"26"
"لايك وكومنت يحمسني اكتب اكثر"
«بروق»
كملت كلامها بصدق : وفوق كذا تتهمني اني احب! انا ليتني اطلع من البيت كيف احب بالله؟؟ والله لو احترامي لظافر وولده كان مسحت بك الارض رايح جاي
سُعاد توسعت عيونها و بتكذيبها لكلام بروق : افا يابروق الي سمعتيه اخوي ولا ماتذكرين
رفع ظافر حاجبه وقام وهو متكتف : ومن متى لك اخوان ست سُعاد؟ الي اعرفه ان ماعندك اخوان حتى بالرضاعه ماعندك من وين طلع هالاخو يا ست ؟؟
سُعاد رفعت راسها له : يعني ماتصدقني يا ظافر وين العشره الي بينا والحب؟؟
تنهد ظافر : من متى حبيتك اصلاً؟ كل العشره الي بينا علشان خاطر امي وامي راحت الله يرحمها ومحترم العشره علشان ولدي ولا انتي ولا على بالي ابد
توسعت عيون سُعاد ولفت تشوف رده فعل بروق بعد كلام ظافر لها وشافتها ماسكه ضحكتها لفت لجميع اخوان زوجها وشافتهم كاتمين الضحكه امتلت عيونها بالدموع وبقهر : والله لوريكم يالتيوس طلقني يا ظافر وباخذ ولدي معي
ابو ظافر بحده : بنت احترمي الموجودين واحترميني بعد !!! مافيه احترام
سُعاد بقهر : ياعم خله يطلقني اذا هو رجال
ظافر بغضب مسك شعرها وانفكت شيلتها قدام اخوانه والغضب معمي عيونه: انا يابنت تهينين رجولتي وتقولين اني موب رجال!!!!
سعاد بالم بكت : اتركني تكفى والله اسفه
رماها بعد ماتركها وبغضب : انتي طالق وبالثلاث ويالله على بيت اهلك والله انك ماتستاهلين الاحترام وسكوت اختي الوحيده عليك وعلى مصايبك وسامي انسي تشوفينه لانه بيكون معي ويالله برا
سعاد ببكى : وين اروح يا ظافر اهلي بقريه ثانيه وانا هنا
ظافر بقرف : انقلعي نامي وبكره برميك لهم
طلعت سُعاد من المجلس وهي حزينه ناظرت بسامي الي كان حاضر السالفه من قبل طالع لها بسخريه واردف : ها يا يمه؟ هذا الي كنتي بتسوينه وجاك ليمك كسرتي قلب ابوي وقلبي بعد ويكون بعلمك انتي ما اعتبرك ام ابداً لان الام ماتخون الاب ولا تخون عيالها لكن انتي سويتي العكس واحمد ربي اني ولد ظافر الوحيد واني طلعت عليه وباذن الله راح ازوجه احسن مره تصونه بدالك ومشى للمجلس تارك وراه امه الي كل شوي تتحطم اكثر من قبل(سامي عمره 6 سنوات لكن بسبب ذكائه وطلاقته بالكلام تحسبونه كبير
«نجد»
كانت تنتظر خروجها من المستشفى بسبب طفشها ودق الباب اخذت شيلتها وسمحت له بالدخول تفاجت من شافت الجامح
الجامح بابتسامة: هلا بالي فيها القلب يخفق
ابتسمت بحياء وكمل : نجدي بكره بأذن الله بتطلعين الرصاصه موب عميقه ولو كانت عميقه كان دخلتي بغيبوبه وبعد بكره بخطبك من ابوك اتمنى توافقين ولا تخلين حب السنين يروح هباء
نجد بصوت هامس وخدودها حمرت: يصير خير يالجامح
الجامح بحب : الحين نامي علشان الصبح اسجل لك خروج
نجد بحياء : تصبح على خير
الجامح : وانتي من اهل الخير وطلع بعد ما شيك على حالتها
«بروق»
حزنت على سُعاد لكن اقنعت نفسها انها تستاهل وكلمت ظافر برقه: ظافر حبيبي لاترفع ضغطك علشانها
تنهد ظافر : من بكره ابيك تخطبين لي وحده تحب سامي
بروق انبسطت وتكلمت بسرعه : اعرف لك وحده قمر تعرف ابو نجد؟
ظافر : ايه اذكر ماعنده بنات غير نجد
بروق : انا بخطب لك صديقه نجد شفتها مرتين واعجبتني
ظافر : بس تحب سامي؟
بروق : دايم اخذه معي وتنبسط معه البنت وتعلق فيها هذا وعمره 6 سنوات
ارتاح ظافر وهز راسه : خلاص بفكر بس اول شي اقلع الزفت ذي من البيت
قامت بروق ولحقت اخوانها وتركت ظافر يفكر بذي البنت المجهوله
ادري طولت عليكم لكن الليله وبكره باذن الله راح ادلعكم بالبارتات وادري مابتكفيكم ذا البارت لكن تصبيره💙
أنت تقرأ
يا نجد لو كل العرب منك ملت ما مل من نجد العذيّه ولا اتوب
General Fictionتحكي عن ابطالي نجد والجامح الي يفترقون بعد مشكله بين ابو نجد وقبيله ثانيه لكن يرجعون مره ثانيه بعد 20 سنه
