💔أحببتك بصدق ولكن؟!!! 💔

06

أحببتك بصدق ولكن؟!!! 💔الحلقة 6💔

لقيتها بعثثلي 2 صور كي جيت نفتحهم تشوكيت واش لقيت فيهم يا ربي صح واش راني نشوف ولا كذب يا ربي كان صح صبرني وأعطيني العقل يا ربي ( كانو في الصور صور محادثة بين حبيبي لؤي و سارة وقتلو هي شكون بيسان هذيك هو جاوبها راهي تمسخيرة برك و قتلها راكي عبالك بلي نحبك انت برك) عيطلو وحكيت معاه و قتلو واش صرا قلي هو والله ما هدرتها وانا جامي قتلها هك راهي تكذب قتلو انا وشكون لي هدرها مالة كي عاد مش انت لي هدرتها قلي اي هي انا حرت وقتلو منين جاها المودباس تاعك باه تدخل وتحكي هك قلي اي السمانة لي فاتت قتي أعطيني المودباس اني حابة نحكي مع مرت خويا من الفيس تيعك خاطر اني شاكة فيها تخون فيه وهو مقبلش مي بعد محاولات عديدة قبل وعطاها المودباس هي خلاتو ما خرج ودخلت وكتبت لي ميساج من الفيس تعها للفيس تيعو وكي كملت صورتها وبعثثهملي ومبعد حذفتهم
هو مبعد كي سمع من عندي واش صرا راحلها وحكا معاها وقلها لازم تهدري معاها وتقوليلها بالتفصيل واش عملي هي جاتني وحكاتلي انا سبيتها وفرغت غشي كل فيها وبلوكيتها و هو جبتها سمانة منحكيش معاه و هو غير يطلب في السماح وبعدها سمحتو ورجعنا كيما كنا ديما نحكيو مي الخطرة هذي غير في الفيس مبقاش يعيطلي كيما قبل وكي نقلو علاه ديما يعمللي سبب راني مع صحابي ولا راني نخدم المهم انا صبرت معاه وعلى ظروفو وبعد شهر كنت نحكي معاه في تيليفون و يدخللو ميساج من رقم ميعرفوش بدا يقرا في الميساج " سلام حبي لؤي انشاءالله تكون بخير راني توحشتك خلاه و سامحني على واش عملت فيك واعطيني فرصة باه نصلح واش عملت ونرجعو كيما كنا انا راني في العاصمة في الفندق****** معليش تجي غذوة على الساعة 7 تاع لعشية نشوفك ونحكي معاك ونحاولي نصلحو لي كان بينا انا راني نستناك غذوة و باي وتهلا في روحك حبي .....