يا نجد لو كل العرب منك ملت ما مل من نجد العذيّه ولا اتوب

«بسم الله الرحمن الرحيم»

"لايك و كومنت يحمسني اكتب اكثر"
«بنجد العذيّه»
كانو البزران يلعبون مع بعضهم والبنات يشاركون العيال والرجال بمحلاتهم يترزقون الله والحريم كل وحده تشري من محل والي تروح لجيرانها والونيتات القديمه الي كانت توصل الطلاب لبيتوهم بعد المدارس
كانت صغيرتنا نجد تلعب لوحدها لأنها ما تحب احد يلعب معها فجأه جاها ولد أكبر منها بسنتين : يا النجد تعالي تلعبين معي
النجد : جامح مابي
جلس جامح على ركبته وامسك بيدها : ليه يا نجدي
النجد بزعل وباين عليها البكيه : ولد ابو صالح كان يضربني ويسحب مني قروشي الي امي تعطيني ياها
عصب الجامح من ولد ابو صالح لأن سمعته سيئه بالديره وقام وقومها معه ونفض ثوبه من التراب ونفض فستان نجد ومسك يدها الصغيره : تعالي يا نجدي اوريك فيه هذا الاثول
نجد مسكت ذراعه وطالعته بعيونها البريئه : جامح لا تتضارب معه خلاص عادي
لف الجامح نظره عليها وبنظره كلها حب وحنان : ابشري يا نجدي لكن ان عادها والله ثم والله اني ما بخليه حي
هزت نجد رأسها وبتطيب خاطره : جامح شرايك نروح عند ابوي علشان نركب الصندوق ويودينا العزبه حقتنا اشتقت للرعد
جامح بغيره طفوليه : تشتاقين لي بس ما تشتاقين لغيري
ضحكو على بعض ومشو لمحل ابو النجد الي يحب جامح ويعتبره ولده
شافهم ابو النجد و بترحيب : يا هلا والله ببنتي وولدي هلا والله
الجامح سلم على راسه وكذالك النجد
النجد بدلع : ابوي عادي تركبنا الصندوق حق الونيت ونروح عزبتنا
الجامح : اي يا عمي عادي؟
ابو النجد قام : ايه يلا انطلقو قدامي على الونيت وانا بلحقكم بس بسكر المحل