«بسم لله الرحمن الرحيم»
" لايك وكومنت يحمسني اكتب اكثر "
«السجن»
صالح ناظر بالرجال الي جنبة ومن ثم ناظر للفتحه : انت متاكد ان هالفتحه تخرجنا؟ وين تودي ذي الفتحه أصلا
الرجال بهدوء : مدري وين تودي لكنها تطلعنا اكثر من سجين هرب بسبب هالفتحه ومحد يدري عنها
صالح شك فيه : انت صادق؟
الرجال : بيني وبينك معرفة علشان اكذب عليك؟؟
صالح بهدوء : مدري عنك
الرجال : تطمن محد بيدري عنك ابد
قطع كلامهم دخول العسكري وهو ينادي صالح
العسكري : صالح وراك زياره !
قام صالح بستغراب : من ذا الي بيزورني اخبر ان الكل مقاطعني ؟!
العسكري مشى لين عنده ومسكه : تعال بدون اي كلمه زايده
مشى صالح مع العسكري وهو مايدري من الي جاه وانصدم من شاف الجامح جالس قدامه وحاط رجل على رجل
قعد صالح وقدامه الجامح والعسكري وقف بعيد عنهم شوي
صالح بهدوء : وش جابك ؟ ما كفاك قعدتي بالسجن؟
وقف الجامح وقرب من صالح وبهدوء خلفه عواصف مُهيبة : مايكفيني إلا يوم أشوفك بقبرك جيت علشان اهد فمك انت قدها يوم تضر نجد ؟
ضحك صالح بستفزاز : اوهه جيت تهدد عشان حبيبتك؟ لا تخاف بيكون مصيركم واحد وما كمل كلامه إلا والجامح هجم عليه وقعد يضربه بكل قوته وابعدوه العساكر عنه
صالح بالألم : ههههههه هذا الي انت فالح فيه تضرب بس لكن بتندم يالجامح
تقدم الجامح : تهددني يا مسود الوجه ؟ اقسم بالله وبمن احل القسم ان شفتك عند نجد او اي احد من اهلك عندها اني للعن سابع جد لك تفو عليك
العسكري بعصبية : خلاص انت وياه ! بزران انتو بزران تتضاربون وتهددون بعض قدامي وانت يالجامح معليك محد بيقرب من زوجتك أبدا وصالح حسابه عندي
الجامح : راقبوه زين واضح انه بيهرب
العسكري : معليك انت روح وارتاح ولا تخاف بيكون بالسجن الانفرادي
صالح بنظره حادة : بتندم يا الجامح بتندم ولا ما أكون ولد أبوي
الجامح : ماعندك ماعند جدتي مسوي تهدد ؟
العسكري بحده : خلاص يلا انتهت الزيارة
طلع الجامح ورجعو صالح للسجن لكن السجن الانفرادي وخربت خطته بانه يهرب
«بروق»
كانت جالسة قدام اخوانها تلعب باسره وكل مره يغلبونها لين طفشت
بروق بطفش : خلوني على الأقل أفوز لو مره وحده
ظافر بضحك : بالله ؟ يلا يلا ذي آخر مره وان فزنا لنا الي نبيه
بروق ناظرت فيه ولفت النظر لخوانها : الحين ذي تصرفات اب معه ولد كبير ؟
ظافر بطقطقة : شفيني بسم لله علي بتزوج على يدك
ناظرت بسامي ولده : انت شايف ابوك ؟
ضحك سامي على تصرفات أبوه : يبة شفيك؟
متعب بطقطقة : حتنا بتزوج على يدك
زوجته من بعيد تشوفهم : علشان اذبحك واصلخك
ظافر ناظر بمتعب وضحك : ياويلك من ام فيصل والله ما تخليك
متعب ناظر زوجته الي كانت تسولف مع أبوه : يبه سمعت شقالت بنت اخوك ؟
أبو ظافر : ايه سمعت واهجد قبل لا تهجدك ذي العصا
قمط متعب ولف ظهره لبروق وظافر وسامي ولقاهم ميتين ضحك
اعذروني على القصور لكن ابشرو بالبارتات قريب🤍.
أنت تقرأ
يا نجد لو كل العرب منك ملت ما مل من نجد العذيّه ولا اتوب
General Fictionتحكي عن ابطالي نجد والجامح الي يفترقون بعد مشكله بين ابو نجد وقبيله ثانيه لكن يرجعون مره ثانيه بعد 20 سنه
