يا نجد لو كل العرب منك ملت ما مل من نجد العذيّه ولا اتوب

«بسم الله الرحمن الرحيم»

" لايك وكومنت يحمسني اكتب اكثر"

«صالح»
صاحبه: وش تبي ياصالح
صالح : ابيك تحرق بيت ابو الجامح
صاحبه بغضب : اوك نتعاطى ونشرب ونغازل بس مو لدرجه نحرق بيت احد ماسوا لنا شي!!
صالح : الجامح ضربني وفضحني قدام الديره كلها يا سلطان!!«بيكون لسلطان دور كبير بالروايه»
سلطان بغضب اكبر : تستاهل محد يضربك الا اذا سويت خطاء اعرفك صح يا صويلح
صالح بقهر : وش تبيني اسوي يعني؟ ولا اقولك ما احتاجك انا بحرقه وقفل بوجه سلطان وطفى جواله بالكامل وشاف علبه كبيره وقرب منها ولقى قاز فيها وشاف بجيب ثوبه الولاعه وعزم انه يحرق البيت غصب عنه دام صديقه رفض وشمر اكمامه وربط الثوب على خصره ومشى بهدوء لبيت الجامح وهو يدري ان الكل بالعزيمه ومحد بالبيت بدا يسكب القاز على اطراف البيت والاشجار واخذ الولاعه وشغلها وتفاعلت مع القاز وبدا نشوب الحريق وهرب تارك بصماته بدون مايدري
«سلطان»
كان يدق على صالح بس لقى جواله مقفل وهو عارف انه يسوي ايشي علشان مصلحته طلع من شقته بعد مانظفها وركب سيارته وماشي للديره وهو مستعد يخسر صداقه صالح لانه وداه للهلاك والمحرمات وقرر يفضحه بعد بالمصايب الي سواها معه وقرر يتوب لرب العالمين توبه صادقه
«الجامح»
كان يمشي ويكلم صديقه الي بالشرطه وياخذ منه الي سواه صالح بالصباح لكن وقف وتنح من شاف الملاك الي نازل على الارض وفستانها الاحمر وعرفها من عيونها انها هبوبه
كانت نجد تتكلم مع الحور ومو داريه عن العيون الي تطالعها
نجد بصوت عالي : حويرررر خلاص!!!!
ضحكت الحور بصوت عالي واردفت وهي تضحك : ورب البيت آنك تضحكين
نجد بعصبيه : انقلعي عني ثقيله دم
الحور بضحك : انتي دمك نفط ترا
نجد لفت وجهها بزعل وانصدمت من الي يطالعها وقعدو الاثنين متنحين ببعض راقبت الحور وضعهم وحست نفسها غلط وانسحبت بهدوء وهي تكتم ضحكتها وبعد نظره شرعيه بالغلط دامت ٤٠ دقيقه حسو على نفسهم من ريحه الحريق القويه ولفو مع بعض لمكان الريحه وانصدمو اثنينهم من بيت ابو الجامح الي يحترق والي خوف نجد اكثر بكاء ام الجامح العالي خاف الجامح على امه وابوه وركض لموقع الحريق ولحقته نجد بعد ما اخذت عباتها ورها صديقاتها وانصدمو اكثر من النار المشتعله ولف شاف امه وابوه تعبانين واهل الديره يحاولون يخلونهم يرتاحون عندهم لين ماتجي الشرطه والدفاع المدني
ابو نجد : يا ابو الجامح ادخل عندي لين مانحل المشكله والبيت بداله مليون بيت
ابو الجامح ببحه تعب وكتمه وهو ويناظر البيت الي تشب النار فيه والناس يحاولون يوقفون الحريق فيه : ياخوي وين اروح وعندك مرتك وبنتك ؟!
ابو نجد مسك يده وقومه: البيت كبير علينا والله انك بتونسني اذا جيت
ابو الجامح لف وشاف زوجته وولده يقنعونه ولف على ابو الجامح وهو يقوم : دامك مصر يا ابو نجد ابشر بعزك وانا ولد مساعد
ابو نجد : كفو والله ولف لام نجد : يام نجد تعالي مع ام الجامح للبيت
قامو الحريم وراحو وراهم وبقى الجامح الي مصدوم من الحريق الشب البيت ولف من سمع صوت السياره الي جايه وكانت شاص ٢٠٠٦ قام من مكانه وراح يم السياره
الجامح بتساؤل: سلام عليكم
سلطان عرفه : عليكم السلام انت الجامح؟
الجامح : ايه انا الجامح
سلطان : انا فاعل خير وبقول الي شب بيتكم مين
الجامح : انزل من السياره وتفضل بيت عمي
سلطان : ابشر