التائبة والملتحي

بارت 6

في فجر يوم جديد
صحيت بطلتنا علي صوت اذان الفجر
عائشه وهي حبت الصوت ودخل جوه قلبها : الصوت دا انا احساسي اني سمعتو قبل كدا ثم افتكرت الكتاب الذي لمس قلبها وشغل عقلها عندما قرات جزء منه وقامت بصت علي نفسها في المرايه
عائشه لنفسها: هو انا للدرجادي غلط عشان يهديني الكتاب دا ولا هو قاصد خير طب هو انا ليه مش قريبه من ربنا ومبصليش ثم سمعت الاذان ( اشهد ان لا اله الا الله ) بكت وفضلت تفكر ان هي بعيدة عن ربنا اوي اوي وقامت اتوضت عشان تصلي حاولت تفتكر كانت بتصلي ازاي من ٣ سنين مش فاكرة بكت علي نفسها وانها نسيت ربها من اجل ملاذ الدنيا ولكن لا تعي كيف مذاق الجنه ونعيمها بحثت علي النت وازاي تصلي وفعلا صلت وقعدت تقرا عن الصلاة وتارك الصلاة وقررت تجيب مصحف قديم وتقرا فيه وجاتلها آيه قشعرت بدنها وابكتها ( وان استغفروا ربكم ثم توبوا اليه يمتعكم متاعا حسنا الي اجل مسمي ) وكملت قرائتها وفتحت نت واتفرجت علي فيديوهات الشيخ حازم شومان وحست براحه عجيبه وقد ايه هي فهمت حاجات كتير في دينها اول مرة تعرفها
خلصت ورنت علي هناء
هناء : الو
عائشه : ايوا يا هناء عيزاكي تيجي عندي النهاردة ضروري
هناء : حاضر يا اختي بس هو في حاجه مهمه
عائشه: اه بس متتاخريش بقا
هناء : حاضر
الساعه جت ٩ الصبح
الباب بيخبط
سعاد وهي خارجه من المطبخ : مين
وفتحت الباب
سعاد : هناء خشي
هناء : ازيك يا ابلتي
سعاد : بخير يا اختي
عائشه : تعالي يا هناء
سعاد سابتهم ودخلت وهناء وعائشه دخلو الاوضه
عائشه : انا هقولك علي حاجة بس حاولي تستوعبي الكلام اللي هقولو تمام
هناء باستغراب : ماشي قولي
وقصت عليها كل شيء
هناء بصدمه : يعني امير بيه يبقي اخوكي
عائشه وهي تكتم فمها: اخرسي يا غبيه هتفضحينا
هناء ومازلت الصدمه علي وشها : طب الحمد لله ان كان معانا منوم
عائشه : هو انتي هبله حتي لو مش اخويا انتي عارفه اني مستحيل اعمل كدا ولا حد يلمسني
هناء: اه طبعا خليكي علي وضعك
عائشه : وكمان في حاجه هقولها
هناء : استر يارب ايه تاني
عائشه: يوسف
هناء : يوسف مين
عائشه : لا ركزي معايا يوسف الدكتور الصيدلي
هناء : ايوا مالو طلع ابن خالتك ولا ايه
عائشه: لا يا خفه طالب ايدي
هناء: الله اكبر دا شيخ ثم اكملت بس اشمعنا اختارك يعني د حتي مبيبصش علي وشوشنا
عائشه: انا هفهمك وقصت عليها كل شيء
هناء : بقي كل دا يطلع من البت دي ومتبليه علي الولا الله يحرقها ثم اكملت: وانتي ناويه علي ايه
عائشه: الصراحه هو شكلو بني ادم كويس واداني كتاب ديني زي م قولتلك انا قراتو واتصدمت اني معرفش حاجات في الدين كدا وصحيت علي اذان الفجر وبكيت وكمان سمعت عن فيديوهات الشيخ حازم شومان انا هبعتلك الفيديوهات وخدي الكتاب وابقي هاتهولي تاني
هناء وهي تحسس علي عائشه: رنا حبيبتي انتي فيكي حاجه سخنه طيب
عائشه: لا دي اشارة من ربنا ليا عشان يساعدني اخرج من الهلاك اللي انا فيه وانتي كمان هتبقي زي
هناء : ازاي انتي عارفه احنا شغالين ايه
عائشه: انتي عارفه انو غصب عننا انا اتغصبت علي كدا وانتي كنت مغصوبه عشان امك وتعبها وعارفه ان مفيش حد لمسنا ولا شاف حتي حته من دراعنا
هناء : خلاص اهدي فعلا الواحد عايز يقرب من ربنا تاني زي الاول يارب اهدينا
عائشه: وكمان متقوليش رنا تاني قوليلي يا عائشه علي اسم زوجه وحبيبه الرسول
هناء : حاضر عليه افضل الصلاة والسلام
هناء : طب الخطه هتتعمل عادي يعني مخافش
عائشه : اه طبعا
هناء : طب هتعملي ايه في يوسف هتوافقي ولا ايه
عائشه : اه موافقه
هناء : طب علي بركه الله
عائشه بتفكير : بقولك ايه تعالي نروح نشتري لبس واسع وسمعت بردو ان الطرحه حرام تعالي نشتري خمار وكدا
هناء : اهدي لسه شويه مينفعش عشان سعاد وانتي عارفه الشغل حاولي تصبري لغايه م نخلص
عائشه: نفسي اخلص منها وانتقم لامي منها
هناء : هانت يا حبيبتي
انا لازم امشي بقا عشان امي
عائشه: ماشي ابقي سلميلي عليها وحشتني
هناء : يوصل يا حبيبتي يا سلام
وخرحت هناء وذهبت الي بيتها
ودخلت
ام هناء : كنتي فين بدري كدا يا هناء
هناء : كنت عند عائشه يا اما
ام هناء : هي رجعت اسمها تاني ربنا يهديها يا بنتي ويهديكي ويصلح حالكو
هناء : امين يارب ثم اكملت : ها خدتي الدوا
ام هناء : اه يا حبيبتي الحمد لله
هناء : طب انا جبت معايا اكل تعالي اسندلك ضهرك عشان تاكلي
ام هناء : حاضر يا حبيبتي
ثم تناولو الطعام وانهوه
ام هناء : مش ناويه تفرحيني بيكي يا هناء
هناء : حاضر يا اما بس شويه كدا واوعدك قريب
ام هناء بفرحه : بجد ربنا يهديكي يا بنتي اهو انتي كدا رديتي فيا الروح تاني
هناء بفرحه علي فرحه امها: ربنا يديكي الصحه يا اما