صباح اليوم الثاني بعد الحادث
«الجامح »
فكر ليش ما يجذب صالح له ويقبض عليه رفع راسه من سمع صوت الباب وابتسم بعد ماشاف النجد دخلت المكتب: وش مطلعك يا النجد
ابتسمت النجد من وراء غطاها : جيت اتطمن عليك من الكلب صالح
ابتسم بحب كبير لها حُب ال20 سنه ما راح عبث : انا بخير دامتس بخير وترا خطبتس من ابوتس وانتظر ردتس
النجد : من الان موافقه وبيوصلك الرد من ابوي
الجامح : تم وبعدين تعالي
نجد : هلا
الجامح بخوف عليها لكن موب قادر يلمسها ويرجعها غرفتها: وش مطلعتس من غرفتس وجرحتس ماطاب !
نجد : معليه جيت اتطمن عليك وبرجع للغرفه
الجامح قام وخرج ومشى وراها وسكر باب مكتبه : امشي قدامي يلا ماتعرفين مصلحه نفستس
نجد : خلاص بمشي تراك موب محرم لي ولا نسيت
الجامح هز راسه : لا مانسيت بس شكلتس ناسيه اني دكتورك ويجوز لي امسك راستس ولا تنسين ترا كنت شايلتس وانتي ورعه
نجد : خلاص ابعد
الجامح : لا يلا قدامي لا انادي الممرضه تعطيتس مغذيه ثالثه
نجد بتكشير من وراء النقاب : خلاص توبه ها وصلت
الجامح : يلا انسدحي وخلي الممرضه تفحصك وانا بشوف المرضى الثانين وبرجع لتس ولف للمرضه : ابيتس تفحصين راسها وتغيرين لها الشاش وناظر لنجد: ترا ما بتطلعين لين ما يشفى راستس واحمدي ربتس ان الرصاصه صغيره لو كبيره كسرت الجمجمه
نجد : خلاص لاعاد تذكرني الله لا يذكره بالخير
الجامح ابتسم : بنشب لتس لا خطبنا
استحت نجد ووجهها حمر وطلع الجامح وهو يضحك وراح لشغله
«بروق»
نطت من الفرحه بعد ما ردت لها البنت بالموافقه وراحت ركض لغرفه اخوها ظافر : ياولدد قم
فز ظافر بخوف : وش فيه؟
بروق : البنيه وافقت { اتحداكم تعرفون منهي وحده من صديقات نجد}
ابتسم ظافر بفرحه : متاكده؟
ابتسمت بروق : اي والله
اختفت ابتسامه ظافر من دخلت سُعاد بكسره خاطر وصد ظافر عنها وبحده: وش بغيتي يامره
سُعاد بحزن : بتتزوج ؟؟
ظافر : ايه بتزوج واجيب لي مره احسن منتس يالحيه
سُعاد : نسيت العشره الي بينا يا ابو سامي
ظافر بحده : انتي الي جبتيها لنفتس ويالله قشي عفشتس ووصاختس بغير الغرفه واجهز المهر للمره الجديده
سُعاد بقهر وحقد وغل بقلبها : عساك ما تتهنى معها
توسعت عيون بروق وقام ظافر ومسك يد سُعاد والنار يتطاير من عينه وبصراخ: انتي قد الدعوه الي دعيتيها ؟!!!!
سُعاد بالم : ايه قدها وقدود
ظافر ما تحمل ونزل فيها ضرب وبروق تحاول تبعده عنها بس للاسف ظافر جدار بسبب بنيته القويه
فيه زياده بس ذي تصبيره لكم 🫡
تعالو انستا بنزل التكمله
@najm_xf
والي يضيفيني بسرعه ويتفاعل له بارت قويييي
أنت تقرأ
يا نجد لو كل العرب منك ملت ما مل من نجد العذيّه ولا اتوب
General Fictionتحكي عن ابطالي نجد والجامح الي يفترقون بعد مشكله بين ابو نجد وقبيله ثانيه لكن يرجعون مره ثانيه بعد 20 سنه
