طلعت خالة تصيح عليه وهم ماسمعها خله ادموعي ينزلن والجلاب وصلني وهنه يردن يهجمن فتح الباب وگمزت عليه ولزمني وسد الباب ومن الخوف ختلت بنصه مع انو هو الي سوة بيه هيج حظني وضليت ابچي
يوسف: اسف والله چنت اشاقة
يسر: ببكاء دفعته وگتلة هاي شقة ورحت ع خالة
الام: هاي شسويت بيها تعاي بنيتي اسكتي عيني لاتهتمين فوتي غسلي ورتاحي جوة الدنيا باردة
يسر: تمام خالة ودخلت جوة وخالة ضلت تحجي عليه برة وهوه ولايحس بس يضحك
ماتوقعت هيج يحب يشاقة واني گاعدة اغسل وجهي ابتسمت من وراه وكأنما ماسوة بيه ناقصة قبل شويه صراحه حبيت طبعة
يوسف: رحت يم جماعتي ورجعت بليل وكت العشة تعشينة واني ابوعلها واحسها لسة خايفه من السويته بيها من كملنة اكل اعتذرت منها شويه عنودينة بس رضت بسرعه
يسر: من اعتذر ماتحملت ارده مع انو معصبة منه بس سامحته لان حسيته يحب يشاقة وهيج مرح بس مزحه ثگيل
يوسف: يلا لاتضلين معصبة وزيدتها انوب گتلها بعدج ماشايفه شي
يسر: شنو يعني طبعك هيج متحمل اذا ماتشاقة
يوسف: لا هههه ترة مو لهلدرجة انتي هم لاتصيرين نفسية
يسر: اني نفسية
يوسف: ايي كلللش
ادري بيه يشاقه ضلينه نضحك ونسولف لحد ما كل واحد راح ينام
يوسف: واني رحت انام اكو عطر بفراشي لاطش عرفت انو الها لان هيه نامت عليه
سئلت امي گالت غسلته واشتمته مو عطر الغسيل
واگول ويه نفسي شگد قوي ولاراحت ريحته ضل طول الليل ساطرني بس صراحه كلش ريحته طيبة ومميز 💎
مر اسبوع وعلاقتنه قوت اني وخالة ويوسف تعودت عليه وصرنه مثل الاخوان والاصدقاء ميانة وشقه بيناتنه وكلش متونسين
يسر: صار الصبح وگعدنه يوسف راح لشغلة واني وخالة تريگنه وكملنه شغلنه رحت لغرفتي كلت ليش مااتصل هسه ع زهراء لان صارلي سبوع ماعرف شكو صاير وراي المهم فتحت التلفون ولكيت هواي مكالمات من البنات وعمي وزوجته بس ابوي ماكو فأني خفت اجاني شعور موزين المهم اني واريد اتصل دك الباب وخفت من الدكه حتى التلفون وكع من ايدي طلعت من الغرفه جان الكي خاله تفتح الباب وطلع رجال جبير ماعرفه باوع عليه وشكله خوفني حجه ويه خاله بالتركماني وهيه هم كلشي مافهمت ضلو يصيحون وخاصتا هو ضل يصيح ع خالتي واني عرفت هاذا ابو يوسف ورة ما مدري شحجه راح وخالتي ضاجت ومبينه نقهرت
يسر: خالة شكو منو هاذ وليش يصيح عليج
الام: بنتي هاذا ابو يوسف الله لايوفقه يدور مشاكل دائما هيج
يسر: وهسه شراد هو؟ لان مافهمت
الام: يگول ابنج ليش ماكو بالفرن وين يروح ويعوف شغله مو بعدين تجون ادورون فلوس مني لمن ماعدكم واصلا هو دائما يجي يدين من عدنه ويحجي هيج لان معتمد عليه ليوسف حتى مرات يجي يمد ايده عليه
يسر: خالة يعني هاذا هم محسوب رجال ولو ماريد احجي عليه لان جان زوجج وابو ولدج نفس ابوي ماعنده رحمه جان هيج يأذيني
الام: مع الاسف بنيتي هو الاب واحد يحتاج حنيته وانتي وابني ماحصلتوا عليها
يسر: رادن ينزلن دموعي بس ماهتميت كلت لخالتي راح اروح للغرفه عبالي اتصل ع بنت عمي دشوف شصاير وراي
الام: يلا بنيتي روحي بس ديربالج لا لايعرفون مكانج انوبه مايرحمونج
يسر: ايي خالة انتبه
دخلت للغرفه ولزمت التلفون واني خايفه وكلت ليش هالخوف خلي اتصل عاد ماكو شي
اتصلت وردت زهراء بسرعه احسها جانت تنتظرني
زهراء: الوو يسر وينج شلونج طمنيني
يسر: هلا زهورتي مشتاقتلج
زهراء: ولج طمنيني عنج هسه وين انتي بأمان لان خايفة عليج حيل
يسر: لاتخافين اني بأمان لكيت مكان وعايشه يم ناس زينين بس مگدر اگلج وين ماريد اورطكم بعد وياي
زهراء: لعد زين ابقي يمج ماشي لاتجين لان حتى احنه شلنه من بيتنه
يسر: ليش شكو شصاير اخذوا بيتكم الله يلعنهم
زهراء: لا احنه شلنه لان صار علينه خطر
يسر: كله بسببي وسبب ابوي اسفه
زهراء: لا ابوج يسر ماات
يسر: شنو صدك زهراء ماات وليش
زهراء: قتلوا همه الي متورط وياهم وهجموا ع بيتنه بالسلاح واحنه ماضلينه بالبيت وهمه حتى شرطه ماگدرتلهم يكولون شاردين هسه
يسر: اني ماعرف شبيه نقهرت لان سمعت ابوي توفه صح هو أذاني بس يبقه ابوي صحح وكمت ابچي
زهراء: يلا حبيبتي هاذا المكتوب وانتي گلبج طيب كل هاذ وبجيتي عليه
يسر: ايي بالاول امي وهسه هوه وماضلي احد
زهراء: شهالحجي يسر كافي احنه اهلج موجودين وجوز الناس الي يمهم انتي راح يعتبروج مثل بنتهم لان خليج هناك اتمنه يحافظون عليج لما نشوف شيصير خابريني دائما وطمنيني اني ماحجيت لهلي عليج خليهم عباالهم مفقوده لان اخاف عليج يلگونج هذول الوحوش
يسر: ماشي حبيبتي بايي
زهراء: بايي
أنت تقرأ
الشتاء الدافئ
Ficção Científica*تـم تغيـر اسـمم القصـة ♡ قصة عراقية خيالية قصيرة ~~~~~~ فتاة هربت في كردستان العراق عندما كان الثلج والبرد يحيط بالمناطق لم تستسلم فقد انقذت نفسها من جحيم والدها لتعيش بين ناس اعطت لها الدفئ والامان ~~~~~~
