ليس فقط الأحضان تجعلك تشعر بالامان الداخلي والدفء ففي أيام الثلج كان هناك منزل صغير احتواني....🕯🍁
.........""
تعريف عن الابطال
اسمي يسر من محافظة كركوك عمري 17 سنة طالبة خامس اعدادي حلمي اصير محامية چانت عندي طموحات هواي وچنت مافكر بحب ووزاج اله اتخرج من الكلية ووتوظف ويصير عندي راتب حتى اكون نفسي بعدين اكون اسرة واكون بوكتها ناجحه بس للاسف امي متوفية وعايشين عند بيت عمي ابوي مايشبهني
چان هواي عندة مصايب ومديون وعندة افعال مو زينة ودائما ينام بالسجون حتى اني ربيت ع ايد
عمي ووزوجته جان عمي طيب وخوش زلمة حتى ماراضي ع ابوي ماعندي اخوات ولا اخوان بس بنات عمي چانن مثل صديقاتي وخواتي زهراء ومريم وللعلم احنه عرب لاكرد ولاتركمان اصول اجدادنه من
محافظة بغداد بس نولدنة بكركوك.
هسه نجي للبطل اسمي يوسف عمري 23 من محافظة دهوك تركماني الاصل بس اعرف احجي عربي عراقي لان متعلم اللهجه عايشين بأحدى قرى
دهوك اني وامي واخوي الچبير قاسم متزوج ساكن ببيت غير بيتنه بس قريب علينة وابوي نفصل ع امي وتزوج ودائما يجي علينه يسوي مشاكل يرزل
بينه اني واخوي علمود شغلنة طبعا يشوف نفسه يفلس دائما اخوي عندة محل غذائيّة واني اشتغل بفرن صمون وجميع المعجنات واحب شغلي كملت سادس اعدادي وماصارلي وكت اقدم ع جامعة فضليت اشتغل بالفرن سنتين ولحد لان
يسر: چنة بالمدرسة اني وبنات عمي بوكتها چان اخر امتحان بنصف السنة كملنة ورجعنة چنت فرحانة لان اخر يوم ضلينة نحچي اني والبنات بالطريق المدرسة
قريبة نرجع مشي للعلم اني محجبة وبنت عمي الي بعمري هم بس مريم الزغيرة اهلها مخليها عادي
زهراء: يلا استعجلن الجو بارد
مريم: ايي بسرعة اريد اروح اكمل مسلسلي الكوري
زهراء: عاد انتي بس مخلصتها كورين
يسر: هههه شبيچن بنات زهراء هسة اني وياج مو نتابع تركي
مريم: هاا اني هم احجي عليچن
زهراء: لا يلا امشن وصلنة
يسر: دخلنة للبيت چان عمي يتلاگنه بالباب وشكله ضايج
الله يساعدك عمي شكو شبيك وين رايح ان شاءلله خير
العم: هلا عمو منين يجي الخير هاذا ابوج هم سواله مصيبة
يسر: شنو شسوة
العم: بنيتي اروح اشوفه وارجع لاتهتمين هسه
يسر: اوك عمو
دخلنة جوة وغيرنة ملابسنه وگعدنه سلمنه ع عمتي وابنها نظوري الي هو ابن عمي الي اصغر من زهراء ومريم
ضلينة نباوع مسلسلات ونحجي ع الابطال شگد حلوين
زهراء: يسر لاتحلمين بيهم هسه تزوجين جويسم بعدين
يسر: هههههاي لا حبي اني ماتزوج احد هسه اله اكمل دراسة واتخرج وازوج واحد يوالمني طبعا
مريم: اني اسافر الكوريا وتزوج كوري
يسر وزهراء: بالحلم
مريم: يلا عيني هسه تجي قسمتجن وتزوجن وبعدجن كلشي ممسويات
يسر: لاعيني ارفض
زهراء: اني عادي عندي ههه
يسر: مرتبطة مو
زهراء: هههه لا
يسر: اني ارفض حتى لو جبروني بس متأكدة عمو ميغصبني ع شي لان حباب وطيب ويحبني
زهراء: ايي بس اخذي حذرج من ابوج
يسر: وبنفس الوقت الي گاعدين بي اجه عمي وهم عصبي وضايج رحنه نفتهم منه شكو ليش ابوي ماكو وياه
العم: بنتي اريد احجي وياج بموضوع
يسر: خير عمو احچي
العم: بنتي هاذا ابوج مديون لشخص مبلغ چبير حيل وهسة خاطفينه يردون ندفعلهم لو..
يسر: لو شنو
العم: بنتي ابوچ باعج يعني راح ينطيج للرجال ويحلونه
يسر: شنو شنو.. اني مستحيل اوافق شنو شگاعد يصير هو يبتلي واني اوگع بيهااا مستحييل
زوجة عمي: اني هم مستحيل اقبل ليش نحرم البنية انته معقولة توافق
العم: لا اني هم ماريد بس الناس المتورط وياهم خطرين كلها شايله سلاح وياها
يسر: گمت ابچي وگلت ميهمني خلي يكتلونة اذا
يردون هو هم معتبر نفسة اب
چان فجأة يدخل علينة وسمعني شگلت علية وشكلة عصبي وشابع ضرب ووگام يمشي بتجاهي وكأنما محضرلي كتلة.....
أنت تقرأ
الشتاء الدافئ
Fantascienza*تـم تغيـر اسـمم القصـة ♡ قصة عراقية خيالية قصيرة ~~~~~~ فتاة هربت في كردستان العراق عندما كان الثلج والبرد يحيط بالمناطق لم تستسلم فقد انقذت نفسها من جحيم والدها لتعيش بين ناس اعطت لها الدفئ والامان ~~~~~~
