💔أحببتك بصدق ولكن؟!!! 💔

10والاخيرة

احببتك بصدق ولكن؟!!! 💔الحلقة الاخيرة💔

يا خسارة الوقت لي ضيعتو معاك عامين راحو من عمري خسارة في جرة واحد ميسواش واحد رخيس و عرة الرجال
وبعثلو الميساج وعملتلو بلوك وانا بديت نبكي ظلامت الدنيا في عينيا وتحطمت وليت لا نوكل لا نشرب غير راقدة ونبكي الانسان لي حبيتو و عشقت فيه بيه هو كنت عايشة بيه هو كنت نتنفس رباني على يديه خاني ومع قداه من طفلة وكذب عليا بقيت على هذي الحالة مدة شهر غير نبكي و نرقد وبرك حتى الفيس وليت مندخلوش و دارنا منحكيش معاهم خلاه ودخلت في حالة إكتئاب و وليت لي يحكي معايا نشعل فيه وليت نتغشش في ساع و وحد النهار قلقت خلاه قلت نحل الفيس وكي دخلت للفيس لقيت واحد باعثلي ميساج كي جيت نشوف لقيت الصورة هي صورة لؤي اما الاسم اسم وحدوخر انا حرت كيفاه هذا اسم عبد اخر و الصورة صورة لؤي كي فتحت الرسالة لقيت مجموعة من الصور تاع لؤي و معاهم ميساج مكتوب فيه " سلام اختي انا حسام من العراق وانا محامي وانت راكي صديقة لواحد اكبر نصاب جزائري اسمو لؤي.... و هو راهو انتحل شخصيتي و سرق الصور تيعي كل و راح نخليه يدفع الثمن غالي هو واصدقائه النصابين "
انا الصراحة اول ما شفت الميساج تشوكيت معرفتش نصدقو ولا نكذبو و ليت رحت نقارن بين الصور لي بعثهملي هذا حسام و لي بعثهملي لؤي لقيت بلي كلامو صح الصور لي بعثهم حسام هوما الحقيقيين وتاع لؤي لي مسروقين خاطر نفس الصور مي تاع لؤي منقص فيهم وكي جيت نشوف واش منقص لقيت بلي مكتوب فيهم بلايص يبينو بلي راهم من العراق انا لتم تأكدت بلي لؤي واحد محتال وكذاب وخذاع وميستاهلش حبي ليه و مرضو ظهر كذبة مي انشاءالله ربي يبليه بيه باه مبقاش يتمسخر بي بنات الناس و انا ضرك راني نحاول باه ننسا حبو لي في قلبي و ننصحكم يا بنات مديروش ثيقة في حتى واحد من تاع الفيسبوك حتى كون يخرجلك يدو خضراء من الجنة .