رواية تحت المطر 🌧❤
الحلقة 4 ~ الكاتبة نوره توفيق
نادين.. باهي بعدها شنصار وتسمع لي صاحبتها بكل انصات
رويدا.. معش قدرنا نتصلوا بيهم اقاربنا في الي انحرق حوشه ولي صارت في حالة ولي مرض ولي ولي...
بعد مارجعنا لي ورشفانه كل واحد تغير علي الثاني من الصدمات النفسيه كل واحد تحسه معش يوصل في الثاني تحس كل واحد كره الثاني مش عارفه علاش
كل واحد تباعد بدون سبب لما روحنا ل ورشفانه حسيت انه الناس مش زي قبل ، قبل مانهجوا
كانت الناس طيبة بعد ماهجينا فجأه سبحان الله تغيرت الناس
وبعد ما اني رجعت وفتحت المدرسة في ورشفانه قعدت نتواصل مع بنت عمي لينا
وفي الوقت الي روحت فيه من هجت الحرب هوا نفس الوقت إلي تعرفت فيه علي حبيبي اسمه علاء في الأول ماتقبلتش الموضوع وهكي وشفته صديق ومابيتش نحبه بس بعدها كل شيء تغير ..❤
___________________________________
الكاتبة نوره توفيق
رواية تحت المطر 🌧❤
نادين.. تغير من اي ناحية زيدي وضحيلي🥺💔
رويدا.. جايتك في الكلام
انا قعدت نكلم فيه بهاتف ماما ونكذب علي ماما ونقوللها بنكلم بنت عمي نبي نتأكد من حل ومكانش عندي هاتف ولانت ولاشيء.
بعد شهور ومكالمات وضحك وهكي..
المدرسة كانت قريبة مني واني من النوع الي مانطلعش هلبا
ممكن مرة في العام حكم عماتي وعمامي منعرفهمش
ولا نعرف ولادهم ولا اولاد خالاتي.
وكل ماتفتح المدرسة نفرح ونفرح اكثر بعد نروح علي رجلي انحس بي فرحه وحياة وحريه 🕊💖
انا بنت مواليد 2005 وهوا مواليد 2000 اكبر مني بخمس سنين كنت طالبة عادية نقرأ عادي وهضك الوقت كان عمري 12 سنة صغيرة كنت..
طبعاً بعد ماروحنا من الحرب لينا سنة قعدنا هاجين برا وكانت حرب وبعد ماروحنا وتمت الحرب كان كل الأمر إلي يهمني اني نقرأ ونجيب ترتيب الأول".
___________________________________
الكاتبة نوره توفيق
رواية تحت المطر 🌧❤
حازم.. طلع لي عمله في مكتب هندسة لشركة الأتصالات
مهندس كان وسمح اي بنت اتمناه بس هوا بعد اصادف
مع نادين معش شاف خاطيها 🤤🔥
نار الحب ولعة في قلبه من اول نضره تحت المطر
خش متنرفز ومش شايف حد قدامه فتح المكتب
الي يقعد فيه شويا جاته زميلاته في العمل
استاذ حازم وينك غايب عندنا عمل هلبا
حازم.. عمل عمل عمل واااااك وعيط علي البنت الي قدامه وطلع متعصب خذي مفتاح سيارته وسيب العمل وراه وطلع
كثر الغياب يسبب خصم في رواتب الموظفين
بس حازم مكانش معدل لانه وضعه المادي يخلي حتى يسيب العمل بس كان شاطر في مجاله والشركات تطلب في ديما
ودور فيه دواره وهوا ديما رايح..
مكانش يحب التقيد في جميع الأمور بس توا حالته مع نادين
غير قيدة قلبه وفكره وكل شي فيه❤
___________________________________
الكاتبة نوره توفيق
رواية تحت المطر 🌧❤
رويدا.. وفعلاً اني من النوع إلي نقرأ وكان يهمني طموحي.
طبعاً بداية تعارفنا هذك الوقت انا مروحة من الطريق
و كان الجو مطر وخوي روح قبلنا
قعدت انا واختي مروحين
فجأة لقاني في الطريق صدفه...
قلت انا الولد هذا وين رياته شفته يعني، وهوا فعلاً قبل شابحته لما كنت في الأبتدائي صغيره هكي زمان كان يبصر علي كان يعامل في كاصغيره.
فجأه شفنا بعض .. وكأنا عرفنا بعض💕
لأن ايام الأبتدائي زمان هوا كان يبصر عليا كان صديق ومعي في نفس المدرسة كان زمان
وبعدها تخرجنا 🎓
ولم شبحنا لبعض شبحنا بنضرة صداقة يعني تبع نعرفوا بعض
بعدها بعدها نفس الروتين بدي يجي كل يوم لمدرسة بعد ماشبحني قعد يشوف في من بعيد"
~~~~❤🌧❤~~~~
مش عارفه هوا شن كانت نضرته..! 🔥
لكن انا كانت نضرتي ليه صداقه.
بعدها بشهور . .
بعثلي خوه إلي يقرأ معي
بعثهولي و معه الرقم بش انكلمه
يعني هكي كاصداقة حاجه...
طبعاً انا خذيت الرقم.
بعد ماخذيت الرقم قلت في عقلي زعما شن ندير اني ؟!
وقعدت حايرة"
بعدها قعدت نقول قرايتي اهم مش عارفه شني تما يجوا في بالي افكار..
وخفت الحق ومشيت تخلصت من الرقم ولوحته مخذيتاش وشبحني خوه واني رميت الرقم😲
___________________________________
الكاتبة نوره توفيق
رواية تحت المطر 🌧❤
نادين.. علاش عزقتي الرقم؟ وشن دار خوه؟؟،
رويدا.. بعدها خوه مشي قال لوحت الرقم
مشي هوا شن دار اشبح كيف خذي رقمي وحده من صاحباتي تبقى قريبته حاجه كيف هك ماندري كيف خذه رقمي. !
هوا مش رقمي الشخصي رقم ماما اني هذك الوقت مكانش عندي هاتف
ولا كان عندي فيس ولا كان عندي نت.
بعدها يوم من الأيام..🥀
قعدت نقرأ هكي وعندي امتحان صعب ونقرأ وساهرنه الليل
شوي قعد يتصل رقم ويبعث في رسائل فيهم:_ اني صاحبتك ردي علي ..
طبعاً هذك الوقت كان هاتف امي سبحان الله صدفه كان جنبي
الهاتف هيا قبل كانت تخذ في.
بس شورها نساته ورقدت..
وانا كنت حطته جنبي علي خاطر نكلم بنت عمي علي سؤال هذا والأمتحان وامور زي هكي...
بعدها قعد يتصل رقم غريب يتصل يتصل📞
ويبعث في رسائل وانا صاحبتك ردي🤦🏻♀️
وكان هذك الوقت 12 في الليل..
رديت انا علي الرقم 😲😲👋🏻وو
_________________________________
الكاتبة نوره توفيق
رواية تحت المطر🌧❤
رويدا.. بعد قلت الوو سمعت صوت غريب
وقعد يقول الو وكان صوت غليظ
وانا مش متعوده نرد علي رقم شاب
ولا علاقه وحاجات كيف هكي مش متعوده علي شيء
وكانت البداية ليا. 🥀
رديت وقلت الو من معي؟
الصوت هادي واني كنت قاعده في الصاله..
قالي:_ معي رويدا
رويدا: قتله اي
قالي.. بنقولك حاجه وانشاء الله متسكريش في وجهي
اني خذيت رقمك وحده من صاحباتك قريبتي واتصلت بيك
واني شايفك في الشارع ونفس الولد إلي شفتي شويا عرفته طول.
بعدها.. اني تحشمت تحشمتت😭
اااهه😩
مشي قتله اء اهلين"
مشي هوا قالي خلينا نتكلموا هكي عادي وحد صداقة.
قال شن رأيك؟
هوا كان يبني❤
لكن قاللي هكا بس اني مانسكرش عليه الخط.
استخدم معايا أسلوب "المحايله"
قاللي خلينا اصدقاء بيش اني مانسكرش علي
ونديره في الحظر🚫
المهم خلينا عادي قال
قتله عجبني الموضوع وقتله تمام.
المهم قعدنا نكلموا في بعض شهور..🥀
__________________________________
الكاتبة نوره توفيق
رواية تحت المطر🌧❤
وبدي يجي لمدرسة كل يوم"
واني نفرح امتى نشوفه😍
وبابا من النوعية إلي واعرة
كان لما نشوف يدوب نخطف نضره بش نشوفله يدوب واني راكبه معه في السيارة بعد بابا يشوف
يسار يمين ننتهز الفرصة ونشوفه لما يكون هوا بعيد شويا.
يعني بوي مايخلينش نشوف
يمين يسار ديما نشوف لقدم وانا راكبه في السيارة.
عموماً حتى بعد نروح علي رجليا نفرح نفرح نفرح 😭😍❤
ونفرح لما دجي المدرسة
بش نشوفه🤤💘
واستمرينا علي هذا الحال
مشي دار اختبار ليا يعني بيش يشوفني اني نغار ولا هكي ..
__________________________________
الكاتبة نوره توفيق
رواية تحت المطر 🌧❤
نادين.. شوقتني شن هوا الأختبار وقعدت تضحك
رويدا.. تضحكي😂😭❤
قالي نبيك تشوفلي بنت فصلك هذكا
ونبي نكلمها كاحب😲👋🏻
شوي اني حسيت بالغيره هكي... 😂🔥
قتله هذيكا مرتبطة
قالي.. سامع بيها مش مرتبطه
حتى خوي سألها وحد
قتله.. لا مرتبطه وتو نجيبلك رقمها
مشي قتله تو نجيبلك رقمها ونكلمها في المرواح.
قعد يراقب فيا هوا في المرواح
لقاني مكلمتهاش بكل 😂💔
وسأل خوه إلي يقرأ معي
قاله: شن رويدا كلمت بنت فصلها هذيكا؟
قال ليه لا لا مكلمتهاش بكل ولا قربتها.
هوا هنا عرفني اني نغار علي 🔥
بعدها اتصل بيااا📞
وقعدنا نكلموا في بعض في الليل ونهدرزوا ...
قالي خيرك مابيتيش
قتله.. لا كلمتها
قالي.. تكذبي؟ قالي باهي وينه رقمها"!؟
قتله.. مابتش تعطي
شوي ضحك بصوت عالي 😂
قالي امم باهي
شوي بعدها قعدنا نحكوا بعمق والساعة 12 في الليل
قريب 1:00ص..❣️وو
__________________________________
الكاتبة نوره توفيق
رواية تحت المطر 🌧❤
نادين طويله قصتك كملي نسمع فيك🥺❤
رويدا.. ساعة كم توا وقت صح نخاف يكشفوني هلي
ويقتلوني 😭😭💔
نادين لالا حبيبتي مزال معانا وقت كملي
رويدا.. تمام، وامي والعيله كانوا راقدين هذك الوقت .
وانا كنت نستغل في الفرصة ونقوللهم نقرأ في الصالة واني كنت نكلم في. 🤤💕
بعدها قعدت نكلم في بعمق وحبيت الهدرزه 😂❤
كان الجو حلوو💘
~~~~❤🌧❤~~~~
مشي قالي بالله عليك قولهالي الكلمة الي دزتها.
قتله.. شن هيا الكلمة؟
قالي.. إلي في بالك نعرفه ولي في قلبك نعرفه🥺💓
رواسي تنهدت وقتله كيف؟ لالا متحشمه
قالي.. حتى اني الي في بالي نفسه❤
قالي نبي نشوفك انتي ردة فعلك اتجاهي وشن حسيتي بي؟
رواسي.. قعدت متحشمه ومتردده
وقعدت تقول ان ان ان ااء
وبعد صعوبة نطقتها واخيرآ
انح .. ❤
ومكملتهاش من كثر الحشم والتوتر
شوي كملها ليا هوا بك ❤
انحبك💘💘
وبعدها فرحنه هذيكا الليله❣️
وكل واحد فينا رقد بفرحه❤❤
تابع.. تم ادناه للأستمراريه واثبات وجود
الكاتبة نوره توفيق
رواية تحت المطر 🌧❤
أنت تقرأ
رواية تحت المطر الكاتبة نوره توفيق
Roman d'amourبنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...
