رواية تحت المطر 🌧❤
رواية: تحت المطر 🌧❤
الحلقة 1~ الكاتبة: نوره توفيق
قصة واقعية تبدأ من سقوط امطار غزيرة .. ⛈️
نادين.. مش متأخره حبايبي ماشيه لسوق
نشري شويا حاجات لحوش وجايه عصوم عينك من خواتك
عصام.. اخ نادين الصغير ماتمشيش جو مطر برا
اناف عليك🥺💔
نادين.. حبيبي انت متخافش علي اختك محترفه في القيادة
وانتوا حبيباتي ادرسن كويس في امتحان بكرا
خوات نادين روعه و ربا الأصغر منها نمشو معاك اختي
نادين.. لا خليكن حبيباتي نخاف خليكن من الصقع
هيا باي مش مطوله شويا ونجي
اذا صار اي شيء كلمني روعه
روعه.. حاضر ندوش امشي بشويه
نادين.. باي حبايبي 😘
___________________________________
الكاتبة نوره توفيق
رواية تحت المطر
نادين.. طلعت بسيارتها تحت الأمطار الغزيره
والمسحات والفلاتشات الأربعه والعين
فون نادين يرن نادين ردت الوو هيا شويا ونوصل علي المكتب
بس شدتني المطر
سماح.. سوقي علي مهلك حبيبتي
نادين.. ماشي اوكي
نادين تسوق علي سرعة 60 والدنيا كانت ظلام
والمطر خيط من سماء لاقوه إلا بالله علي المنظر الجميل
ونسمات المطر الي ترد الروح.. 🤍
نادين سكرت القزازت الميه كلها خشت جوا
نادين.. خشت مع المنعطف علي اليسار شوي.. 😲👋🏻
سيارته قعدت دير في صوت و هدت ودرست علي يمين
الطريق ونزلت تحت المطر تعبت مياه شافت لسياره
مافيها شيء شافت لي العجل لقت العجله الخلفيه نازله
نادين.. تعصبت وضربت السياره وااك وقت توا😫💔
___________________________________
الكاتبة نوره توفيق
رواية تحت المطر
نادين قعدت واقفه تحت المطر حاولت مرة وثنين
تكلم حد يجي يساعدها بس الجو كان مساعد
وزيدي عليها التغطيه انقطعت مرة وحده👋🏻💔
شوي جت نادين بتركب لانه الدنيا ظلام ومافيش
حد وقف عليها ..
شوي فتحت باب سيارتها و وجاء واحد في سيارة
بيضه معتمه هدا السرعه ووقف علي نادين
نادين.. خافت وسكرت قزازت السيارة
شوي الراجل الي في السيارة قعد يبيب علي نادين
نادين.. منزلتش من السياره خافت و فتحت نص القزاز
حازم.. سلام عليكم
نادين.. وعليكم السلام استاذ
حازم.. شفتك واقفه علي اليمين ومولعه فلاتشات السيارة
قلت مرات تبي مساعدة درست عليك
نادين.. يرحم والديك جيت في وقتك انا نزلت علي العجله متع السياره ومعش عرفت كيف نصرف
حازم.. مشكله والله ، بس انتي شن مطلعك في الوقت هذا !
نادين.. والله عندي شغل ضروري
حازم.. ماحبش يسأل هلبا بس تعجب شغل شن
وكيف بنت تسوق بروحه في ليل واهلها وين
كان في باله اكثر من علامة استفهام ؟؟؟
بس مامنع انه يقدم المساعدة
حازم.. لو سمحتي انزلي واعطني شكورطه بنرفع السياره عشان نغيرلك العجله عندك وحده احتياط؟
نادين.. اكيد عندي ثواني بس وفتحت شنطة السياره
وجت بتنزلها كانت ثقيله 😭💔
جاء حازم ورفع العجله وحط في مكانها
حازم.. اعطني المفتاح ياا..
شن اسمك قبل؟ نادين اسمي
حازم.. تقدري تمسكي العجله من الطرف هذا؟
نادين.. اي نقدر وحازم حاط ايده علي العجله ويحاول يثبت
فيها شوي نادين حطت يدها بالغلط علي يد حازم
نادين Sorry بالغلط ...
حازم.. عادي عادي وتمنى لو انها قعدت فوق يده يدها
ودفاته في الصقع
حازم.. ايوواااه هكي تمام كملنا اركبي بسرعه
راه تمرضي من الجو
نادين.. شكرا تعبتك معايا تحت المطر
حازم.. همس بي صوت هادي ولوو نحنا في خدمة الحلوين
نادين.. طبست لوطه وضحكت
كيف منظرها وهيا تحت المطر يجنن🤤🔥
جت بتركب شوي حازم قال ليها لحظه نادين
نادين.. تلفتت شور حازم
حازم.. هذا كرتي اي حاجه تحت امرك
نادين.. شكرا وركبت في السيارة وطلعت وحده وحده
___________________________________
الكاتبة نوره توفيق
رواية تحت المطر
نادين.. شافت لي الكرت لقاته مكتوب علي معرض
الساحلي لستيراد السيارات
ومكتوب رقمين ليبيانا ومدار
اتصلت علي المدار..
حازم.. مزال بين عيونه ضحكت وعيون نادين🤤💘
حازم عاود الأتصال علي نادين هلا يا حلوة نورتي
نادين.. النور نورك
حازم.. تعرفي نقولك حاجة
نادين.. شن؟ حازم.. ياريت كل يوم تعطل سيارتك ونتلقوا
علي مفترق الطرقات 🤤💘🔥
نادين.. هههه صدفه والله كنت نبي نسلم حجوزات لمكتب الطيران ضروري
حازم.. واحلا صدفة وجو مطر الله ياريت اتعاود اللحظه
نادين.. شكرا كلك ذوق ❤
معلش نستاذن منك انا منقدرش نسوق ونحكي نفس الوقت
حازم.. اذنك معك وسوقي علي اقل من مهلك ياحلوة
ولو استحقيتي اي توصيلة انا تحت امرك
نادين مشكور مكشور وسكرت الخط.
__________________________________
الكاتبة نوره توفيق
رواية تحت المطر
حازم.. راجل في منتصف العمر 30 سنه
مواصفاته شعره اسود وطويل شوي
عيونه سود بشرته قمحيه جسمه مفتول وكتوفه
عراض من العضلات طويل بس مش هلبا
نادين.. بنت مواليد 2000 يتيمة معندهاش لا اب ولا ام
توفوا في حادث سير وخلوا في رقبتها مسؤلية خوتها
الي اصغر منها ..
اوصافها.. بشرتها قمحيه خفيف شعرها اسود ناعم مش طويل هلبا عيونها زي الغزال كبار وسود مائل لي البني القاتم
كانت تشتغل في خدمتين في اليوم
تشتغل في مكتب طيران
و تشتغل في سنتر ملابس نساء
ونفس الوقت عندها ايام معينة لي الدراسة
كانت مضغوطة لفوق راسها والمعين الله
كل احد ثلاثاء وخميس عندها محاضرات
ومرات لو كثر الشغل تغيب علي القرايا 💔
في سيبت القرايا السنه هذه ودخلت انتساب في الجامعة
لغرض ظروفها 💔💔
اكثر صديقات مقربات ليها سماح مواليد 1998
و رويدا مواليد 2005 تعرفت عليها في المدرسة ..
وقت تودي في خواتها الصغار تعرفت عليها
وسبب المعرفه لقاتها تبكي وحبت تواسيها ومن هنا
رويدا حكت القصة لي نادين واعتبرتها اختها الكبيرة
لانه معندهاش خوات كبار..
رويدا.. تختلف عن نادين كان شعرها قهوي وكثيف وطويل
وعيونها قهويات مائل لي العسلي
مش طويله هلبا تحب القرايه وديما تجيب من الأوائل
سماح.. بنت بيضه عيونه وشعرها اسود وقصيره
وملامحه حلوه فاتنه.
________________________________
الكاتبة نوره توفيق
رواية تحت المطر
نادين.. وصلت علي المكتب قريب ويسكر
معش في غير سماح ومعاها شاب ثاني
سماح.. ليش طولتي؟ نادين العجله نزلت عليا في الطريق
وقعدت نعاني فيها 💔
سماح.. باهي الي وصلتي طيبه كيف كنا بنسكروا
نادين.. هذما حجوزات اليوم درت عليهم نضره
كل شيء تمام بس يبوا الختمه من المكتب
وانا نبي نعتذر من صاحب الشغل معش بنكمل تما المشاور بعيد وتوا شتاء ويتم اساعة 9،10 الليل ومنقدرش نخلي خوتي الصغار بروحهم .
سماح.. شوفي الي يريحك
نادين.. كان بكرا سألوا عليا قولي سيبت العمل
سماح.. تمام تو نحكو ليلتك سعيده باي.
أنت تقرأ
رواية تحت المطر الكاتبة نوره توفيق
Romanceبنت فاقده هلها وعايشه مع خوتها وتشتغل عليهم في يوم مروحه من العمل وكان الجو مطر وهيا في الطريق تعطلت عليها السيارة ساعدها راجل وقعدوا تحت المطر حبها وحاب اليوم الي انجمع في معاها فقرر الرجل ينقذها من المسؤليه والعذاب وتحكي قصة بنت عاشت قصتين حب الرو...
