البارت الخامس عشر
ما بين الحب والغيره
دلف من داخل الشقه
ونظرت اليه حنان والدت ولاء
وادعت في سرها ان يعدي هذا اليوم علي خير
ولم يحدث اي شئ يؤثر علي فرحة ابنتها.
اقترب عصام الي ولاء وقال.
"مش عيب يبقي كتب كتاب وفرح ولاء
بت حتتنا النهارده وانا اخر من يعلم....
لا انا كدا زعلان"
اقتربت اليه حنان والدت ولاء وقالت بهدوء.
"معلش يا عصام يا ابني
دي حاجه كدا علي الضيق"
نظر الي حنان وقال بتأثر.
"ضيق اي و واسع اي بس يا خالتي
لييه انا مش اخو ولاء ولا ايه
دا احنا متربيين مع بعض"
"طبعا اخوها ومتربيين مع بعض يا ابني "
قالت هذا حنان بهدوء.
"وانا مش زعلان عشان خاطرك يا خالتي
وجيت عشان ابارك لـ اختي ولاء"
واتجه نحو ولاء وسيف وقال.
"مبروك يا ولاء علي الجواز ربنا يسعدك يا اختي"
ونظر الي سيف واكمل حديثه.
"مبروك يا استاذ... وخليك عارف ان ولاء
وراها رجاله تسد عين الشمس
يعني اوعي في مره تزعلها ولا تدوس ليها علي طرف
هتلاقي جيش رجاله واقفلك
كلنا هنا في الحاره اخوات وايد واحده"
قال سيف ببسمه سمجه.
"لا متقلقش عليها ولاء مراتي وفي عنيا
خلي حمايتك دي لحد تاني"
لم يهتم عصام بحديث سيف
ووجه حديثه لـ حنان وقال.
"كل المشريب والجاتوهات علي حسابي يا خالتي
دا دي فرحة ولاء ست البنات وست الحاره كلها"
انهي حديثه وذهب من باب الشقه الي الخارج.
تنفست حنان بارتياح.
نظر سيف الي اثر عصام وقال لـ نفسه.
"هو دا اللي كانت واقفه معاه ولاء
وقبل ما تنزل من الشركه وقتها قالتلي ان والدتها تعبانه
ممكن يكون كان مستنيها يوصلها ممكن برضه....
بس حاسس ان في حاجه مش مظبوطه
مش مرتاح للشخص دا...
يلا مرتاح ولا لاء انا مالي بيه
المهم ان ولاء طلعت حقيقي شخصيه كويسه مش زي ما كنت مفكر"
"سرحان فين ليا ساعه بكلمك"
قال هذا سليم الذي يقف امامه.
ابتسم وقال.
"مفيش يا سليم... في حاجه"
قالت هشام بمرح.
"حاجه اي بس يا عريس مفيش حاجه"
ضحك سليم ومسك يد افنان وبعد عنهم
وتركهم ويتحدثو سوياً.
قالت افنان بفرحه لـ صديقتها.
"فرحنالها اووي يا سليم ولاء
دي اختي مش صاحبتي بس"
قال سليم بحب.
"حبيبي ربنا يسعدهم هما
ويفرح قلبك انتي كدا علطول "
ابتسمت افنان.
"مش مضيع فرصه تعاكسني فيها"
أنت تقرأ
ما بين الحب والغيره
Genel Kurguمابين الحب و الغيره ليست غيره كما المعتاد انما...... ادخل اقرأ وانت تعرف 😉😂 المركز الـ8 علي مستوي الوتباد تصنيف اجتماعي يوم 9/3/2023🎊🎉
