💔أحببتك بصدق ولكن؟!!! 💔

04

احببتك بصدق ولكن؟!!! 💔 الحلقة 4💔
لؤي : معليش نتعرفو على بعضانا اكثر
بيسان: اوكي
مع الوقت تعرفنا على بعضانا اكثر و ولا كل واحد يعرف كلش على الاخر وتعلقنا بي بعضانا وبعد أسبوعين
لؤي: بيسان حاب نقلك حاجة معليش
بيسان: وي تفضل
لؤي: الصراحة عجبتيني و عجبتني عقليتك واني حاب نكون معاك وانت ياخي حكيتلك كلش عليا وراكي تعرفي كلش عليا
بيسان : خلني نخمم وانشاءالله يكون خير (وانا في قلبي اني طايرة من الفرحة خاطر انا ثاني عجبني بصح حبيت نثقل روحي شوية راكم تعرفو كيفاه 😁😊)
لؤي: انشاءالله..... واش راكي خايفة شوية مبعد تخرج النتيجة تاع الباك
بيسان: والله راني خايفة خلاه وكرشي راهي في حالة من الخلعة خفت لا منديهش
لؤي: انشاءالله تديه.... اعطيني رقم التسجيل ضرك نشوفلك انا خير كي عاد راكي خايفة
بيسان: اوكي هاهو الرقم *******
لؤي: اوكي كي تخرج راني نقلك
بيسان: كان مديتوش غير متقوليش اوكي؟
لؤي : لا نقلك خاطر راكي راح تديه
بيسان: انشاءالله .... انا نخليك ضرك شوية ونجي
لؤي: اوكي مي مطوليش راهي مزالت ساعة وتخرج النتيجة
بيسان : اوكي
رحت عملت فيها دوش خفيف و سشورت شعري ( على الاقل كان مديتش الباك منكورنش كشرودة 😁😁) ورجعت حليت الفيس على 8 مساءا في الوقت لي حطو فيه النتيجة بعد
لؤي: راهو تحل الموقع ضرك نشوفلك
بيسان : اوكي
وبعد خمس دقائق جاني ميساج من عندو