️♥️♥️♥️♥️♥️♥️
نكمل البارت اللي جاي♥️
سلاموز♥️
