رواية تحت المطر الكاتبة نوره توفيق

رواية تحت المطر 🌧❤ (11)

روايـــة تحـــت المطـــــر 🌧❤
الحلقة الاخيرة 11 ~ الكاتبة نوره توفيق
رسلان.. هيا رني توا توا راه نمشي نقتله 🔥
سماح.. طلعت تلفونها و اتصلت بي خطيبها وو..
وصلت نادين علي حوشها بسيارتها الجديده
طلعن خواتها متفجات من وين جبتيها السيارة هذه
محلاااها روعه فتحت الباب وركبت
ربا.. شن في يا بنات تجري حي سياره جديده
مبروك اختي من وين؟
نادين.. هذه هديه من حبيبي حازم
ربا روعه مشاء الله شن هل الحازم
اختي طلعينا فيها مشاور
نادين.. حاضر بس بعد ساعه نمشوا نتريح شوي
روعه.. تمام حبيبتي الغداء واتي
نادين سلمها الشاطره .
____________________________________
الكاتبة نوره توفيق
رواية تحت المطر 🌧❤
جنى.. خيرك حبيبتي شن فيك
رويدا.. مخنوقه خاطري نطلع نشم هواء
جنى.. كيف تطلعي بابا قاعد
رويدا.. اووف تعبت من الحبس كلملي نادين بالله عليك
جنى.. تمام حبيبتي واتصلت بي نادين
من الناحيه الأخره ..
نادين مع خوتها تتغداء شوي رن التلفون
روعه جيبي التلفون
ربا.. اكيده مرات خالي بدري تسال عليك
نادين.. خيرها؟ ربا تسال علينا وقالت بتجي زياره
نادين.. كويس ها من روعه
روعه.. صاحبتك خوذي الفون
نادين الوو جنى شخبارك واخبار رويدا
جنى.. رويدا مريضه وحاسه بروحه مخنوقه قالت كلملي نادبن خاطرها في مشاور عادي تجيها
نادين.. اصلا انا شوي وطالعه بس ناكل
جنى.. تمام حبيبتي عوافي وسكرت الخط
جنى كلمتها رويدا خسارة ياريت قدرت نمشي معك
بس شن ندير نقعد عشان نغطي عليك
رويدا.. ربي مايحرمني منك شكرا حبيبتي
جنى.. عادي حبيبتي مش بينا❤
__________________________________
الكاتبة نوره توفيق
رواية تحت المطر 🌧❤
سماح.. معش في بينا نصيب وقول لي هلي اني هربت
خطيب سماح كيف هكي خيرك سماح انتي مش بعقلك
في حد مهددك ردي الو الووو سماح سماح
سماح..  لا مافيش حد بس انا نحب حد ثاني وهربت معه
ياريت معش حط يدور عليا بنعيش حياتي وسكرت علي
رسلان.. اه هذا وين تريحت حبيبتي
سماح.. حتى اني يا قلبي نحبك ومستاحشتك هلبا
رسلان.. واني اكثر حبيبي تعالي نحضنك ❤
      ~~~~~~🌧❤🌧~~~~~~
نادين.. اطلعي رويدا انا برا
رويدا فتحت الباب الخلفي وطلعت
جنى تشوف يمين يسار مافيش حد عدي عدي
رويدا.. طلعت تجري بسرعه وركبت مع نادين وخواتها
روعه ربا..  شخبارك رويدا
رويدا.. مريضه والله
البنات.. انشاء الله الف لاباس
رويدا.. ماتشوفوا باس حبيباتي معلشي ندوش
تعبتك معايا 🥺
نادين.. معقوله حبيبتي اصلا اني طالعه في الحالتين
بنخذ فتله بالبنات في سيارتي الجديده
وبنمشوا نكسدوا شوي في المنتزه
رويدا.. الف مبروك ،، نادين يبارك فيك هذه هديه من حازم
رويدا..  مشاء الله ربي يحفظه لك
نادين تسلمي حبيبتي تبي شي من المحلات شن نخذوا معانا
رويدا.. علي ذوقك ندوش❤
____________________________________
الكاتبة نوره توفيق
رواية تحت المطر 🌧❤
وصلن علي المنتزه
وقعدن علي طاوله سمحه وسط العشب
نادين.. طلبت عصير طبيعي ونسكفي ووحلويات لي البنات
رويدا.. اااه ه ه هذه وين شميت هواء شكرا ندوش
ربي يحفظك لي عمرك ماقصرتي
نادين.. ولوا حبيبتي كيف خياتي انتي
قتلك رويدا
رويدا.. نعم ندوش؟ نادين كمليلي قصتك
رويدا..وين وصلنا نحنا؟ نادين اول مكالمة ليكم اعترفتلك
بالحب وكل واحد فيكم رقد بفرحه❤
رويدا.. بعد رقدنا كل واحد فرحان استمرت العلاقة شهور..
وهوا كل مرة يجي يشوفني من بعيد في المدرسة. 🥺💔
نشوفني ونشوفك من بعيد
وانا هذك الوقت كنت زي المهبوله
نحكي في اسراري حتة الموقف البسيط نحكيه كانت المدرسة كلها تعرف وانا نوعي ماكنتش ندور في الناس فهمتي يعني الشخص هذا الي ارتبطت معه خلاص ما ندورش في رأي حد.
هههه تقول نحكي لدكتوره نفسانيه
طبعا لما كنت نحكي لكل حد اسراري ولما الناس كلها عرفت
وبنات فصلي بزبط لما بدوا يعرفوا الناس بذات بنات فصلي صارت حاجه مش عارفه كيف زي الحسد
وبدوا يطلعوا في دواء غير الي قايلتها اني فهمتي مثلا قلت شافني من بعيد..يقولوا جاها ولقاها من قريب ومش عارفه احني شايفين وشاهدين كل واحد قعد يقول في كلام.
عموما انا مادورتش الكلام هذا كله
استمريت في العلاقة بس حسيت هوا بدي يتغير فهمتي كيف
بعد ما استمريت وفشلت حتى في القرايا لكن الحق هذك الوقت قعدت انقاوم عارفه كيف انقاوم😭
يعني لما اني فاشله في القرايا
كنت النقل حتى التنقيل باش نسكر الدرجة 🥺💔
يعني علي خاطره انعميت بعدها بدت تطلع الاشاعه ومدورتش وقلت قاعد بوي ماسمعش وامي ماسمعتش قعدت ماندورش ونمشي لين بدوا يقولوا صورها انتشروا صورها انتشروا وهوا مهناك شي وبعد ماطلعت الاشاعه بدوا اولاد فصلي شن بنقولك يشينوا في سمعتي لكله انا قاربها ولي يقول مغتصبها كلام يوجع الحق💔
نادين.. لاحول الله يارب
روعه وربا.. يبكوا من القصه😭
مدورتش وبعدها بنات عمي وبنات فصلي تغيروا عليا كلها تغيرت عليا..
بعد الاشاعه ، حتى اهما مدورتهمش قلت اهم شيء يقعد معك الي مرتبطه بيه🥺❤
بعدها بي ايام ايام  ...
بديت اندير في امتحانات هذك الوقت الجو صقع صقع صقع ومطر قتله نبي نشوفك من قريب شوي
حتى هوا نفس الشي شاد في الموضوع 🥺❤❤
مشي جاء لمدرسة مشيت انا وراء المدرسة لما جي لحقني وراء المدرسة شبحتنا ابله هوا مدرنا شيء كيف هدرزت معه خمس كلمات قالي.. انتي حلوه ونحبك
ومش عارفه.. بعدها نقز من الصور وانا هربت خشيت لمدرسة من الباب الثاني باش مايشدونيش معاه فهمتي كيف
نادين.. اها فهمت🥺
ولما روحنا هذك اليوم وقلنت خمس كلمات لبعض لحقنا نقولوا كلمات وهذك الوقت كان الجو مطر كان الجو حلوو🤤❣️🌧
المهم وقتها زاد الحب شوي وحكالي علي امه وقالوا تعالوا في العرس وعزمونا..
مامشتيش الحق في هذك الوقت بداية الأمتحانات يبني نمشي غادي بيش نشوفه🥺❤
بس هذك الوقت مانطلعش اني ماحبيتش نمشي لانه هذك الوقت طالعه بيا الاشاعه ومش متعوده اني نزور الناس.
قعدت لما نروح نبكي لما نسمع كل اشاعة نبكي 😭😭😭
قلت اهم شيء الي نحب في قاعد معي
نادين.. عليك حب اي كملي🥺
الي ان معش قعد يرد عليا هذك الوقت امتحانات نصفيه لما نتصل بي معش يرد نبعثله مسج معش با يرد 💔
انا حسبت صايرتله حاجه قلت حي شن صارله ولا بوه دايرله
مشكله😭💔
تخيلت قصص يعني...
متع خايفه علي بدي جتني زي الحاله النفسيه قعدت نفكر في ومش عارف وندير في امتحانات وعموما هذك الوقت معش بالي في فهمتي لانه اشاعه كبرت وبعد الاشاعه تكبر وتطلع في المنطقه معش بالك في الي تكلمي في بذات لما يسيبك ومعش يكلمك ولا يرد علي المسج
نادين.. خزي علي مش راجل
معقول سيبك 😭💔
فوته بديت ندير في امتحاناتي ومرة جتني الابله قتلي هكي الورقه بنت عمك تبي اجابه منك ومن هذك الوقت ديرنلي فخ مشيت انا كتبت لبنت عمي علي اساس بنت عمي
الورقه الي فيها اجابه مشت الابله اهيا رفعتها لي الأدراة قالت شفتوا بنت عادل تنقل برا عاد طلعوني من الأدارة والامتحان
وقتها نبكي وصار فيا حال وقعدوا يقولوا حامل منه ومش عارفه شني وكلام وانا قعدت نبكي كل مانمشي لي الأمتحان يعني الولد هذا قعدت قريب 3 شهور معش كلمته
السمستر الثاني..
___________________________________
الكاتبة نوره توفيق 
رواية تحت المطر 🌧❤
رويدا.. بعد ماطلعوني من الامتحان هذك الوقت روحت علي رجليا نبكي في الشارع 😭💔
المدرسه مش بعيد من حوشنا ممكن  كيلوا بس قريبه مني كانت بعد ماروحت نبكي لقاني بوي في الشارع هذك الوقت هوا بيجيب خبزه ولا مش عارفه شني..
قالي خيرك خيرك اما انا معش عرفت نبكي عرفني بوي عرفني ماهو سمع بيها من قبل الاشاعه حاسه كذبه فهمتي المهم عرفني علي خاطر شن نبكي من المنطقه فهمتي عرفني طول زبطني من عيوني شويا قالي هيا اركبي في السيارة بعد ماركبت في السيارة  رفعني طول لمدرسة خلهم يسكرولي الدرجة من تصرفهم هذا وقلب الادراة فوق روسهم ودار مشاكل وخلا الطلبه يتجمعوا وصارت قصه كبيره وانا هذك الوقت خلاص معش بنشوف شي نضت رقيت مع بوي وليت علي المديرة وقصه وقفوا معايا الأستاذه الحق
وابلات مع بوي وقال هيا امتى دير هكي نعرفوها تقرا ولهيه في قرايتهاو الاجواء هذه المهم بعدها انا ركبت في السيارة وقعدت نفكر في روحي وخليت بوي يعارك فيهم..
نين انحلت المشكله وبوي قعد يقولهم اشاعة شن هذه الي يطلعوا فيها ومش عارفه وبنتي تحتي ونعرفها ولما يعارك فيهم وقفوا معاه   الابلات قالوا نعرفوها البنت ونحنا نقروا فيها ومسحتيل وبوي قال:_
كنكم عليها بنتي هذه جاينا انتوا
مكبشين فيها انا نص المنطقة نعرف ماضيها تعرفي يعني لين نص الابلات تحسسوا ماهوا في ابلات دايرين العار ويدرقوا في لانه مايندروش التريس يحكوا في لبعض فهمتي كيف وبالدليل.
نادين.. اي فاهمه بعدها كملي
ربا.. تشرب في العصير طويله قصتك، روعه استكي خليها تكمل البنت.
رويدا.. نضوا رعشوا وقالوا لاا شن يقصد وناضت وحده تبكي وهذا شن يقول طبعا قال حشا نص الأبلات من كلامي.
وحده قالت هذا شن يقول يطلع فينا حتى نحنا مش كويسين
شويا نضت ابله ضربتها كف
قتلها.. الراجل قال نص حشا الابلات كنا انتي شاكه في روحك
المهم صارت مشاكل..
ونا قعدت في السياره طبعا لما اني نبكي هذك الوقت قعد يشبحلي استاذ الحق الاستاذ هذا يعز عليا هلبا اسمه الأستاذ ونيس قعد يشبحلي زي سخفته ودمعته في عينه 😢💔
المهم بعدها انحلت المشكله ورجعت الامور زي ماهيا ومنطقه نصها دافعت عليا وخذي ملفي من المدرسة انا وخوتي عشان يحولنا السنه الجايه لمدرسة ثانيه🥺❤
وروحت انا من الامتحان رقدت طول ومشيت فيها.
علي العموم من بعد ماروحت قعدت اشهور مشينا لبنغازي ادهورنا وغيرت جوي وغيرت نفسيتي
قعدت نقرا في العطله الصيفيه بما انه شهادة اعدادية السنة الجاية قعدت نقرا نقرا ونغير في جوي
ونضحك انا وخوتي الحق نفسيتي ارتاحت لما تبعدت من هنك
بس لما تبعدت مرات عمي ماريحتنيش قعدت تنشر في اشاعات تقول هربت غادي بش تنزل العيل فهمتي كيف وتنزل الحمل وجو هذا
نادين.. حسبي الله فيها خبيثه
رويدا.. فتناهم وفتنه المنطقه كلها
قطعنهم مرة وحده ومشنا غادي لشرق.. بعد مارتحت نفسيتي ناضوا اتصلوا بينا ويطمنوا علينا اجواء اهيا مدورنا حد وقفلنا الهاتف ونفسيتنا ارتاحت.
وبعدها بي 3 شهور انا وقتها مافتحتش نت بكل يكن لمدة شهرين مشي روحنا وسجلني بوي في مدرسة ثانية وقت كنت بنخش مدرسة جديده كنت موجوعه اول يوم في المدرسة الجديده كنت موجوعه لاني فارقت ناسي في المدرسة الاوله وصحباتي وكل شيء وحتى الشخص الي يعز عليا فارقته💔
نادين.. فعلاً واعرة😢
رويدا.. انا هذك الوقت كيف ناسيه الماضي
بس وجعني حالي😔💔
اني حولت بس قلت في خير ليا
عموما كيف بديت نقرا في مدرسة جديده ولما بديت نقرا في مدرسة جديده تعرفت علي ناس جدد حسيت في الاول خشيت غريبة بس الحق ياربي تعرفت علي هلبا ناس ووقفت معايا ناس وصاحبوني هلبا ناس في المدرسة هءه وخشيت علي حياة جديده وارتحت🥺🤍
نادين.. حمدلله اهم شيء انك ارتحتي حبيبتي
رويدا.. احسن من قبل ودرنا اجواء انا وبنات فصلي
وانا واولاد فصلي المهم هكي حبيتم الناس اهيا طبعآ في المعموره.
عموما قعدت نقرا وقعدت نضحك وغيرت جوي في المدرسة هذه نين مرة قعدت نخذ في كتابي تلفتت لي تالي وو😲👋🏻
وهذك الوقت مدرستنا فيها رواشن علي الشارع  ...
نادين.. اي شن شفتي؟
رويدا.. لما تلفتت لي تالي كيف شبحت يسار مع روشن الشارع
لقيت ولد يشبحلي قعدت يعني زي النضره هذه جذبتني الاثنين مش عارفه كيف احساس حلوو🤤😍
صح انه المواقف هذه اثرت فيا هكا او واحد.. لكن اهنن نسيتها
ومن حد نسيت المواقف هذه قعد بدي عندي زهايمر مش عارفه كيف يعني تحس انه الحاله النفسيه اشبح كيف يعني 🥺💔💔 بديت ننسى بسرعه يعني .
بعدها لما شبحت الولد هذا قعد هوا يشبحلي زي الي ضحكت فهمتي هوا كيووت🥺❤
هوا هذك الوقت اكبر مني بسنتين
المهم مدورتاش قعدت نشبحله طفل 😂💔
برا قعد مشي يومها بعثلي مع صاحبتي قالي شوفهالي البنت اهيا طبعآ انا ماوفقتش لانه هذك الوقت مش واثقه في حد ونشبح في الناس زي بعضها والذكور مش واثقه فيهم..
ايام بديت خايفه.. والولد هذا قعد يحاول معايا شهر شهرين وانا نرفض فيه.
وهكي صاحبتي حاولت معايا قالتلي والله ماهو خاين اسمه شذى قالتلي وربي ماهوا خاين انتي غير بري جربي غير شوفي ، قتله لا فكيني والشباب زي بعضها
وهذك سيبني علي اكبر اشاعة وهذا بالك بيقعد معايا براا
هكي قلت خلي نخذ الرقم بما انه شاد فيا شهر ولاثنين🥺❤
خذيته هذك الوقت معنديش هاتف ولا فيس حاولت اني نفتح فيس هكي وضفته وعطاني رقم ودارلي شفره..
نادين.. باهي طيب فيك حبيبتي🥺
وبعد مخذيت رقمه وحكيت معه بديت نذكر في الأول يعني الأول هذكا حب سنتين يعني قعدت نذكر انا شن ندير مرات هذا يبعني ولا حاجه قعدت نذكر في مواقفي مع الأول كيف نتلقوا و في اخر مرة كيف تلقينا في المدرسة يعني كيف حصلت منه حضن ولا هكا ومشي بسرعه وموقف لما طلعت انا وياه مرة في الليل مش عارفه كيف طلعت.. !
نادين.. حي وصلت لهنايا وين طلعتي معه 🥺💔
حبكم عميق
رويدا.. قعدت معاه كسدنا الحق معش نذكر كيف طلعت معه بس وقتها كنت معميه مانشوف في شي من كثر الحب 🥺💘
انقولك عموما الليله هذيكا قعدت نذكر ذكريات زي هذه اذكرت انه مرة طلعت معه في الليل هذا الي طلعت معه حبيبي الاول
نادين.. اي عارفه حبيبتي ساعة كم طلعتي معه؟ 🥺
رويدا.. طلعت معه في وقت متأخر في الليل 🖤🔥
وهذك الوقت قبلها بيمشي لي العسكرية قالي نبي نشوفك مرات يكون هذا اخر يوم يعني عرفتي سخفني كلامه وزعلني حسيت بالحظة هكي انه بيودعني وتأثرت هلبا..
نادين..اي لعب علي المكان الحساس لانه الوادع صعب حب يقضي معك اكبر وقت ممكن حليلي وخلاص🥺
اللقطات هذين كلهم في علاقتنا زمان..
في هذك الوقت قعدت نذكر كيف يقول بالله خليني نشوفك وكيف يترجا فيا قريب يبكي هكي يعني 🥺💔
قتله باهي نحاول من شدت اني انا كنت غاويه وعاميه في طلعت طول💘🔥
طلعت وقلت خلي يلي يصير يصير
يعني بتنوض امي بينوض بوي او الي هوا ..خليت الباب مفتوح ومشيت قعدت نقول يارب استرني يارب استرني وقلبي يدق بسرعه😭😭💓
مشيت علي رجليا لي الشارع من الطريق الرمله متع حوشنا لي الشارع غادي نمشيله لجنب حوشهم تخيلي علي رجليا طبعآ هوا لقاني في الطريق مخلنيش نمشيله بروحي هه قعد شادني من يده 😂😭❤
قعد شادني من يده مشي وين جينا علي طريق رمله فيها شوك قالي علاء شوك شوك قتله لا منقدرش
نبي نولي خلاص😭💔
يعني طريق فيها شوك انا طالعه  حفيانه جيت بدون شبشب
علاء قالي.. شن تخطري انتي جبتك لهنايا وبتولي ماني مخليك مروحه مشي رفعني علي ظهره هههه😂😭❤
حي قتله انا سمينه عليك قالي لالا عادي قعدت نضحك وانا علي ظهره قالي حي سمنتي يابطه وقعدنا نضحكوا وجو حلوو وهذك الوقت موخر ساعة 3 في الليل😍💕
المهم..رفعني لحوشهم قعدنا نهدرزوا شويا الحق الحق الولد هذا مغلطش فيا وماعمراش قربني ومسني الحق.
يعني اشبح شن كانت نيته يعني لما اني نذكر في ايامه قعدت نذكر ونقول هذا شن كان مني ولا مسني
لاوحده خاطي الحضن والبوس بس الحق ياربي مامسنيش قعدت نقول ياربي هذا شن يحبني ولا بيخذ مني الي يبي باهي كان بيخذ مني الي يبي علاش مامسنيش !
وكان يقولي ديما مانبيش نغلط معك انتي حاجه غاليه ومش عارفه..
لكن مانين طلعت الدوه والاشاعه وديما يسامح فيا وديما يحاول معي وماسيبنيش ومرخاش بيا لين خلاني نوثق فيه ثقه عميه برا استمرت علاقتنا شهور شهور
لين سكرنا سنتين 🥺❤
خلاني نسيت الأول فهمتي
نادين..  اي فهمت عليك حبيبتي عوضك عن كل شي🥺❤
رويدا.. بزبط ونسيته مرة وحده الأول ومعش فكرت اني نخونه حبيته يعني سنتين وبرا سكر علي الثالثه 3 طبعا السنه الثالثه هذه تلقينا فيها نين اعينا😂😭❤
واول يوم في حوشنا لما امي وبوي طلعوا تلقيت انا وياه بحضن حار 🥺💘🔥
قداش كان خاطرنا نتلقوا لانه وقف معايا في الشهادة الاعدادية ووقف معايا لما نجحت ووقف معايا لما كنت مسحوره😢💔💔
ووقف معايا لما الناس دوت معي ووقف معايا في كل شيء الحق وشجعني علي القرايا عرفتي كان خاطري انلقي الشخص هذا الي يحبني بعدين بدينا نتلقوا مرة هني ومرة حذا خوالي ومرة في اي مكان..
الشخص هذا حبيته كان حتى عيد ميلادي مش ناسيه يعني كانت التفاصيل البسيطه الي عندي اني تهمه كنت هكي حتى كان حسيت روحي شينه ولا حاجه هوا حاببني فهمتي🥺❤
نادين .. محلاه الحب بعد يكون هكي ويكون جنبك في كل وقت باهي كملي 🥺
رويدا..  كان يدافع عليا وكان كل شيء بالنسبه ليا لين حبيته
برا برا برا الشخص هذا حسيته نين تغير عليا هذا حبيبي الثاني محمد.
سكرنا رابع سنة 4 سنين طبعا الولد هذا الأيام الأخيرة بدي يقرب فيا الجو هذكا كنت ندير فيه معاه
تعرفي نادمة اني درت الشيء هذا
اااءي اااي ااااي 😭😭💔
كانت رويدا تحكي في قصتها وتبكي 😭😭😭💔
يعني كانت اول مرة نديرها مع شخص الجو هذكا 🔞
مامسنيش ولد بكل من المنطقة هذيكا ااايي 😭😭💔
ماعمراش مسني ولد فهمتي خاطي الحضن والبوس علاء بس😔💔 هذكا مباش يقربني رغم كل شيء مباش يقربني لكن محمد قربني😭💔
ولما قربني بدي يتغير عليا بدي يعطل في الرد ومش عارفه ومش عارفه...💔
نين شديته يكلم في من الزهره وهذيكا البنت صديقه وصحباتها نعرفهم كلهم يعني مش عارفه كيف صار الموقف المهم شديته يكلم في بنت فهمتي هان علي كل شي💔
قتله صاح انا غلطت معك لكن انت قتلي نفتحوا صفحه جديده وعلاش تردلي في الغلط متعي فهمتي كيف
ااايي😭💔
سامحته علي بنت اهيا قلت لانه اذكرت الماضي متعي كيف كان يسامح فيا علي الاول سامحته باهي برا..
مشي مرا تلقينا مع الروشن شوي فجأه قتله هات هاتفك
مشيت لما خذيت هاتفه لقيته مكلم هلبا بنات يعني ملهاش هلبا الفتره الي فاتت💔
نادين.. حبيبتي انتي قطعتي قلبي
رويدا.. شهر 3 في عيد ميلادي كان يكلم في قريب 3بنات او اربعه اومش عارفه قداش بنت.
يعني مش توجع توجعت هلباا💔
قلت خيرهم الاولاد هكي كلهم زي بعضهم.
يعني الولد هذا الي حبيته اسمه محمد خلاني نشوفله نسخه من علي الاول بديت نتخيل في هوا
اه وخلاص 🔥💔
مشكلتي انا حشاك زي الملبوسه تقول ولا مش عارفه يعني قبل ماتصير الحاجه نحس بيها نحلم بيها قلبي يوجع في صدري يوجعني معناه في حاجه صايرة فهمتي
وفعلا لما دقني قلبي قعدت نسأل ونشبح ونجيب في معلومات لقته يكلم في بنت اه💔
نجيب في معلومات علي ومش عارف.. وقعدت نبكيي واني اخر مرة لما لقيته قتله هات هاتفك لقيته مكلم هلبا بنات قعدت نبكي طبعا خليت الجو طبعي وقتله مسامحتك
ومش عارفه شني وبعد ماروح قعدت نبكي وشادة هذيكا الدار يحساب جوي مليح فهمتي😢💔
محمد.. يحساب جوي مليح مش انجرحت وقالي الرسايل قدم وانا شفتهم لقيتهم 2022 شهر 3
يوم 22 💔 وانا عيد ميلادي 23 /3
وهوا مكلامهم 3/22 اااءءيي😭
باهي انت لو تبي تردلي الجرح علاش قتلي نفتحوا صفحه جديده💔
ااايي اااايي😭😭💔
تعلقت بيه وتعلقت بيه هلبا ومش قادرة نسيبه لكن هوا كسر ثقتي بي💔💔💔
والشي الي وجعني اني سلمت جسمي ليه والشيء هذا يبي ثقه كبيرة في الشخص.
برا قتله اعطني كلمات السر عشان نبدوا صفحه جديده عطاني كلمات السر حسباته عاد حساب واحد بدي يدرلي في سبله علي رقم بوي مسجله بي ونسيت كلمة السر
وانا مصدقتش فته اليوم قتله كل واحد في طريق اليوم فارقته قتله ربي معك مدامك هكي تتعامل معايا بالنيه هذه ربي معك وتمت قصتي. 💔😔
وهيا هذه 😭😭💔
وفي هلبا حاجات صاروا معايا غير معش نذكر فيها وربي الي صار معايا مصار مع بنت.💔
وكملت حياتي بروحي لاصحبات
خاطيك انتي صاحبتي معنديش
لا صحبات في مدرسة لا في جيران لاعمام لاخول
معنديش💔
مشكلتي حتى بندير حبيب جديد منقدرش فهمتي خلاص فرصة الاول مانجحتش وفرصة ثانية خلاص معش نحب💔
سكرته موضوع الحب . 💔
توا الي عليا بنطور روحي ونخش الصاله الرياضيه وبنخش تعليم دورات كورسات بنقرا برا اهو بوي بتجي سفاره لجزائر خلاص يعني بننسا الماضي وبنسكر عليها الصفحه وموضوع الحب نسيته. 💔
وننصح اي بنت مهما كان راه في ثقه ماعمراش توثقي في راجل في النهاية راجل ورجل ورجل يخون ومحلل علي حتى بي اربعة في الشرع.
يعني علاش بيقعد عليك انتي الشخص الي يستحق الثقه انه هوا يخاف ربي ولو انه يخاف ربي يخاف حتى انه يسيب البنت يخاف ربي انه يسيبها فهمتي😢🥺💔
ويحبها ومايخونهاش لو انه يعرف ربي بس لكن حسبي الله ونعم الوكيل في كل واحد يدير في بنت هكي.💔
وهيا هذه قصتي 😂😭💔
ايام حلوه مرت لكن خلتني شخصيه بارده نتخلا علي الكل بسهوله.
نادين وخواتها يبكوا ربي يصبرك قصتك حزينة
وتقطع القلب. 💔
__________________________________
الكاتبة نوره توفيق
رواية تحت المطر 🌧❤
بعد#مرور#شهر#
خال نادين جاء، وعلم بي موضوع زواجها من حازم
حازم.. انا الخميس هذا بنطلع الفرح كل شي جاهز
بس يا فتحتي بنت اختك مش، متهنيه من خوتها
تبيك تخليهم عندك
فتحي..  بس وضعي علي قدي
حازم.. مايهمك شيء عطاه شنطه فيها مبلغ كبير
لين خال ناظين فتح فمه
فتحي.. خلاص تمام معندكش مشكله من بكرا ننقل هنا
بل المبارك كل شيء علي البركه الف مبروك بهناكم
وربي يسعدكم حطها في عيونك مانوصيك
حازم اكيد وضحك وعدا
مر# الأسبوع#بسرعة#...
تم تحضير حفل زفاف كبير بكل كان حفل في احسن صاله
العمال والخدم والتقديم والديكورات كل شي جميل ويخذ العقل كل من حضر العرس انبهر
والعروس نادين مش بروحها طلعت هيا وصاحبتها سماح
حازم ورسلان عرسوا في نفس اليوم
والعرايس وحده احلا من الثانيه ✨❤💍
لكن نادين خطفت الانظار اكثر بي طلتها الي زي الملكة
الكل حضر الفرح ورويدا حضرت واختها وخوات نادين وخالها الي عشان الفلوس عطا الموافقه ومرات خالها والاقارب ز
والجيران.. نهاية الساهرة
حازم خذي عروسته نادين ونزل بيها في احسن الفنادق
فندق خمس نجوم كانت ليله لاتنسى
ورسلان خذي سماح لي حوشهم
حازم.. شال نادين وحطاها علي السرير
هذه ثاني لحظة عمري مش ناسي اول لحظه لمستك فيها مش ناسي صدفتنا الي تحت المطر
نادين.. وانا انحبك وهذه اجمل لحظه جمعتني بيك بالحلال
حازم..قرب من نادين وعطاها قبله حارة وضمها
نحبك يا حلوتي 💋🔥💘
وشالها فوق نادين حازم لا نزلني خلاص وانا انحبك
حازم.. نموت في حبك ربي مايحرمني منك امممححح
النــهـــــايـــة 🔚
The end

الكاتبة نوره توفيق
🌧❤ روايـــة تحــــت المطــــــر 🌧❤
الدنيا هذه توريلك الناس علي حقيقتها من صاحبك ومن عدوك ومش كل حد قال انحبك معناها انحبك لزم تعرف وتميز المشاعر الحقيقة لانها دنيا خدعه والمظهر والكلام الحلو عمره ما يغريك ومش كل قصة حلوة تكون نهايتها حلوه مرات العكس وديما الشيء المبالغ في مشكوك في امره ولي يبدأ بسرعة ينتهي بسرعة والحب الي يكون قوي مرات يضعف مع الوقت وينتهي وفي الأخير المكتوب هوا الي يختار النهاية🥀