💔أحببتك بصدق ولكن؟!!! 💔

01

احببتك بصدق ولكن؟!!!💔 الحلقة 1💔

انا بيسان عمري 21سنة و 6اشهر نقرا سنة ثانية جامعي اختصاص علوم اقتصادية
نوصفلكم روحي شوية انا طويلة وخمرية وعينيا بني و شعري طويل و اسود وجاية رقيقة لي يشوفني يقولي راكي ميتة 😔  حنا 4 خاوة في الدار طفل اكبر مني و طفل و طفلة اقل مني

نرجع بيكم للوراء شوية يعني حوالي عام و نصف
كنت قاعدة كي العادة نكونكتي حتان تدخليلي أنفيتاسيو جديدة مع الاول مديتلهاش اهتمام خاطر منقبلش طلبات الصداقة ومبعد جاني فضول نشوف شكون بعثلي رحت حليت لقيت واحد البقلاوة معسلة ( بقلاوة خير من الاتراك 😊😁) باعثتلي  ايا اسيدي قلت والله غير نحكي معاه واش خاسرة نضيع بقلاوة كيما هاذي ومنعرفهاش شكون قبلت الطلب وقعدت نستنا يحكي معايا محكاش وليت قفلت الفيس وخرجت سمانة مدخلتش كنت مشغولة مع الباك
وكي حليت الفيس لقيت هذاك البقلاوة باعثلي ميساج وقلي حاب نتعرف عليك ... قلت في نفسي هذا يحكي صح ولا راني نحلم 😏 الوغ رجعت عليه
بيسان : سلام
هو : سلام
بيسان :واش احوالك 
هو: الحمدلله وانت
بيسان: مدامنا عايشين نقولو الحمدلله
هو: معليش نتعرفو اختي
بيسان :وي خوو ......انا بيسان من عنابة عمري 20 سنة وانت
هو: انا لؤي من عنابة عمري 23 سنة
بيسان: اااا بيا رانا من نفس الولاية وين تسكن بلاك نكون جارتك 😁😁
لؤي: نسكن في **** اما ضرك راني خدام و عايش في العاصمة
بيسان: ااا بيا خوو ربي يعينك
لؤي : واش عاملة مع القراية وين واصلة
بيسان : ايه متفكرنيش والله راني حاصلة هذا العام نعڨب الباك
لؤي: معندو مبقالك مالة مزال غير شهر
بيسان: ايه واني غارقة للشوشة تاع الراس من الحفيظة
لؤي: ربي يوفقك اختي وكان تحتاجي حاجة راني هنا
بيسان: مرسي خوو ربي يحفظك ...حقا مقتليش وين واصل في قرايتك انت و واش قاري؟؟