عدت الايام علي بطلتنا ودخلت القسم اللي كان نفسها في واتعرفت علي صحاب هناك وهنعرف كل حاجة يلا نبدا روايتنا
♥️♥️♥️♥️♥️♥️♥️♥️♥️♥️♥️♥️
ام هاجر: يلا يا حبيبتي قومي يلا علشان عندك جامعة
هاجر: ياماما مش قادرة اقوم بجد سبيني انام
ام هاجر: يابت يلا بتعملي كدة من اول سنة قومي بقا
هاجر: حاضر هقوم اهو ماشي صباح الخير يا عسل انت
ام هاجر: صباح الخير يا حبيبتي يلا عقبال ما احضر الفطار
هاجر قامت اتوضت وصلت وجهزت وخرجت علشان تفطر
هاجر: صباح الخير عليكم
محمد: صباح النور يا كوكي
هاجر: انت قلب كوكي انت هات بوسة ياولا ايه ده مارشيملو ده ولا خدود
محمد: يابت بس بقا خدودي
هاجر: مقدرش علي بعدك مقدرش
محمد: باردة يارب ليه متجوزتش وخلصنا من القرف ده
هاجر وحاولت تبين الحزن بضحك: لا برده مش هسيبك عايز اسيب الخدود ديه لمين بس
محمد: اوووف باردة
ام هاجر: يارب صبرني يابنتي اقعدي كلي بقا وخلصي وبطلوا ايه انتوا اطفال
وبعد فترة هاجر فطرت وشربت القهوة وراحت الجامعة
في الجامعة
مي : هنعمل ايه يا شباب نحضر ولا ناكل
هاجر: لا ناكل اكيد مع أن فطرت بس المهم اني محضرش لدكتور بطيخة ده
مي: يا شيخة اتنيلي هو انتي اصلا بتحضري ولا بنشوف وشك غير كل فين وفين
هاجر: علشان انا قمر والقمر مش بيظهر كتير
سارة: بطلوا صداع بقا
هاجر ومي في نفس واحد: سكتنا
وقعده وكملوا اليوم سوا وحضروا كام محاضرة
مي : انا تعبت بجد دماغي هتنفجر
هاجر: ده كدة محضرناش كله لو حضرنا كله بقا كان اغمي علينا
سارة: اه ياني ياما يانا
هاجر: تعالوا نقعد شوية مع بعض صح بقيت العيال فين
مي: مجوش انهاردة
هاجر: ماشي، وسكتت هاجر مرة واحدة وباصة في مكان
مي : مالك يا هاجر متنحة كدة في مين هاجر يا بنتي
هاجر وفاقت علي صوت مي: ايوة يا مي بتقولي حاجة
مي : مالك متنحة كدة ليه وعيونك ليه مدمعة
هاجر: اصل شوفته هناك كان ماشي معرفش ايه اللي خلاه يجي هنا
مي: هو مين ده اللي شوفتيه وقلب حالك كدة
هاجر: زين
مي : مش بتقولي متخرج هيجي هنا ليه
هاجر: معرفش يا مي معرفش وقعدت تعيط انا بحبه اوي وقالي هجبلك حقك من اللي عملت كدة بس عمل ايه صدقه مش قادرة بجد مش قادرة ليه عمل كدة معايا ليه ده انا اعتبرته صحبي وحبيبي واخويا وابويا وابني وكل حاجة ليا ليه يعمل فيا كدة ليه
مي وهي بتاخد هاجر في حضنها: ششش اهدي بس براحة خدي نفسك متعرفيش الخير فين وممكن قربه منك مش خير ليكي ربنا هيعوضك أن شاء الله بحد احسن منه
هاجر: لا مش عايزة حد خلاص هقفل قلبي مش هفتحه تاني وهركز في مستقبلي
سارة: متعيطيش طيب محدش يستاهل دموعك ديه
هاجر: ربنا يخليكم ليا ويديمكم في حياتي انا همشي بقا علشان اتأخرت سلمت عليهم هاجر وكل واحد روح بيته
♥️♥️♥️♥️♥️♥️♥️♥️♥️♥️♥️♥️
عند زين
اسلام: ايه يازين مالك
زين : شوفتها انهاردة
اسلام: هي مين يا بني وفين
زين : هاجر في الجامعة لما كنت رايح اقدم ورق الدكتوراه
اسلام: وعملت ايه وهي عملت ايه وقولته ايه هترجعوا صح
زين : مقولناش حاجة انا شوفتها من بعيد ما أظنش انها شافتني واكيد مش هروح اكلمها بس مش قادر انساها وقلبي وجعني اوي لما شوفتها
اسلام: ليه بتعمل في نفسك كدة وانت بتحبها ليه تنشف دماغك كدة ما ترجعوا لبعض
زين : انا ظلمتها معرفش هتسامحني ولا لا ومين قالك اني مش عايز ارجعلها انا كل يوم بتصل بيها علشان اسمع صوتها قبل ما انام من رقم غريب
اسلام: وينفع اللي بتعمله ده في نفسك وفيها
زين : إن شاء الله خير يلا نشوف شغلنا
اسلام : يلا ربنا يهديك ويقدملك اللي في الخير
وكل واحد راح علي شغله
♥️♥️♥️♥️♥️♥️♥️♥️♥️♥️♥️♥️
عند هاجر روحت البيت
هاجر: يا قوم انا عودت
ابو هاجر: تعالي يا قلبي عاملة ايه وعملتي ايه في الجامعة
هاجر: الحمدلله يا حبيبي كله تمام
ابو هاجر: يارب دايما يلا علشان تاكلي
هاجر: لا مش جعانة يا بابا كلت انا وصحابي في الجامعة
ابو هاجر: بالهنا والشفا يا روح قلبي عايزك تجهزي نفسك علشان عندنا فرح يوم الجمعة
هاجر: اللي هو بعد ٣ ايام ده وفرح مين وانا مجبتش فستان
ابو هاجر: فرح نور بنت عمتك وقولت ل مامتك تنزلوا بكرة تجيبوا الفستان اللي يعجب اميرتي
هاجر وهي بتبلع ريقها: نور ماشي يا حبيبي هدخل انام
ابو هاجر: لسة منستيش
هاجر متصنعة الغباء: منستش ايه
ابو هاجر: زين يا هاجر
هاجر: اه زين لا يا بابا متخفش هو ابن عمتي مش اكتر ولا اقل انا هروح انام لان اليوم كان طويل تصبح على خير يا حبيبي
ودخلت سلمت علي مامتها وأخوها ودخلت اوضتها
هاجر: ليه يا قلبي منستش ليه مع انه لازم يتنسي ده شك فيكي وصدق واحد كداب انسي بقا انسي
وكان في صراع مابين القلب والعقل
القلب : مش قادر انسي لسة بحبه
العقل: لازم تنسي ومتنساش انا المسيطر مش انت
القلب : انت واحد مبتفهمش حاجة
العقل: يعني انت اللي بتفهم وبعدين هو فين اللي انت عايزه ده هو خلاص ماشي والله اعلم حب حد تاني ولا ايه
القلب انت مصدق نفسك
العقل: اه علشان اللي بيحب مش بيشك في اللي بيحبه
هاجر: باااس ونامت من كتر العياط
♥️♥️♥️♥️♥️♥️♥️♥️♥️♥️♥️♥️
خلص البارت
سلاموز ♥️
