البارت السابع عشر
ما بين الحب والغيره
"الف مبروك يا حبيبتي ربنا يقومك بالسلامه"
قالت افنان بسعاده.
"الله يبارك فيكي يا ماما"
"الف مبروك يا افنان هبقي خالتوو"
قالت هذا روفيدا وهي تصفق علي يدها بفرحه.
ضحكت افنان بفرحه وقالت.
"الله يبارك فيكي يا روفه
عبقال ما نفرح بيكي انتي ومالك...
بابا ورامي مجوش معاكم لييه"
تمتمت روفيدا بهمس.
"يارب"
ضحكت افنان ولم تعلق
اجابت والدتها ببسمه بشوشه.
"باباكي في الشغل... ورامي في الدروس"
"ربنا يساعدهم تشربو عصير وحاجه سقعه"
تسألت افنان والدتها ورفيدا اختها.
قالت روفيدا بمرح.
"لا احنا نتغدي علطول"
ضحكت افنان ووالدتها وقالت.
"الله يكون في عونك يا مالك يا ابني
هتاخد واحده كل همها الاكل ربنا معاك"
تمتمت روفيدا بتذمر.
"اومال ماكولش وافضل جعانه يعني"
هتفت افنان بضحك..
"هاعملك غدا متقلقيش
بس دلوقتي اعملك حاجه تشربيها"
.
"يا بنتي بهزر معاكي اقعدي انتي
وانا هنشوف اي عندك في التلاجه واجيب وخلاص"
ابتسمت روفيدا بهدوء
وقالت هذا قبل ان تدلف للمطبخ
كي تحضر مشروب.
ضحكت افنان وتمتمت.
"ربنا يكملك بعقلك يارب"
هتفت والدتها بهدوء وحب لـ ابنتها.
"امين يارب ربنا يفرحكم كلكم يا حبايبي...
المهم انتي دا الحمل الاول
فـ لازم تريحي نفسك علي قد ما تقدري
وتنامي علي ضهرك طول الوقت
عشان الحمل يثبت ومتقوميش تمسحي ولا تكنسي
و لو عايزني اجي امسحلك واروقلك اجيلك
او ابعتلك روفيدا او ممكن تيجي
تقعدي معانا فتره الحمل دي"
تمتمت افنان بهدوء.
"ربنا يسهل بقي واشوف"
جاءت روفيدا من المطبخ عند سماع اسمها وقالت.
"الله ومال روفيدا انتي عايزا تريحي بنتك
علي عيني وعلي راسي لكن انا اي دخلي في الموضوع.....
ولا هو تريحي افنان وروفيدا تشيل فوق راسها.....
والله انا بشك ان بنتك صريحيني يا ماما بالحقيقه
انتي لقتيني فين او جيباني من اي ملجئ
عشان اروح اشوف اخواتي اللي هناك
وادور علي اهلي الحقيقيين"
تمتمت والدتها بحنق.
"بت انتي لو مسكتيش انتي اللي الحره"
ضحكت افنان علي حديث اختها
الذي تسمعه كل مره يتجمعو مع بعضهما ولم تعقب عليه.
أنت تقرأ
ما بين الحب والغيره
General Fictionمابين الحب و الغيره ليست غيره كما المعتاد انما...... ادخل اقرأ وانت تعرف 😉😂 المركز الـ8 علي مستوي الوتباد تصنيف اجتماعي يوم 9/3/2023🎊🎉
