صحيت علي رقم حد غريب بيرن عليها
عائشه بنوم : الو
المجهول : سلامو عليكو حضرتك عائشه السيد
عائشه : بعد م تعدلت في نومها ايوا أنا
المجهول : أنا ولاء السيد اختك
عائشه بصدمه: نعم ثم اكملت ايه المقالب التافهة دي سلام وقفلت السكه
الرقم رن كتير لحد م زهقت وردت
عائشه بعصبيه : في ايه يا حاجه انتي م كفايه رن مش ناقصه كدب بقا أنا معنديش اخوات أنا وحيده
ولاء: لو سمحتي بس اهدي واسمعيني
بس لازم اقابلك في كافيه عشان احكيلك كل حاجه بالله عليكي تيجي علي الكافيه دا وبعتتلها العنوان علي الواتس
عائشه: تمام ماشي بس لو طلع كدبه الله في سماه مش هرحمك سلام
قفلت وقعدت تفكر ومصدومه
عائشه: لا اكيد لا اختي ازاي وفكرت في حاجه قديمه واتصدمت
نسيبها ونروح لشقه يوسف
الجرز بيرن
مروة : حاضر ياللي بتخبط جايه اهو
وفتحت الباب
بصت باستغراب : ايوا حضرتك اؤمري
اسراء: مساء الخير
مروة : مساء النور اؤمري
اسراء : ممكن اتكلم مع حضرتك شويه
مروة : انتي تعرفيني
اسراء : اه مش حضرتك ام يوسف
مروة باستغراب عشان ابنها مبيعرفش بنات : ايوا يا حبيبتي انا اتفضلي
اسراء : شكرا ودخلت وبدأت تتكلم وبتمثل بعياط وخبث: بصي حضرتك يوسف كنت زميلته من أولي جامعه كان هو في قسم وانا في قسم المهم هو اتعرف عليا وانا كنت رافضه لكن قال انو هيجي يخطبني وضحك عليا بالكلام وفي يوم قالي أن اختو تعبانه في الشقه عندكو واني لازم اجي اشوفها وطمني انك وباباه موجودين وروحت معاه ثم اكملت بعياط اكتر وخبث وحطت راسها في الأرض : وحصل اللي حصل وفوقت وقولتلو انت لازم تتجوزني رفض وكان مشربني عصير في منوم يومها وتعبت من كام يوم وروحت حللت وطلعت اني حامل
مروة بصدمه : نعم ثم اقتربت منها وضربتها بالقلم
واتكلمت بعصبيه: أنا ابني متربي احسن تربيه ولا يمكن يكون عمل كدا
اسراء بحقد لكن أخفته بعياط : لو مش مسدقاني تعالي معايا عند الدكتور واسالي كمان صاحبو صاحب الشقه
مروة بصدمه وثقه : وانا متاكده من ابني استني أنا هرن عليه عشان يجي
اسراء بسرعه : لا حضرتك لو عرف ممكن يضربني أو يعمل فيا حاجه تعالي انتي معايا الاول
مروة بشك لكن ردت : تمام أنا هلبس وجيالك
دخلت مروة وقعدت اسراء بخبث: والله لاندمك انك سبتني وهتجيلي راكع
وبالفعل راحت مروة معاها للدكتور واتاكدو أنها حامل بس التحاليل اللي تثبت انو دا ابنو لسه مطلعتش
ومشيت مروة وهي مصدومه واسراء جنبها بخبث
مروة : انتي هتيجي البيت معايا
اسراء بخبث وأنها نالت ما تريد : حاضر يا طنط
وروحت معاها البيت ووريتها اوضه تقعد فيها لغايه م ابراهيم ويوسف يجو
وبعد مدة
يوسف دخل وإبراهيم
ومحمد وياسمين مع اولادهم برا
يوسف وراح يبوس ايد امو شالتها بسرعه وضربتو بالقلم تحت صدمه الكل
يوسف واقف مصدوم ازاي امو تعمل كدا وكمان اسراء خرجت ووقفت وراها واتصدم اكتر
يوسف بصدمه: في ايه يا امي
مروة : انت لولا أنك هتبقي اب مكنتش طردتك دلوقتي
ابراهيم أتدخل : في ايه يا مروة وانتي ازاي تعملي كدا في ابنك ومش فاهم يعني ايه هيبقي اب
مروة حكتلو كل حاجه
ابراهيم : التحاليل لسه ماثبتتش انو أبوه وانتي ازاي تصدقي علي ابنك كدا
وبص ليوسف: يوسف يا ابني اتكلم انت تعرف البنت دي
يوسف بتردد : ا ايوا يا بابا بس دا كان زمان دلوقتي أنا توبت
ابراهيم بصدمه : نعم وضربو قلم ثلاثي الابعاد😂
(دا بقا ملطشه تقريبا)
يوسف : حتي انت يا بابا
ثم اتجه الي اسراء : حسبي الله ونعم الوكيل فيكي انتي السبب وانتي لو حامل فعلا أنا بردو مش هتجوزك أنا الرابط اللي بينا ابني اللي في بطنك بس دا لو الكلام دا صح ومش لعبه منك ثم نظر لوالديه بعتاب : أنا مش هدخل البيت دا الا لو ثبت برائتي بس وسابهم وخرج
مروة بصت لاسراء اللي كانت بصالها بارتباك : انا اسفه يا طنط مقصدش اعمل كدا مروة بصت لها بارف ودخلت وسابتها
ابراهيم قرب منها : والله العظيم لو طلع كلامك كدب م هرحمك. وسابها ودخل
اسراء : مالو دا اما داخل اوضه جوزي حبيبي
( حبك برص يا اختي)
عند عائشه
لبست ونزلت وراحت الكافيه
وفضلت مستنيه لقت حد بيخبط علي كتفها عائشه
عائشه: ايوا أنا
ولاء قعدت قصادها
ولاء : ازيك يا حبيبتي
عائشه: الحمد لله انتي اللي رنيتي صح
ولاء : ايوا أنا
عائشه: طب ياريت تقولي اللي عندك مع اني عارفه انو غلط
ولاء : لا يا عائشه مش غلط أنا اختك ولاء طبعا انتي عندك اخت اسمها ولاء كانت توامك طبعا انتي متعرفيش كدا لأن مرات ابوكي فهمتك أن انتي بنتها وخلفتك انتي بس وابوكي مات قبل م تتولدي
عائشه بصدمه : مش فاهمه يعني ايه مرات ابويا أنا عندي ام أسمها سعاد
ولاء قاطعتها: لا دي مرات ابوكي مش امك أنا هحكيلك بابا الله يرحمو كان بيحب ماما اوي واتجوزها بعد قصه حب وخلف منها أنا وانتي وامير
وبعدها ماما بابا طلقها عشان سعاد شككت بينهم وقالتلو أنها بتخونو وفعلا راح شقه ولقي ماما كدا وطلقها واضطر بعد فترة بيتجوز عشان هي تيجي تاخد بالها مننا وطبعا اللي اتجوزها سعاد وسعاد دي تبقي بنت عم ماما كانت بتحقد عليها وكانت بتحب بابا وبابا مكانش يعرف واتجوزها
وبعدها ظهرت الحقيقه وان سعاد كانت ماجره الشخص دا اللي بابا شافوا مع ماما وكان طلقها وكان هيروح يصالح ماما لكن عمل حادثه ومات لكن سعاد خدتك وهربت بيكي ومكنش حد يعرف خدتك فين وفضلنا أنا وماما وامير ندور عليكي لحد م ظابط صاحب امير عمل تحريات والحمد لله لقيناكي
عائشه بصدمه : ازاي كل دا انا في دوامه طب ايه اللي يثبتلي كدا
ولاء: تعالي معايا عند ماما وهتتاكدي
عائشه ومازلت في صدمه : تمام يلا
ومشيت هي وولاء وراحو لبيت مامتهم بس اتفاجات انو فله كبيرة وفخمه جدا
دخلت هي وولاء
عزة بدموع لولاء :دي عائشه صح
ولاء: ايوا هي يا ماما
عزة وهي تحضن فلذة كبدها بحرقه وشوق لها : وحشتيني اوي يا عائشه وحشتيني اوي يا بنتي منها لله هي السبب وقعدت تدقق في وشها بايدها وفرحانه أن بنتها رجعت كل دا وعائشه مصدومه
بعدت عزة وحاولت تسيطر علي دموعها تعالي معايا يا حبيبتي أنا هثبتلك انك بنتي مشيت معاها عائشه لاوضه كبيرة وفيها مكتب وراحت عزة للمكتب فتحت الدرج وطلعت البوم وكذا حاجه
عزة : اقعدي يا حبيبتي
عائشه: تمام
وقعدت توريها صورهم مع بعض وقد ايه كان باين عليهم انهم عيله سعيدة مع بعض ولكن انصدمت لما شافت صورة ومسكتها
عائشه بصدمه: دي الصورة اللي نصها عندي مقطوع وكان فيها بابا واختي وهي صغيرة وكانت مقطوعه يعني النص التاني دا طلع انتي اللي في الصورة وسعاد ضحكت عليا وقالت هي الصورة كدا معقوله
عزة : ايوا أنا يا قلب امك ووريتها كمان حاجات تانيه تثبت أنها بنتها والDna كمان
عائشه بدموع وهي بتحضنها: أنا كنت بتمني يكون عندي ام زيك كدا سعاد منها لله مشعلاني معاها شغلانه مش ولابد وكنت متاكده أن مفيش ام بتعمل في بنتها كدا ابدا ولا تتعامل معاها كدا كنت شاكه وقلبي علطول مكسور منها ومببينش الحمد لله اني لقيتك
وبعدها ولاء دخلت واتعرفو علي بعض اكتر ومستنين اخوها اللي كان مسافر وراجع بسرعه عشان يشوف اختو المفقودة
في شقه تانيه في عمارة وفي منطقه تانيه
يوسف قاعد حزين أن ازاي امو وأبوه يشكو فيه كدا واسراء رجعت تاني عشان تخرب حياته وازاي حامل منو بعد الفترة دي كلها ٣ سنين اكيد قالتلهم اني رجعتلها تاني قريب اكيد ومن كتر التفكير راح في النوم لكن صحي صلي الفجر وقرا قران ويبكي ويستغفر ويتمني من ربنا أنا يقويه ويصبره كصبر سيدنا يوسف نعم ف هو اسم علي مسمي
في فيلا اللي فيها عائشه
دخل اخوها اللي متشوق يشوفها
وكانت الصدمه
نهايه البارت4
يا تري اخو عائشه اتصدم ليه
وسعاد هتعمل ايه لما تعرف ان الحقيقه انكشفت لعايشه
ويوسف هيخرج ازاي من المصيبه اللي فيها
# التائبه والملتحي
بقلم / آلاء علي
أنت تقرأ
التائبة والملتحي
Roman d'amourبتحكي القصه عن بنت كانت حياتها كلها استهتار وحرام لحد م القدر بيغير حياتها وبتعرف شاب ملتحي ومتدين 🌍💙
