روايــــة تحـــت المطـــر ❤🌧
الحلقة 7 ~ الكاتبة نوره توفيق
نادين.. ولعة سيارتها وطلعت طول لي عملها
العمل الي تشتغل فيه سنتر ملابس نساء
والطاقم الي فيه كل نساء تجهيز لي العرائس وملابس
وفساتين سهر سنتر كبير وموقعه جميل في وسط البلاد
طول الطريق والسماء تمطر والجو بارد ومعبى غيوم ومغيم
المطر ترشرش علي زجاج سيارة نادين
ونادين مولعه مساحات السيارة ومهديه السرعه
وكانت الطريق الرئسيه زحمه شوي..
__________________________________
الكاتبة نوره توفيق
رواية تحت المطر 🌧❤
حازم.. يا امي تبي حاجه من برا انا طالع
رحمه.. اقعد تريح ضروري تطلع مش كنت برا بدري
حازم.. شندير يا الغاليه لزم انتابع شغلي
وبدري روحت طول مادرت شيء خذيت لفه وروحت
رحمه.. ربي يسهلك دربك يا وليدي ويوفقك
حازم.. اللهم امين وربي يحفظك لي يالحنونه
تبي اي حاجه كلمني 🤙
رحمة.. نبي سلامتك بس ورد بالك علي روحك
وسوق علي مهلك تشوف في الجو برا كيف
حازم.. حاضر يمي مع سلامة
__________________________________
الكاتبة نوره توفيق
رواية تحت المطر 🌧❤
نادين.. دارت فلاتشه علي اليمين وتمت مع الطريق
الي توظي لي سنتر الملابس
زميلاتها في العمل تتصل بي نادين
نادين هيا قريب منك
حازم.. طلع طول اتجه لي مقر شركة تصدير السيارات
عنده جرد وحسابات يبي يراجعهم
بس كان طول الطريق باله مع نادين
وهوا يسوق دزلها مسج💬
المسج:- مطوليش يا حلوة عليا نرجا فيك بالثانيه
نادين.. درست قدام المحل شويا طن الهاتف
شافت المسج وابتسمت بحب❤
نادين قالت في عقلها انا اثرت علي بدرجة هذه"!
ومكانتش عارفه قيمتك نفسها لذالك تعجبت
في سر حب حازم السريع ليها ..
بس الحب يجي بسرعه وفي لحظات
مران ماتحس بشيء تلقا روحك حاب وميت حب 🔥💘
الحب الحقيقي يبدا بسرعهة ومن النادر اكتماله
حسب القصه.. والمكتوب.
__________________________________
الكاتبة نوره توفيق
رواية تحت المطر 🌧❤
نادين.. ردت بمسج علي حازم💬
مش ح نطول عليك ياحلوو بس بمجرد
مانكمل عملي نكلمك طوالي كيف وصلت.
حازم.. طول شاف المسج وقلبه فرح بعد استلم مسج نادين
اه ما احلاااه شعور الحب يخليك فوق السحاب
~~~~~🌧❤🌧~~~~~
ربا.. وينك يا روعه تعالي ليش كذبتي عليا
وين حصتي من الشكلاطه
روعه.. فتحت دار نادين
ربا.. شهقت شن ديري هناا مش عيب هكي
روعه.. شن عيب دار اختي وانتي شن دخلك
نبي نرقد في سريرها سمحح وهاكي الشكلاته خليتلك منها
ربا.. فتحت الكيس ونفجعت هذه بس
كليتيها كلها يالطيف راه يجيك السكر
روعه..امشي خليني نرقد شن خصك سكر ولا ضغط
وسكرت الدار في وجه ربا ورقدت في دار اختها نادين
_________________________________
الكاتبة نوره توفيق
رواية تحت المطر 🌧❤
سماح.. ليش طولتي نادين
نادين.. عطلتني المطر خيط من سماء
سماح احلا جوو
نادين اي احلا جو بس يبي فنجان كاكاو او سحلب يدفي
في الصقه الواعر وانتي بس تشوفيها من روشن
دارك او المطبخ
سماح.. الله هه شوقتني لي الأجواء الحلوه
نادين.. ههه في شغل واجد اليوم؟
سماح.. في هلبا اي بسرعه نرتبوا البضعه مع البنات
نادين.. هيا انتي شوفي القسم الفوقي وانا نبدا من هنايا
_________________________________
الكاتبة نوره توفيق
رواية تحت المطر 🌧❤
حازم.. سلام شباب كيف حال الشغل
يا ادم جيبلي الحسابات في المكتب نبي نرجعهم
ادم.. هيا يا باشا شويا ويكونوا عندك
حازم.. جاء اليوم رسلان
ادم.. لا ليه يومين غايب
حازم.. غريبة والله وتلفونه مسكر
حازم وين نبي نواتيها توا حسابات ولا الثاني الي رايح
لا حاسب اخ ولا حد..
حازم قعد يراجع في الحسابات وفي كل ورقه
صورة نادين تبان قدامه واه وخلاص من الحب
الي يخذ كل شيء من البنادم حتى عقله وتركيزه
مايخلي شيء الا ويخذه حتى مرات الروح تمشي
لي الحبيب بدون ماتحس
المراحلة هذه من الحب تسمى الهيام والعشق 🔥💘
والدرجة هذه وصلها حازم واكثر...
________________________________
الكاتبة نوره توفيق
رواية تحت المطر 🌧❤
جنى.. تعالي رويدا نبيك
انا بكرا عندي امتحان وخايفه من حاجه
رويدا.. شن هيا شغلتني
جنى.. نخاف عليك ديري في روحك شيء
مش ساهل الي صار معك وامس
نسمع فيكي وانتي تبكي😢💔
رويدا.. ابدا ماهو ساهل ربي يبرد قلبي وينسني كل وجع
عشته وانا بعد طلعت بدري خف الوجع والكتمان الي كان عندي
تريحت بعد طلعت وحكيت مع صاحبتي
جنى.. حضنت اختها رويدا خلاص انسي ومعش تبكي
محد يستاهل دموعك.❤
~~~~~🌧❤🌧~~~~~
مع دخول الساعة 11 الحادية عشر مساءا
نادين كملت من العمل وجت بتطلع جاها اتصال من اختها
روعه.. ليش طولتي نادين نرجوا فيك
ومزال مادرنا عشاء
نادين كيف مروحه حبيبتي ونخذ عشاء جهز
سكري توا.
نادين فتحت السياره وجت بتولعه وو😲
تابع.. تم ادناه للأستمراريه واثبات وجود
الكاتبة نوره توفيق
روايـــــة تحــت المطــر 🌧❤
أنت تقرأ
رواية تحت المطر الكاتبة نوره توفيق
Romanceبنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...
