شافه يوسف وكام عصبي فتح الباب
ابو يوسف: السلام عليكم خاف ازعجتكم وقاطعتكم عن سوالفكم
يوسف: احجي شتريد وتفضل روح
ابو يوسف: احجي عدل لك واني جيت اكلك ليش مرايح لشغلك اليوم شيكولون علينه كاعد من شغلك
يوسف: انته مادخلك واني اليوم عندي عطله اكو عامل بديل
ابو يوسف: اني مادخلني اصبرلي لما اربيك
يسر: اني ضليت واكفه بمكاني بس لمن مد ايده ع يوسف ماتحملت كمت رحت عليهم
يوسف: لك انته واحد حقير ماعترف بيك اب
ابو يوسف: بسيطه هيج مامحترمني
يسر: كام رجع ضربه واني ادخلت وگلت كافي عاد بطلو ويوسف لاتحجي شي
يوسف: خليني امد ايدي اني عليه يستاهل
ابو يوسف: اسمع كلامها لهاي الغريبه مدري منين جايه وخليتوها بيتكم
يوسف: بعصبية حجيت انته شدخلك لك هاي مو غريبه احسن منك يلي مسوي نفسك ابونه يلا اطلع منا ترة بعد ماتحملك
ابو يوسف: ايي ماشي راح اروح بس مانسيت اسلوبك هاذ بسيطه
يوسف: كافي روح طلع ورگعت الباب وراه
يسر: ليش متشتكون عليه وربي المفروض ترفع دعوة عليه خلي المحكمه تشوف فوك مامنفصل ع امك يجي يأذيكم
يوسف: ماعليج بي يجي يوم واشوفه اني منو
يسر: صار اكو جرح بوجهك من ورة الضربه تعال بعده المعقم خلي اسوي الك
يوسف: عوفي عادي خيولي
يسر: لا اله اسوي شو بس تعال
يوسف: ماشي سوي
يسر: عقمته اله واستحيت اباوع بوجهه بس من ورة الجرح جبرني اصير قريبه عليه
يوسف: مدري اجاني شعور غريب وهيه واكفه يمي ونسيت حتى الوجع وتذكرت ابوي الي مامحترم روحه كال عليها غريبه وشعدها يمكم مع انو تستاهل نخليها من عدنه لان كلش خوش بنيه
ف اعتذرت منها علمود الي گاله
يسر: لا عادي حقة اصلا اني غريبه وانتو ماهتميتوا أمنتوا بيه وخليتوني يمكم شكرا لان وثقتوا بيه مانسه هالمعروف طول عمري
يوسف: صرتي منه وبينه وبنتنه اصلا لاتفكرين ترحين خليج يمنه
يسر: هههه ان شاءلله نشوف الله شكاتبنه
يلا اني راح اسوي غدة خاله تأخرت يم الجيران
يوسف: راح اطلع اشوفها واجيبها
يسر: خليك رجليك توجعك هسه هيه تجي
يوسف: لا راح اتمشه ع كيفي قريبين همه بس اقفلي الباب مثل قبل شويه من نجي احنه يلا تفتحي
يسر: يلا تمام روح لعد
رحت للمطبخ كمت اسوي غدة واجوي بسرعه ماطولو وخالتي من جوي لسه بس تحجي ع يوسف لان واكع ورجله مجروحه بعدين گلنالها ع ابو يوسف فد ضاجت ونقهرت حيل كالت شوكت نرتاح منه خطيه جاي تتأذة هيه وولدها من وراه
بعد مرور شهر تقريباً اجه عيد نوروز ومعروف هناك يحتفلون بي وناس تطلع ف خالة گالت ليوسف طلعها هي مقبلت تطلع ويانه اكو سوق صاير يم منطقتهم ويمه جبال وهناك ازدحام حيل بهاي المناسبة فكلي اخذج وهم اشتريلج غراض وملابس واليعجبج فرحني حيل جان هم اكو ثلج شوية وبارد الجو لبست ملابس هواي وفوك الشال حطيت الكلاو وتوني كملت صاح يوسف
يوسف: يلا يمعودة شكاعد تلبخين بوجهج
يسر: جييت لاصيح
يوسف: طلعت من الغرفة تلبس بحذائها وكملت واجت وكفت كدامي تكول يلا ماكدرت اتخطى جمالها وبرائتهه اخذتها وطلعنه
يسر: طبعا مشي رحنه السوق مو بعيد وهنا مايحبون يركبون سيارات مع انو الجو بارد تمشينه ووصلنه
يوسف: هذا يلا طبينه بي السوق تعاي بعد ندخل جوة
يسر: شهالجمال ومليان غراض وملابس
يوسف: ايي اشتري اليعجبج
يسر: اكو محل يبيع كلايد واساور عجبتني كلادة تخبل ونازكة حيل كتلة يوسف اشتريليها اريدها حبيتها
يوسف: ماشي هسه كبل رحتي ع الكلادة ملابس هم اشتري ماعندج بس الي جبتيهن وياج
يسر: ايي هسه اشتري بس اريد هاي الكلادة عاد اشتراها ولبسهه الي گلبي كام يدك سريع وهو يلبسها الي وكتلة شكرا وفترينه بالسوك واخذلي ملابس وهوا هم اشترة ملابس ونسقنه اني ويا وتونسنه حيل وهوا كاعد يحاسب ابو المحل طلعت اباوع ع المحلات اليم ابو الملابس وصار ازدحام ندفعت وماحس اله صرت بغير فرع وتيهت يوسف..
أنت تقرأ
الشتاء الدافئ
Fantascienza*تـم تغيـر اسـمم القصـة ♡ قصة عراقية خيالية قصيرة ~~~~~~ فتاة هربت في كردستان العراق عندما كان الثلج والبرد يحيط بالمناطق لم تستسلم فقد انقذت نفسها من جحيم والدها لتعيش بين ناس اعطت لها الدفئ والامان ~~~~~~
