💔أحببتك بصدق ولكن؟!!! 💔

07

أحببتك بصدق ولكن؟!!! 💔الحلقة 7💔

.....حبيبتك مروة"
انا تشوكيت بقيت غير ساكتة ومبعد قلي واش بيك ساكتة قتلو واش فكرها فيك ضرك وعلاه تبعثلك ميساج قلي والله ما عبالي وضرك نعيطلها نسبها ونكبي عليها انا قتلو لا متعيطلهاش و غذوة راح تروحلها؟ قلي انت مهبولة واش نروحلها هذا منروحش لي يسحقني يجيني و وزيد كي تجيني راني راح نسبها قتلو اوكي ومبعد رجنا نحكيو عادي وغذوة من ذاك بقيت نحكي معاه ومخليتوش خلاه خفت لا يروحلها وفي الليل
كي قتلو واش بيك اليوم معيطش قالي والو احبي والله راني مشغول برك مع دراري صحابي راهم عندي في الدار راهم مهبليني ( لؤي عايش وحدو خاطر صراولو مشاكل مع باباه راح عاش في دارو وكي تصالح مع باباه والف وحدو محبش يرجع لدارهم وقعد يطل عليهم برك ) انا خاطر حطيت فيه ثيقة كبيرة صدقتو وقتلو اوكي معليش كي منحكيوش نهار ما عندو ما يصرا
قعندنا نحكيو كي العادة مي لؤي تبدل عليا خلاه يطول باه يرجع كي نحكي معاه في فيس و يعيط خطرة في الشهر و كي نعيطلو نلقاه يهدر وكي نقلو مع شكون يقولي مع صحابي انا صدقتو مي كان عندي شوية شك بلي راهو قاعد يكذب مي خليتو قلت كلش مع الوقت يبان
استمرت علاقتنا هكا لعدة اشهر وانا صابرة معاه حتان جا وحد النهار
لؤي: بيسان حاب نقلك حاجة
بيسان: وي اهدر واصلا راني حاسة من هدرتك مخبي عليا حاجة
لؤي: انا راني مريض و كي درت التحاليل ظهر عندي كونسار في ****
بيسان :😱😱😱😱😱 تحكي صح؟؟
لؤي : وهذي الحاجة فيها تمسخير... تشفاي مين قتلك راني عندي لحمات و رحت نحيتهم
بيسان : وي
لؤي: في الاول كانو يبانولهم لحمات و نحيتهم مي مع الوقت ظهر بلي كونسار