💔أحببتك بصدق ولكن؟!!! 💔

03

احببتك بصدق ولكن؟!!! 💔 الحلقة 3💔
لؤي: انا حكايتي حكاية مع الحب ومش حاب نوجعلك راسك
بيسان: لا خويا متوجعلي راسي ما والو
لؤي: اوكي منين تحبي نبدالك
بيسان: من الاول خلاه 😁😁
لؤي : ههه اوكي..... نبدالك من الاول يعني من نهار لي تعرفت عليه على لي حبيتها
بيسان: اوكي
لؤي : كي كنت نقرا في الجامعة تعرفت على وحدة اسمها مروى كنا اصدقاء ديما مع بعضانا مع مرور الوقت حبينا بعضانا كيما اي 2 كوبل ضحك خرجات سهرات تحواس.... انا من كثر حبي ليها رحت خطبتها وهي قبلت وبعد انا تخرجت رحت للعاصمة نخدم وهي قعدت في عنابة تكمل قرايتها وبعد ما جيت انا للعاصمة بمدة عملت حادث مرور كنا انا و عمي في الحادث توفى عمي وانا بقيت في غيبوبة لمدة شهر ونصف وهي كيما درت الحادث جاتني و شافتني و الطبة الوقت هذاك كانو يقولو بلي مكانش امل إنو يعيش و العمود الفقري تيعو إنضر وكان عاش راهو يعيش مقعد مبقاش يمشي هي لتم روحت لعنابة وخلاتني انا مزالني في غيبوبة وكي فطنت طول سقسيت عليها قاتلي ماما اي كي درت الحادث جاتك عدة مرات انا قلتلهم وين راح تيليفوني كي عطاوهولي عيطلها هز عليا واحد قالي اني خطيبها متزيدش تعيطلها انا قتلو راك تتمسخر بيا انا هو خطيبها و ديجا وعلاه تهز على التيليفون تعها اعطيها التيليفون هو عطاها قلها هاكي قوليلو هي اني مخطوبة و زيد واش ندير بواحد مقعد ميمشيش و تسبب في موت عمو متزيدش تحكي معايا انا الدقيقة هذيك ظلامت الدنيا انا مبقيتش نمشي و تسببت في موت عمي جاني انهيار عصبي الحوايج لي قدامي كل كسرتهم مخليت والو ومبعد اختي عطاتني إبرة مهدأة ( اختو صبرينة طبيبة) انا دخلت في حالت يأس مي الحمدلله بعد مدة رجعت نمشي عادي وبعد 4اشهر رجعت لحياتي الطبيعية رجعت لخدمتي ومروى كي سمعت بلي تعافيت 100% حبت ترجعلي وانا قتلها الجرح لي درتيهولي مبقاش يداوا ... هذي هي حكايتي مع الحب
بيسان: وي صح خويا حكايتك صعيبة و ربي يعوضك انشاءالله بي ما أحسن منها
لؤي:إنشاءالله..... وانت جامي حبيتي في حياتك
بيسان: انا حبيت من قبل من لي حبيتو ظهر يحب صديقتي وهي كانت مش حابة تخرج معاه على جالي مي هو أقنعها باه تخرج معاه و ضرك راهم مخطوبين يعني انا ثاني تعرضت للخيانة من صديقتي
لؤي: صح صعيبة الخيانة مي انشاءالله ربي يعوضك بواحد احسن منو
بيسان: انشاءالله
لؤي معليش نقلك حاجة ومتفهمينيش بالغالط
بيسان: اوكي تفضل