يسر: هنا اني حسيت برعب مو طبيعي ونبحن عليه وضلن يركضن وراي اركض بحيث شويه وانگلب ع وجهي چانت الگاع كلها ثلج والهوى البارد الي يضرب وجهي لحد ماشفت بيت گدامي وچان الباب مامقفول افتحه وادخل واسدة وراي وتخلصت منهن بس حسيت بدفواا مو طبيعي والتفت واشوف البيت چنه كوخ ويخبل ورتاحيت واخيرا مكان ومانتبيهت اكو اشخاص گاعدين يباوعون عليه واگفه يم الباب وابتسمت بوجهم واعتذرت
چانوا ام وولد شباب ثنين وطفل اصغير رحبوا بيه وحچيتلهم اني ضايعه وجايه وحدي
يوسف: ماحسيت اله باب بيتنه نفتح ودخلت علينه بنية وكأنما چانت تركض ومبينه خايفهه دخلتها امي وگعدت يمنه
الام: تفضلي بنيتي اگعدي شبيچ ليش هيچ خايفه
يسر: اكو چلاب برة چانوا يركضون وراي
طبعا همه شافوني ماعرف احچي بالهجتهم حچوا عربي وياي لان يعرفون
الام: ايي بنيتي هذولي الچلاب دائماً هنا بس شافوج غريبه احنه متعلمين علينه
احچيلنا ليش انتي وحدج شنو صاير وياج
يسر: والله خاله اني نجبرت اترك بيتنه واهلي اني من كركوك وامي متوفيه وبس ابوي مو زين وعمي مربيني وهسه نجبرت ع زواج بسبب سوالف ابوي وماگدر اتحمل لان متورط ويه شخص خطير وابوي تعبت من تصرفاته وعمي الي چان زين وياي وافق ازوج هالشخص ماگدر اضل وتفقت اني وبنت عمي انو اشرد احسن وبس هيه تدري بيه
قاسم: والله ماعدهم غيرة شلون يسون هيچ
الام: مع الاسف بنيتي لازعلين اهم شي خلصتي منهم
يوسف: اني ساكت واباوع مافتحت حلگي بكلمة بس نقهرت عليها وهيه هم مبينه متأذيه لان خايفه وبچت
يسر: اني وگاعدة احچيلهم بچيت لان بالفعل تأذيت كلش
المهم ماقصروا وياي گالولي ابقي عدنه وخاله الي هيه ام يوسف خوش مرة گالت هسه انطيج ملابس وغرفه وابقي يمنه لان ماعندج احد هنا تعرفي قاسم گام ترخص واخذ ابنة وراح وضل بس يوسف الي ماحچه ولا كلمة من جيت لي هسه المهم شكله حلو جمال تركماني هيج يشبه الاتراك هههه
الام: بنيتي هاذا ابني يوسف والي راح اسمه قاسم المهم ابني يوسف لاتستحين منه اعتبري مثل اخوج
وانتي هم شنو اسمج گلتي
يسر: خاله اني اسمي يسر
يوسف: حلو تشرفت بيچ اخذي راحتج بالبيت
يسر: اشكرك
چان تاخذني خاله ونطتني غرفه چانت غرفه صغيرة ومرتبة دخلت ونزعت الشال والقمصلة الغرفه چانت دافيه المهم گعدت ع الچربايه وحطيت راسي وماحس اله غفيانة حتى بدون غطّى وفجائة نفتح الباب وفزيت وگمت طلع يوسف
يوسف: ماچنت اعرف امي مطيتها غرفتي رحت وفتحت الباب ولگيتها نايمه البنية بس خطيه فزت من فتحت الباب بقوة شفتها بدون حجاب وچان مبين عليها تعب بوجها بس طالعه كلش حلوة وهيه بهلحالة
اعتذرت منها وگلتلها امي منطيتج غرفتي ومادري المهم اسف ع الازعاج واني اريد اطلع صاحت عليه
يسر: اعتذر لان مچان يعرف اني بغرفته راد يطلع وصحتله گتله اني ماعرف هاي غرفتك اذا تريد اطلع منها ماريد اسببلكم ازعاج
يوسف: لا عادي خليها اذا امي منطيتها الچ اني اكيد حضرتلي الغرفه مالتها انام هناك ارتاحي انتي
يسر: هزيتله براسي وبتسمت عبالك ماعرف احچي المهم طلع ورجعت نمت
يوسف: رحت ع امي لگيتها بالمطبخ
يمة ليش مطيتها غرفتي قبل شويه دخلت عليها مادري بيها حتى البنية فزت چانت نايمة
الام: ماعليك ابني خلي تاخذ راحتها البنية وحدها بالغرفه انته نام يمي اكو چربايتين بغرفتي
يوسف: وغراضي
الام: هسه اني اطلعهن وابدللها الفراش مال الچرباية حتى انطيك فراشك
يوسف: ماشي يمه هسه اني طالع تأخرت ع الشغل
الام: روح يمه الله وياك
يوسف: رحت للشغل وكملت ورجعت للبيت حتى اتغدة ومن بعدها ارجع للفرن
يسر: من رجعت نمت گعدت بسرعة وماجاني نوم رحت ع خالة وگالتلي فوتي للحمام وغيري ملابسج واني الحمدلله جايبة ملابس وياي سبحت وبدلت ورحت شفتها تحضر الغدة وساعدتها وبعدين سمعنه الباب نفتح وطلع يوسف
يوسف: السلام عليكم
يسر: وعليكم السلام
ابتسمتلة وهو هم وگتلة الغدة جاهز بس نصبه
يوسف: تمام هسه اغسل بس استعجلوا جوعان وعندي شغل
يسر: تمام وگلت وية نفسي بصوت شبي هاذا طاير ع شغلة شكلة سمعني لان التفت علية واني تجهت ع المطبخ
كملنة السفرة ويوسف راح للشغل واني رتبت ملابسي وگعدت سولفت ويه خالة شوية وحچتلي هواي اشياء عليهم وعرفت انو منفصلة عن ابو يوسف لان موزين ودائما يسوي مشاكل ويأذي ولده كرهتنيا قبل لاشوفه وحبيتهم اكثر وكثر اني سولفتلها هم لحد مصار العشة ورجع يوسف من الشغل وتعشينة
يسر: رحت للغرفة حتى ارتاح شوية بعد ماتعشينة وغسلت لمواعين لخاله لان خطية هيه وحدها تشتغل ماعدها بنات المهم واني كاعدة بالغرفه دگ الباب
يسر: گمت فتحته وطلع يوسف
يوسف: اسف خاف ازعجتج بس اريد محفظتي واكو غرض اريد اخذة
يسر: ايي عادي ادخل واني اسفه لان ماخذة غرفتك اذا تحب ترجعلها ان شاءلله مو مطولة اني
يوسف: ليش وين رايحه مو عساس حتبقين يمنه
أنت تقرأ
الشتاء الدافئ
Science Fiction*تـم تغيـر اسـمم القصـة ♡ قصة عراقية خيالية قصيرة ~~~~~~ فتاة هربت في كردستان العراق عندما كان الثلج والبرد يحيط بالمناطق لم تستسلم فقد انقذت نفسها من جحيم والدها لتعيش بين ناس اعطت لها الدفئ والامان ~~~~~~
