التائبة والملتحي

بارت 3

يوسف بصلها: أنا اسف
البنت : يوسف
يوسف عارف الصوت دا كويس رفع وشو
يوسف بصدمه : اسراء
اسراء بفرحه : يوسف وحشتني اوي
يوسف : أنا اسف أنا لازم امشي
وخد جنه ومشي وهو جواه جرح
اسراء : لازم ارجعك ليا تاني وبتفكير : بس ليه مبصش عليا وحاطط راسو في الأرض كدا بس مش مهم هرجعك ليا بردو

في شقه يوسف
دخل علي اوضتو علطول وافتكر كل اللي حصل
فلاش باك
يوسف : وحشتيني يا سو
اسراء بدلع : وانت اكتر يا حبيبي
يوسف وهو بيقرب منها : طب يلا علي الشقه بتاعت محمود
اسراء بوقاحه:يلا يا حبيبي
وذهبو وفعلو م حرمه الله

فاق يوسف علي هزه علي رجله
جنه : خالو يا خالو
يوسف : ايه يا جنه
جنه: عايزة الوح(اروح) العب من عائسه(عائشه)
يوسف باستغراب : عائشه عائشه مين يا حبيبتي
جنه : اللي كنا بنجيب من عندها الولد(الورد) يا خالو انت نثيت
يوسف : هي مش اسمها رنا
جنه : لا اقولك علي ثر ( سر) بس متقولسي(متقولشي) لحد
يوسف بتركيز : قولي يا حبيبتي
جنه : هي قالتلي أن اثمها (اسمها) عائسه(عائشه)
مس (مش) رنا بس هي مش بتحب اسم عائسه(عائشه)
يوسف : هو في حد مبيحبش اسم عائشه زوجه الرسول عليه افضل الصلاه والسلام
جنه : مس( مش) عارفه بقا يا خالو أنا هنزل العب باي
ومشيت جنه
يوسف : البنت دي غريبه جدا ثم نفض الأفكار من عقله وخرج ليجلس مع أخته ياسمين

عائشه في البيت
قاعده بتتفرج علي التلفزيون بملل
عائشه بملل: ايه الزهق دا كلو ياربي
سمعت صوت حد بياذن صوتوا حلو اوي وشدها وقفت في البلكونه وقعدت تسمع الصوت اللي هز قلبها من الهدوء والرقه عيطت اول م سمعتو المؤذن خلص اذان وخرج من الجامع بعد الصلاة وهي دخلت
ابراهيم : صوتك في الأذان حلو اوي يا يوسف يا ابني خليك كدا دايما ربنا يديمها نعمه ليك يا حبيبي
يوسف: اللهم امين يا حج يارب أنا رايح افتح الصيدليه
ابراهيم : ربنا معاك يا ابني وانا همشي أنا كمان عشان اختك
وذهب ابراهيم ومحمد جوز اختو
يوسف فتح الصيدليه وقعد شويه كان بيقرأ قرآن
فجاه سمع صوت حد يعرفو كويس
اسراء بتريقه : انت بقيت شيخ ولا ايه
يوسف حاطط راسو في الأرض: تؤمري بحاجه حضرتك عايزة علاج
اسراء باستهزاء: حضرتك حضرتك مين يا عنيا أنا سو يا قلبي انت ناسي ولا ايه
يوسف : استغفر الله العظيم لو سمحتي يا اخت اسراء ابعدي عني احسنلك واتفضلي بره
اسراء بمياعه : هو أنا موحشتكش يا شيخنا ولا ايه
يوسف : كانت ايام لما كنت مذنب قدام ربنا لكن دلوقت أنا توبت ياريت الله يرضي عنك تبعدي عني احسن
اسراء بعصبيه : نعم يا حيلتها بعد كل دا انا مش هسيبك وخليك فاكر كدا كويس
ومشيت اسراء من الصيدليه وهي متعصبه
يوسف قعد بحزن : ياربي أنا تعبت يارب ربي اني لا أسألك رد القضاء ولكني اسالك اللطف فيه واستغفر وخلص قراءة قران
ورجع بذكرياته ورا
يوسف كان شاب زي بقيت الشباب طائش وكان بيكلم بنات وكان مصاحب أصحاب السوء
محمود : ايه يا اسطا رايك في البت اللي هناك دي
يوسف : جامده بس تفتكر هتيجي معايا سكه
محمود : ايه يا اسطا انت بتشكك في قدراتك ولا ايه
يوسف بغرور: أنا محدش يقدر يصدني اهو اتسلي شويه دي شمال الجامعه كلها
محمود : طب يلا ورينا شطارتك
يوسف سابو وراح عند البنت اللي واقفه مع شله بنات وقاطع كلامهم يوسف
يوسف : اسراء عايزك في كلمه
اسراء بمياعه واعجاب : نعم انت تعرفني
يوسف : هو فيه حد ميعرفش اسراء وليد وحش الكليه كلها
اسراء بضحك ومياعه: لا عجبتني
وقعدو يتكلمو وخدو ارقام بعض وبقو يتكلمو كل يوم تقريبا لحد م قالها تروح معاه في شقه محمود
وفعلا راحو ودخلو
اسراء بمياعه: استني يا حبيبي هروح البس حاجه خفيفه عشان الجو حر
يوسف بغمز: دي نار مش حر اجي اساعدك بقا
اسراء : لا متشكرين مستغنيين عن خدماتك
يوسف بضحك وغمز: هتحتجيها دلوقت
وفعلو م حرمه الله

عودة من الذكريات
يوسف بدموع : يارب أنا كنت غلطان وتوبت سامحني يارب وأبعدها عني يارب وقعد يستغفر كتير
لحد م بلال جه

بعد مرور شهر
كانت جنه بتروح لعائشه علطول وحبتها جدا
واتصحابت عليها
اسراء مش سايبه يوسف في حالو ولسه وراه
وفي مرة عائشه دخلت الصيدليه
عائشه : سلامو عليكو
يوسف : وعليكم السلام ورحمه الله وبركاته اتفضلي
عائشه : عايزة منوم زي دا
يوسف : تمام
وفي الوقت دا دخلت اسراء وكانت مركزة مع يوسف ومش واخده بالها من عائشه اللي واقفه
اسراء بمياعه: حبيبي انت مش ناوي تحن بقا ونرجع
يوسف باحراج من عائشه اللي واقفه : لو سمحتي يا اخت اسراء ابعدي عني بقي انا توبت لربنا
اسراء بوقاحه: وايه يعني ارجعلي تاني وتوب بعدين
وقعدت تستفزو بالكلام
لحد م عائشه استفزها كلام اسراء وأدخلت
عائشه: م خلاص يا بت الراجل قالك مش عايز يرجع مفيش عند اهلك كرامه سيبي الراجل في حالو ولا الشمال شمال حتي لو لبسوه ازدال
اسراء بارف: وانتي مالك يا جربوعه انتي انتي ايه اللي دخل اهلك
عائشه : اهلي؟ د انا هطلع روحك 
ومسكتها ضربتها وشدتها مش شعرها واسراء كانت بتصوت ويوسف بيحاول يشيل بينهم
اسراء بعد م وشها جاب دم وشعرها اتنعكش : د انا مش هسيبك في حالك وشتمتها وخرجت
عائشه: والله م أنا سيباها البت دي
وحاولت تخرج بس يوسف منعها
يوسف : خلاص يا آنسه صلي علي النبي اهدي
عائشه: خلاص خلاص هات الحاجه ثم اكملت بعصبيه: بعدين متخليش واحده تكلمك كدا تاني وانت ساكت
يوسف وهو بيحاول يقلل الكلام : معلش أنا اسف علي اللي حصل دا وانك دخلتي في مشكله بسببي اتفضلي حاجتك اهي
عائشه: لا عادي ولا يهمك سلامو عليكو
يوسف : وعليكم السلام ورحمه الله وبركاته
وخرجت عائشه وروحت
ودخلت أوضتها
عائشه : معقوله يكون عامل فيها شيخ وبيكلم بنات
ولا اكيد لا عشان هو قالها انو تاب وقعدت تفكر كتير لحد م نامت

صحيت علي رقم حد غريب بيرن عليها
عائشه بنوم : الو
المجهول : سلامو عليكو حضرتك عائشه السيد
عائشه : بعد م تعدلت في نومها ايوا أنا
المجهول : أنا ******

يا تري مين المجهول
وليه جابت منوم من الصيدليه

نهايه بارت 3
# التائبه والملتحي
بقلم/ آلاء علي