الشتاء الدافئ

بارت 11

يسر: صرت زينة واحسن بس يوسف الي تمرض وراي ضل يمي طول الليل وانتقلت اله وكل هذا وطالع للشغل رجع الظهر ونام رحت يمة بالغرفة خالتي كلتلي سويلةة كمادات بما انو بسببي تمرض اني هم اضل يمة

ثاني يوم صار احسن وكلت احجي وياا حتى لايضل يطلع بليل ويعوفنه وكتلة يوسف ضل بالبيت ترة اقفل الباب وبعد ماكو طلعة
يوسف: لا والله بكيفج اطلع ماعندي شي شسوي ضال بالبيت

يسر: لا ماتطلع ابقة يمنة بس تروح للشغل وترجع جماعتك متروحلهم لان تتأخر يمهم
يوسف: جماعتي واروحلهم واذا تأخرت خايفة علية
يسر: ايي طبعا اخاف
يوسف: تخافين علية

يسر: لعد شلون قصدي تتأخر يمهم ويضل بالنه اني وخالتي وهيه هم تخاف عليك لاسوي هيج تروح يمهم بس ماضل ورة 12بليل
يوسف: ماشي فهمت عود اشوف.. رحت من يمها احس مشاعري ملخبطة وماعرف شسوي
يسر: يكلي اشوف وراح ولا مهتملي ماعرف شبي هالولد واني ليش خايفة علية واذا ضل برة مو مهم

مرت فترة وقنعتة يقدم ع جامعة احسن مايضل هيج وبنفس الوكت يشتغل ويدرس وينضم وقته وقبل
يوسف: اكلج يسر انتي ليش ماترجعين للمدرسة اسويلج نقل مو جايبة جناسي ومستمسكات وياج اروح لمحافظتج وننقلج هنا

يسر: هم صدك بس ماريد اتعبك وتروح لمحافظتي عوف هسه خليني هيج جوز ماضل هنا
يوسف: لا تضلين وقبلتي راح انقلج سبوع الجاي بما انوو المدارس صارلها شهر بادية حتى تكملين دراستج احسن
يسر: ايي تمام بكيفك لعد وقررت ابقة يمكم ومافكر اطلع منا

يوسف: صدك ولج حيل فرحتيني
من كالت هيج فرحت بداخلي حيل لان من صدك ماتحمل تبعد عني
يسر: من اتخذت القرار ارتاحيت وحسيته القرار الصح وكلت انقل هنا واصير من هاي المنطقة وراح اكمل دراسه واتخرج بس قبل بيوم من النقل صار الي مجنت اتوقعةة...

يوسف راح لشغلة وخالة راحت لبيت قاسم واني ضليت وحدي بالبيت ودك الباب وطلع ابو يوسف
ابو يوسف: همزين فتحتي الباب بالعادة مقفول
يسر: شرايد فتحتة لان اريد اكلك ماكافي عاد عوفنه بحالنه
ابو يوسف: راح اعوفكم
يسر: ايي عوفنه
ابو يوسف: بس انتي لازم ترحين منا يلا اعوف هذا البيت بحالة

يسر: اني باقية هنا ومراح اروح شتريد تسوي سوي
ابو يوسف: راح ترحين باعي ادري بيج تحبينة ليوسف واذا تحبينة راح تسوين كلشي علمودة
يسر: ايي احبة واسوي كلشي علمودة ومانسة فضلة هوا وخالتي ساعدوني وخلوني يمهم
ابو يوسف: ماشي لعد تكدرين ترحين لهلج هسه اذا بقيتي راح تخسيرينة نهائيا واذا رحتي يمكن تكدرين تتواصلين وياه

يسر: شتقصد تريد تهددني باع ماسمحلك تسوي شي ليوسف هذا ابنك مو معقولة توصل بيك هيج تسوي
ابو يوسف: انتظري وشوفي
يسر: دك تلفونه وجاوب وفتح مايك
ايوب: هلا ابو يوسف باجر حبلش اشتغل وية يوسف بالفرن گلتلي انهي حياته مو اني هم ناوي افجر الفرن نار وغاز موجودين بي وصاحب الفرن هم عندي عداوة ويه راح اخلص شغلتي باجر بس اداوم
ابو يوسف: ماشي ايوب عود اني اخابرك بعدين واكلك شتسوي

يسر: لك شنو من بشر ترة هذا ابنك حرام عليك تريد تموته
ابو يوسف: ماعندي ابن هوا مايعترف بية ويجاوز علية ومد ايدة علية تردين اكول علية ابني وملفي وحدة مثلج بالبيت تصيرين زوجته مثلا هااا احجي
يسر: متكدر تسوي شي اني ادري مراح تسوي شي يوسف اذا صار بي شي مراح اسامحك
ابو يوسف: روحي باجر ارجعي لولايتج واوعدج ميصير شي علية وخليها ابالج مراقب البيت وراح اشوفج

يسر: راح ضليت افكر ومصدومه معقولة هيج يسوي بأبنة خفت على يوسف وصراحة كلشي اتوقع من هذا الحقير ابوه خلص اني هواي ثگلت عليهم وجبتلهم مشاكل لازم اطلع منا
كمت اسوي غدة واني بحيرة وتفكير اجتي خالتي هم سئلتني لان لاحظت علية الخوف والتفكير اجه يوسف وتغدينه يوسف گلي شبيج گتلة ماكو شي تعبانة اني راح اروح انام
يوسف: ماشي نامي اذا تعبانة

يسر: رحت للغرفة وكعدت ابجي وغفيت وماحس اله صاير الليل كعدت تعشيت وگلت خلي اگلة لازم اروح وباجر خالتي راحت نامت وحجيت بس وية يوسف
يوسف: هاا شبيج احجي احسج اليوم تعبانة
يسر: راح اكلك شي بس اوعدني ماتضوج وتزعل....
واحنة گاعدين نحجي كامت تمطر وصوت المطر والهدوء والخوف البية مدري منين ابدي
يوسف: احجي شبيج

يسر: يوسف اني لازم ارجع لهلي وباجر ماشي وارجوك وافق ولاتحجي شي ثاني
يوسف: شدتحجين انتي من كل عقلج ذاك اليوم وافقتي تضلين هنا وجنتي فرحانه وتردين تنقلين شنو الغير رأيج

يسر: يوسف افهمني اني ماكدر اضل هنا لازم ارجع لبيت عمي ولتخافون علية مشاكل ماكو اكيد نحلت سالفه ذولي وعداوتهم ويه ابوي
يوسف: لا مستحيل يسر مترحين قرارج هذا شيلي من بالج وكومي نامي يلا
يسر: رايحة باجر وتشوف ومراح ابقة
يوسف: يسر ابقي يمي "متحملت وعترفتلها بمشاعري"