رواية تحـت المطــر 🌧❤
الحلقة 5 ~ الكاتبة نوره توفيق
رويدا.. وكل واحد فينا رقد بفرحه
هذيكا الليل منقدرش نوصف شعوري
او جمال الليله او اللحظه حسيت تجاه بحب واحساس
حلوو في قلبي 🥺❤
نادين.. ياحليلي هذا احلى شعور اسمه الحب💘
رويدا.. اي هذا إلي صار
نادين.. وشن صار بعدها كملي
رويدا.. تاخرنا خلينا نروحوا تو نكمل مرة اخرى
نادين شافت لساعة حي هيا هيا وقت مانبيش نسببلك في موضوع مع اهلك.
__________________________________
الكاتبة نوره توفيق
رواية تحت المطر 🌧❤
نادين طلعت طول بي رويدا لي حوشها
رويدا.. خايفه يا ندوش هلي يطبوا عليا وانا خاشه
نادين.. انشاء الله لاا بس
رويدا بس شن؟
نادين.. بس نقولك شن ديري قبل ماتنزلي كلمي اختك
رويدا.. كيف ماخطرتش علياا
نادين.. قريب نوصلوا رني عليها اختك
رويدا.. طلعت تلفونها من الشنطه واتصلت علي اختها جنى
جنى.. وين رورو علاش طولتي بسرعه روحي
رويدا.. هيا قريب منك افتحيلي الباب الخلفي
جنى هيا هيا.. ونزلت رويدا بخطوات سريعه وكلها
خوف من انه هلها يشوفوها
___________________________________
الكاتبة نوره توفيق
رواية تحت المطر 🌧❤
نادين.. نزلت صاحبتها رويدا وعدت لي حوشها طول
في طريقها درست علي محل وسكرت السياره ونزلت
نادين.. خشت لمحل سلام عليكم
الراجل وعليكم السلام ورحمة الله
نادين وقفت علي صفة الشكلاطات وبدت توازي في الأنواع
الحلووه خذت المهم مجموعه وطلعت
كانت مستعجله لانها مزال عندها عمل في المساء
ولزم تلحق علي حوش ودير غداء
~~~~~❤🌧❤~~~~~
حازم.. دز مسج لي نادين كلمتك واجد خارج التغطيه
كبمني بعد تشوفي المسج ضروري ضروري نبيك. 💬
نادين.. جاها المسج قراته وهيا تسوق في الطريق
مردتش علي حازم بمسج رنت اتصال طول
حازم بعد رن هاتفه قلبه فز من مكانه
حس بي شعور حلوو اه من الحب 🔥
________________________________
الكاتبة نوره توفيق
رواية تحت المطر 🌧❤
روعه.. بسرعه يا ربا قبل مادجي ندوش
نبي المطبخ يبرق والغداء عليا لانك ماتعرفيش صغيره 😂😂
ربا.. مش صغيره نطبخلك حتى بازين
معش اتهزي عليا احسنلك يا وجه البوم
روعه.. مافي خاطيك البوم ومعش معطيتك شكلاطه
ربا.. تو نخبر اختي عليك
عصام خش عليهن اهدن شن صارلكن
وانتي سكري الميه عبيتي المطبخ وانتي حرقتي الطنجره
روعه.. حي علينا نسينا شغلنا وقعدن نتعاركوا😂😭💔
___________________________________
الكاتبة نوره توفيق
رواية تحت المطر 🌧❤
حازم.. وينك شن شاغلك بس
نادين كنت ندير مع صاحبتي تحكيلي في موضوع
حازم.. وانا امتى تفضي نحكيلك موضوعي
نادين.. توا مروحه في الطريق وبعد نروح عندي
شغل في البيت وكذالك المساء عندي عمل
احسن شيء نكلمك في الليل بعد نروق
حازم.. اه منك تاعبتني معك بس تعبك عذابه حلو🤤
نادين.. ماتخلينيش نسرح ونقلب السياره
نتأثر هلبا انا 🥺💓
حازم.. ياحليلي انا 🔥🤤
ياريت بس تقوليلي شن تبي وانا نعطيك وتقعدي وتكلمني
ياحلوه مستعجل هلباا
نادين انشاء الله، والله بينا اتصال نخليك توا في حفظ الله سلامات وسكرت الخط بعد رد حازم📞
حازم.. ديري بالك علي روحك سلام❤
___________________________________
الكاتبة نوره توفيق
رواية تحت المطر 🌧❤
كل من روعه وربا دارن حاجه
ربا.. نظفت المطبخ وغسلت مواعين الفطور
ورتبت صالة المعيشه
وروعه.. حصرت غداء خفيف
مكرونه بي البشميل وقطعت بطاطا وحمرتها
ربا.. اعطني منها عشان ساعدتك
روعه.. تو نعطيك اصبري اطيب
ربا.. بسرعه علي النار باش نهو ونديروا بخور
عشان اختي تلقا كل شيء جاهز
روعه.. صدقتي حارم تتعب وعمل وقرايه🥺💔
________________________________
الكاتبة نوره توفيق
رواية تحت المطر 🌧❤
بعد مرور نصف ساعه . .
وصلت نادين فتحت البوابة
ودرست السياره وسكرت البوابه وخشت ومعاها الشكلاطه
ربا.. جت جت نادين
روعه.. تو انا نفتح الباب ولعي البخور
ربا.. ولعتها بسرعه افتحي
روعه.. اكيده معاها الشكلاطه 😍
ربا.. اعطني عشان منقولش حرقتي الطنجره في الاول
روعه.. باهي باهي تو نعطيك ومشت تفتح في الباب
نادين.. وينكن يا بنات افتحن
روعه.. هلا نورتي اختي حبيبتي وخذت منها
كيس الشكلاطات وخشت تجري
نادين.. مشاء الله مجهزات كل شيء حبيباتي
ربي يحفظكن ليااا🥺❤❤
نادين نبدل ملابسي و نغسل ونجوا نتغدوا مع بعض
تابع.. تم ادناه للأستمراريه واثبات وجود
الكاتبة نوره توفيق
رواية تحـت المطــر 🌧❤
أنت تقرأ
رواية تحت المطر الكاتبة نوره توفيق
Romantikبنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...
