💔أحببتك بصدق ولكن؟!!! 💔

05

احببتك بصدق ولكن؟!!! 💔الحلقة 5💔

لؤي: ألف ألف مبروك راكي ديتي الباك
بيسان :يزي برك بلا تمسخير قلي اني مديتوش راهو ميصرالي والو
لؤي: والله غير راكي ديتيه اصبري دقيقة ضرك نبعثلك صورة وتشوفي بعينيك
مصدقتش حتان شفت الصورة فرحت ورحت فرحت والديا وهذاك كان احلى نهار في حياتي
لؤي : مبروك و لعقوبة للمزيد من النجاحات
بيسان : شكرا وانت ثاني انشاءالله تكمل الدكتورا تيعك ونفرحو بيك
لؤي: انشاءالله
بيسان : لؤي حبيت نقلك حاجة
لؤي: وي تفضلي
بيسان : راني خممت في واش حكينا من قبل
لؤي : و واش قررتي
بيسان : لؤي سامحني حبيت نقلك بلي...... (حبيت نحرقلو أعصابو شوية 😁😁😊)
لؤي : اوكي فهمتك و معليش نقعدو اصدقاء ونحكيو وكان مش حابة معليش نحاول نبعد
بيسان : وي مي راني مزال مكملتش هدرتي
لؤي: اوكي كملي واش راح تهدري
بيسان: اني خممت وقررت اني نعطي فرصة لعلاقتنا باه تطور
لؤي: مرسي والله ما راح تندمي وراح نفرحك ونخليك ديما تضحكي
بيسان : انشاءالله
انا بديت في تسجيلات الجامعة وكملت ولؤي كنت ديما نحكي معاه في الفيس و في التيلفون وبعد مدة هو راح في خدمة خارج العاصمة و البلاصة لي راحلها مكانش فيها كونيكسيو و الريزو وباه يحكي لازم يمشي تقريبا 1كم باه يقدر يحكي حنا في المدة هذيك محكيناش خلاه مي انا كنت ديما نقرعج في الفيس تيعو حتان وحد النهار نلقا وحدة حطتلو صورة( كانت مكتوب فيها كلام حب) و قتلو راني توحشتك يا عمري انا لتم بديت نغلي و بقيت نعيط وكي مقدرتش نحكمو بعثلو ميساج وبقيت نستنى حتان عيطلي وكي عيطلي حكيتلو راش كاين قلي هذيك راهي صديقتي برك و راهي مريضة بالكونسار غير متهدريش معاها ( وانا كنت ديجا حكيت معاها في كومنتار وتعاركت معاها 😤😤) قتلو واش قلتلها قلي مبقيتيش ديري عليها وخليها تعمل واش تحب خاطر راهي مريضة ومبقالهاش وتموت انا الصراحة غاضتني وشفقت عليها خليتها تعمل واش تحب في الفيس توعو
وبعد 20 يوم كمل خدمتو و رجع للعاصمة رجعنا نحكيو كيما العادة في الفيس و التليفون حتان وحد النهار كنت نحكي معاه ونشوف في ميساج دخللي من واحدة كي جيت نفتح لقيتها هذيك لي راهي صديقة معاه في الفيس( حقا مقتلكمش اسمها روميساء مي يعيطولها سارة ) ولقيتها بعتثلي 2 صور