أنت تقرأ

رواية تحت المطر الكاتبة نوره توفيق

Romantik

بنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...

#المطر #تحت

رواية تحت المطر 🌧❤ (8)

10 1 1 
                                    

                                              
روايـــة تحــت المطــــر 🌧❤
الحقة 8 ~ الكاتبة نوره توفيق 
نادين.. طلعت تولع في سيارتها وو مبتش تولع
نادين حيا عليااا شن ندير توا انا في الجو هذا😭💔
ياربي اولعي اولعي مش وقتك خيرك توا
مش كنتي تمشي وقعدت تضرب في دومان السياره 
من الناحيه الآخره حازم كمل مرجعة الحسابات
وشغله كله في الشركه  .. 
وطلع يدور علي خوه رسلان ركب في سيارته وطلع 
بس قلبه مشغول من نادين
سبحان الله الشخص بعد يحب يحس بحبيبه وروحه
تتعلق بيه حتى في البعد يكون في شعور قوي.. 💗
__________________________________
الكاتبة نوره توفيق 
رواية تحت المطر 🌧❤
نادين قعدت في السياره وتشوف مع قزاز السيارة
السيارت الي يمشوا ويجوا وكل شوي 
تمسح في القزاز من الضباب 
نادين مزالت زي الأطفال تبكي ومش عارفه وين تمشي
والسنتر سكر والوقت تاخر ومافيش حد يساعد ولاشي
معندهاش لا اب ولا اخ ولا عم ولا حد قريب بس عندها
حازم وتحشمت منه مابتش تثقل عليه 🥺💔
عنده بس خال ويسكن في سبها بعيد عليها قاطع وقلبه غليض
لاعمره سال ولاشي من النادر وين يكلم💔
شويا رن تلفون نادين ترررن تررررن 📞
نادين.. شافت المتصل طلع حازم
حازم..  الوو حبيبتي وينك الو خيرك مترديش
نادين مقدرتش تحكي من البكاء 
حازم حس بيها تبكي علاش تبكي شن في احكي الو نادين 
وينك ردي علياا 
نادين.. انا قاعده قدام السنتر الي نشتغل فيه وسيارتي
تعطلت عليا ومعنديش حد والوقت متاخر ليل
وانا خايفه 😭😭💔
حازم..  باهي اهدي وين انتي شن اسمه السنتر وفي اي شارع
نادين.. قريب من المنطقه السياحيه علي اليمين 
حازم..  بعد نوصل نكلمك متحركيش من مكانك ولا نقولك
خليك معايا علي الخط قلبي مشغول عليك مش قادر نخليك
_____________________________________
الكاتبة نوره توفيق
رواية تحت المطر 🌧❤
رسلان.. اه يا صاحبي تعبت انا ليا 3سنين حب معاها
تمشي وتسيبني بعد قتلها توا منفكرش في الزواج
تصبر عليا بس لحد مانتخرج 
ماصبرتش تعرف شن دارت 💔
رؤف.. شن دارت؟ رسلان وافقت علي واحد جاء يخطب فيها
وسيبتني اني وقبلت بي وخانت حبنا
رؤف.. هذا علاش شربت هلبا ليلة امبارح
اني استغربت تنادي بي اسم بنت سماح سماح ليش درتي هكي
وقعدت تعيط لحد ماثملت بكل ومعش شفت 
رسلان.. الكلب الي جاء طلبها لما نقتله ونوريها كيف
تخلني مش انا الي ينترك 
والله وحياة امي لما نقلب حياتهم 
رسلان كان متعصب وقلبه محروق وماثر فيه الموقف
رؤف.. تي يا راجل كبر عقلك مش اخر البنات
لو يعلم خوك حازم لما يدرلك مشكله
رسلان.. خلي يدير الي يبي توا ماشيلها 
رؤف يجري وراء رسلان وقعد يعيط وراه رسلان رسلان
طلع طوول وركب في سيارته ومعدلش علي كلام صاحبه.
         ~~~~~~❤🌧❤~~~~~~
حازم..  حبيبتي ديري فلتشات سيارات هلبا مدرسين
انتي وين انا في بداية الشارع 
نادين.. ولعة الفلتشات اهو شفتك انا نصادر فيك
حازم..  هيا نازل شورك حبيبتي خليك متنزليش مطر عليك
نادين.. باهي يا عمري🥺
حازم صف سيارته علي الجنب ونزل وجو مطر بكل
وقلبه يدق بسرعه جنونيه
الشخصية كانت من بعيد تهبل البدله السوده والقميص
كيف مفتوح والسلسله بارز في الصدر والجسم مفتول وعضلات 🔥🤤
حازم فتح علي نادين باب السياره وو..
___________________________________
الكاتبة نوره توفيق
🔥رواية مالحب إلا جنون 🔥
رسلان.. وصل علي حوش سماح وقعد يراقب من بعيد
وقعد يذكر في ايامه معه وزادت فيه نار الوجع 
في قلبه 🔥💔
ولع سيارته وعدا معش تحمل وقرر يرجع في موعد
تطلع في سماح. 
رسلان.. ليش هذا جزائي بعد ماحبيتك وصنتك
ليش بس وزاد السرعه وعلا الأغاني الحزينة💔
        ~~~~~❤🌧❤~~~~~
حازم.. فتح علي نادين الباب ونزلت نادين
قعدت ترعش من الخوف والصقع
حازم يبحت في عيونهاا ومتحسف كيف بنت زيها تتشتغل
وتتعذب وهوا مش قادر يدير شيء💔
حازم.. بدون اراده حضن نادين بالقووه لحد مانادين
شعرت بي دفء صدر حازم 
كان خايف عليها هلبا..
حازم بعد من علي نادين وقال انتي مزال اتعبي روحك
مش ح يصير خير مستحيل نشوفك اتعذبي وتتعبي وانا نقعد هك بدون مانساعدك نبي منك توعدني توا حلوتي
__________________________________
الكاتبة نوره توفيق
رواية تحت المطر 🌧❤
نادين.. ترتعد من الصقع نست معطفها في المول
حازم مصقعه حبيبتي
وقرب منها وسلح معطفه وحطه علي كتوف نادين
نادين..تو دفيت شكرا ليك تعبتك معايا🥺💔
حازم.. حط أصابعه علي شفايف نادين اسس انتي نبيك اتعبي ديما معنديش معك مشكله بكل 
نادين.. ياربي يعجز لساني عن الكلام بجد انت انسان لطيف بكل ربي يحفظك 
حازم.. ويحفظك ليا يا حلوتي صقعتي سامحني وقفتك
تحت المطر 
نادين.. لاا بلعكس نحب الجو هذا وبذات بعد انت تكون
معايا معش نحس بالبرد 🥺🔥
حازم.. حليلي منك حبيبتي قتلك اوعدني تسيبي الشغل
نادين.. نسيب الشغل منقدرش هذا مصدر رزقي 
حازم.. خلاص قتلك سيبي اسمعي الكلام انا نغطيك
فلوس بس اسمعي كلامي والله نخاف عليك ونعرف مصلحتك اكثر منك ، هيا اوعدني توا 
نادين وعد حازم ❤
وبنسالك قبل مانمشوا شن الموضوع الي بتحكي لي شغلتني؟
حازم.. اه في وقته نحكي لك 🤤💘
حازم.. انا انحبك يا نادين ونتمناك معي في كل وقت
نادين.. وانا حبيتك عدم اهتمامي بس شغل 
حازم.. قرب من نادين وهمس في وذنها كنت عارف
وعطاها بوسه اممممموووواااه 💋🔥
انحبك.. وانا اكثر❤❤
نادين خلاص يشوفوا فينا الناس الي تخطم
حازم.. خليهم يشوفوا انا ميت في حبك❣️
نادين بعدت علي ومشت ركبت في السياره وخدودها
قعدوا حمر من الموقف قدام العالم الي تخطم
بس نست كل شيء ومعش انتبهت علي شيء لما سمعت
كلمة انحبك.
__________________________________
الكاتبة نوره توفيق  
رواية تحت المطر 🌧❤
حازم..  وصل نادين علي حوشها
حازم ردي بالك من روحك نحبك
نادين..  حتى انت وسوق علي مهلك
حازم..  حاضر حبيبي الحلوو
بس كلمني نبيك باي امووووواااح. 
نادين..  باي عمري وفتحت الباب وخشت 
روعه..  اهلين اختي وينك طولتي وهذا الي لبسته كبوط
من بسم الله؟! 😳
نادين.. هذا شاب وصلني ساموحني حبايبي عشان طولت
وماجبت ليكم عشاء
ربا.. خير اختي طولتي
روعه.. مسكينه ربي يساعدها تعب واخره تعطلت سيارتها
خشي ديري عشاء خفيف
ربا.. حاضر ربع ساعة ويكون جاهز خشي حبيبتي
ارتاحي في دارك
نادين.. ربي يحفظكن ليا احسن خوات🥺❤
__________________________________
الكاتبة نوره توفيق
حازم.. روح علي حوشهم الي نضامه فيله دبلكس علي دورين
رقا فوق لقي امه وخوه يتعشوا
عوافي غوالي..
وينك رسلان ندور عليك خيرك قفل تلفونك
رسلان.. حبيت نقعد بروحي مافي شي اطمن
هيا نرجوا فيك غسل وتعال مزال ساخن العشاء
حازم.. ابدوا تو نجيكم 
      ~~~~~❤🌧❤~~~~~
كل من عائلة نادين وحازم تعشوا والتموا
علي سفره وحده وكانت المحبه جامعتهم
نادين وخوتها يضحكوا رغم فقدانهم لي سندهم الام والاب
بس كانوا يحبوا اختهم نادين واجد بكل ومتعلقين
فيها عشان هيا في حسبت الاب والام وكل شيء❤
نادين..  سلمت يديك علي عشاء ربا
خفيف وسمح الدحي بالخضره طعمته حلوه
تعلمتن بسىرعه الطبخ 
روعه..  اي تعلمنا عشان نسعدوك حرام كل شي يكون 
عليك 🥺🥺💔
نادين..  ربي يحفظكن ليا نستاذن تصبحن علي خير
بكرا وراي واعيه بدري عندي مشوار لجامعة 
روعه ربا.. وانتي بالف خير ❤
_________________________________
الكاتبة نوره توفيق 
رواية تحت المطر🌧❤
حازم.. اي خيرك رسلان احكي توا؟
امي مش قاعده رقت لي دارها 
رسلان.. سماح 
حازم.. ههه يعني بنت دايره فيك هكي تمشي اطير
الف من اتمناك ي صقر متنزل مستواك لها
من بكرا نمشوا نخطبولك احسن بنت في المنطقه شن تبي غير قول بس كم عندنا رسلان نحنا 🥰
رسلان..  ياريت كانت هكي ساهله زي ماتحسب فيها انت
بس هذا الحب وهذا قلبي الي حبها 
اني ماشي سهران مع الجماعه سلام. 
حازم..  خش لداره بدل ملابسه ولبس لبسه
مريحه وتمدد علي السرير واتصل بي نادين 
نادين..  الو عمري شنجوك
حازم.. جوي بعد بدري فوق السحاب حليلي انا من العسل الحلو 
نحبك يا بنت نحبك ونفكر فيك علي طول 
معش نقدر نعيش بلاك يومي نبيك معايا 
معش تغيبي ومعش تقولي شغل الي تبي كله يجي لعندك
وبعدين في شيء ماقلته لك
نادين..  شن خير انشاء الله 🥺
حازم خير يا حلوتي انا وو.. 
تابع.. تم ادناه للأستمراريه واثبات وجود 
الكاتبة نوره توفيق 
روايــــة تحـــت المطــــر 🌧❤
رواية تحت المطر الكاتبة نوره توفيق حيث تعيش القصص. اكتشف الآن