سعاد : قومي يا دلعادي يلا علي الشغل هنتاخر الساعه بقت ١١ونص
عائشه بتافف : في ايه يا اما خلاص هقوم اهو
سعاد : طب اخلصي أنا هلبس واروح تعالي ورايا علطول انتي والبت هناء وخليها تجيب الاحمر والأخضر وغمزت
يلا سلام وغادرت سعاد
عائشه : م هي ناقصه علي المسا
دخلت الحمام اخدت شاور ولبست بيبي دول احمر
وفوقها عبايه سمرا وشعرها باين من الطرحه
وخرجت من البيت نزلت راحت بيت متهالك ومر عليه الزمن ورنت علي الجرز القديم فتحت هناء
عائشه : ها خلصتي
هناء بمياعه وفي فمها لبانه : اه يا اختي خلصت استني بس اجيب الحاجات اللي سعاد قالتلي عليها
عائشه: ماشي انجزي عشان سعاد متعطلناش موشح زي كل مرة
هناء بهروله : خلاص يا اختي خلاص
دخلت هناء علي امها العيانه
هناء : أما انا رايحه الشغل عايزة حاجه
امها بدعاء وتعب : ربنا معاكي يا بنتي ويوقفلك ولاد الحلال ويبعد عنك ولاد الحرام خلي بالك من نفسك عشان المستشفي اللي انتي فيها دي فيها شباب ولاد حرام
هناء وهي معتادة علي كدا : حاضر يا اما حاضر يلا سلام أنا بقا
امها بعد م مشيت : ربنا معاكي يا بنتي وانتي مشرفاني وممرضه شاطرة كدا
في الشارع
عائشه : انتي لسه بتقولي لامك انك شغاله ممرضه
هناء : ايوا يا اختي امال اقولها بشتغل ايه عشان تروح فيها
عائشه : لا يا اختي اوعي تقوليلها الوليه هتروح فيها
هناء : لا متخافيش كلو تحت السيطرة
في مكان تاني في نفس الحارة
في الصيدليه
يوجد شاب يجلس ويقرا قرآن ويدخل عليه شاب
بلال: السلام عليكم
يوسف قفل المصحف وصدق وبابتسامه : وعليكم السلام ورحمه الله وبركاته وكمل بهدوء : هو أنا مش قولتلك اسمها وعليكم السلام ورحمه الله وبركاته قبل كدا يا ابني
بلال : خلاص يا سيدي أنا اسف المرة الجايه
يوسف : طب اقعد يلا انت اتاخرت ليه
بلال : معلش كنت جايب لسه بابا من المستشفي كان تعبان اوي
يوسف بحزن : شفاه الله وعافاه وهو عامل ايه دلوقتي
بلال بمرح : لا متخفش الحاج صحتو بومب
يوسف بضحك: قول ماشاء الله يا بني ادم ربنا يحفظو يارب
بلال : يارب
عند هناء وعائشه
هناء وهي بتضرب دماغها : (رنا) أنا نسيت الحبوب اللي سعاد قالتلي عليها
عائشه : نهار ابوكي اسود مفيش هنا صيدليه فاتحه هنا في الوقت دا
هناء : يا ستي اهدي في صيدليه اخر الشارع بتبقي فاتحه اخر الشارع هنا
عائشه : الا دي دي فيها واحد عاملي فيها شيخ ومبيتكلمش اساسا
هناء : انتي مين اللي قالك احنا اول مرة نجيب من الصيدليه دا اساسا احنا علطول بنجيب من برا بس عشان يا اختي متأخرين احنا مضطرين نجيب من الحارة
عائشه بارف: مضطرة اجيب من هناك
هناء : وبعدين متخافيش احنا ممرضين والحارة عارفه واكيد مش هيسال يفتكر أن احنا هنديه لواحده عيانه في المستشفي دا لو حد سال
عائشه: طيب يا اختي يلا قدام
هناء : هيههي يلا يا اختي
عائشه : قدامي يا بنت ***
أنت تقرأ
التائبة والملتحي
Romansبتحكي القصه عن بنت كانت حياتها كلها استهتار وحرام لحد م القدر بيغير حياتها وبتعرف شاب ملتحي ومتدين 🌍💙
