Jin POV
Jungkook ...
ပထမကတော့ မင်းဟာ ကိုယ့်အတောင်ပံတွေအတွက် ဝန်လေးနေစေခဲ့တဲ့ ဝန်ပိုတစ်ခုကို လက်လွှဲယူမယ့်ကောင်လေးတစ်ယောက်ထက် မပိုခဲ့ဘူး။
အခုတော့ သွေးစိမ်းရှင်ရှင်ထွက်နေဆဲ ငါ့လက်တွေနဲ့ မင်းကို ချည်နေတဲ့ကြိုးတွေကို ငါကိုယ်တိုင်ဖျက်ပေးဖို့ ကြိုးစားနေမိပြီ။
ကောင်ငယ်လေးရေ......
Jungkook POV
ဝယ်လက်ရှိရင် တပတ်အတွင်းရောင်းခဲ့မယ်လို့ ကတိပေးသွားတဲ့ Hyungက သူ့အနားက ပျောက်သွားတာ လေးလကျော်ပြီ။
ရွှေတြိဂံဒေသဆီကို Namjoon Hyungကိုသာခေါ်သွားတဲ့ Hyungက သူ့ကို စောင့်ရှောက်ဖို့ လိုအပ်နေဆဲ ကလေးတစ်ယောက်လို မြင်နေဆဲဆိုတာ သူရိပ်မိနေခဲ့ပါသည်။
ဒါကြောင့်လည်း Hyungများပြန်လာခဲ့ရင် သူ့အပေါ်မှာ အားထားရလောက်တဲ့အထိ သန်မာနေအောင် အရင်ကထက် ပိုကြိုးစားလာသည်။
Boseongမြို့ရဲ့တောင်တန်းတစ်လျှောက် မြေရိုင်းတွေပေါ်မှာ သူ့လက်နဲ့ရင်းတဲ့ လက်ဖက်ခင်းတွေချည်းဖြစ်ရမည်။
နောင်နှစ်အနည်းငယ်အတွင်း သူ့ရင်ကဖြစ်တဲ့ လက်ဖက်ရွက်နုတွေက လူတိုင်းပါးစပ်ဖျားပေါ်တသသဖြစ်နေစေရမည်။
လက်ဖက်ခြောက်နဲ့ပန်းကြာပွင့်ချပ်တွေကို ရနံ့အတွက်ဇိမ်ခံသောက်ကြတဲ့ လူတန်းစားတစ်မျိုးချည်းပဲ မဖြစ်တော့အောင် တခြားနည်းတစ်ခုကို သူစဉ်းစားရတော့သည်။
ကိုရီးယားတိုင်းရင်းဆေးတက္ကသိုလ်နှင့် ချိတ်ဆက်ခဲ့ပြီး ပန်းကြာပွင့်ရဲ့ဆေးဘက်ဝင်တဲ့ဂုဏ်သတ္တိကို လေ့လာဓါတ်ခွဲခိုင်းခဲ့သည်။
တကယ်လည်း ဆေးဘက်ဝင်တဲ့အပင်တစ်မျိုးဖြစ်နေခဲ့သည်။
ပန်းကြာပွင့်ချပ်တွေက serotoinဆိုတဲ့ ဓါတ်တစ်မျိုးကို ထုတ်ပေးပြီး စိတ်ကြည်စေနိုင်သည် ပြီးတော့....ကောင်းစွာ အိပ်ပျော်စေနိုင်သည်တဲ့။
ထိုအကြောင်းအရာတွေကို လူသိများအောင်ကြေငြာခဲ့ပြီး ပန်းကြာပွင့်တွေကို ဖြန့်ချိခဲ့ရာ အချိန်အနည်းငယ်အတွင်း လူသိများလာခဲ့သည်။
ပန်းကြာပွင့်တွေရဲ့ရနံ့ကို အဆင့်၃ဆင့်လုံး တာရှည်ထိန်းထားနိုင်တဲ့ လျှိုဝှက်ချက်ကို Hyungက ပြောခဲ့ပေမယ့် ထိုနည်းလမ်းကို သူမစမ်းသပ်မိအောင်ကြိုးစားခဲ့သည်။
