الشتاء الدافئ

بارت 10

الشرطة: وين البنت الي هاربة من اهلها وانتو مخليها عدكم واذا ماسلمتوها حتى نرجعها لبيتها راح ناخذكم للمركز
يوسف: متحملت رحت ع ابوي داضربة لان مقدم بلاغ نرفزني حيل بس لزمتني الشرطة وامي ويسر صاحن علية

يسر: حظرة الشرطي اني لا هاربة ولا شي بأرادتي جيت هنا واني اعرف بيت خالة ام يوسف اقاربي من بعيد وكلها شكم يوم وارجع لبيتنه واهلي عدهم علم
الشرطة: متأكدة من هذا كلامج يعني انتي ممخطوفة ولا هاربة واهلج عدهم علم اذا يعرفون اتصلي ع احد من اهلج حتى نتأكد
يسر: جبت تلفوني واتصلت ع زهراء
ابو يوسف: لتحاولين تجذبين انتي شاردة من اهلج لتعبين روحج واعترفي

يسر: الو زهراء باعي اني مو بأرادتي جيت هنا وماشاردة من يمكم كولي للشرطة حتى يصدكون
زهراء: هلا حبيبتي ايي بأرادتج وكلنة ندري بيج رحتي لبيت خالة ام يوسف
يسر: هاا سمعتوا حظرة الشرطة تكدرون ترحون ماكو لا خطف ولاهروب بس احنه شوية عدنه مشاكل ويه عمو ابو يوسف وقدم شكوة تعبناكم عذرونه

راحت الشرطة وابو يوسف متحمل الموقف راح منا وهوا يتحلف بينه
يوسف: هالحقيــ،ر مناوي يوعفنه بحالنة ليش متصلتو علية وكلتولي قبل لايروح ع الشرطة جنتو تعرفون وساكتين جان كسرتة تكسر وماخلي يعتب المراكز

يسر: اسفة مردت اضوجك المهم خلصنه من هالسالفة گلت خاف ياخذونكم الشرطة كلة بسببي
الام: بنيتي ولايهمج المهم نحلت
يوسف: ومهما يصير منتخلى عنج حتى لو حاولو ياخذوج اوك
حجيت هيج وعفت امي ويسر ودخلت للغرفة ونفس كل مرة صرت اخاف اخسرهه تعودت ع وجودها ابيتنه
يسر: كل مايكول هيج يخليني انسة سالفة اعوف بيتهم واطلع واني الصرت مشتتة طول هالفترة ساعة افكر اعوفهم واشوف حياتي لان اني ابقة مجرد غريبة وضيفة مهما القدموا الي

.... بعد مرور شهرين وبدة الشتة يجي وجوو تغير وصار بارد بهالشهرين شوية ابتعد ابو يوسف الظاهر عرف خططة ماتنجح وعافنة واني ويوسف مو مثل قبل مقربين احسة مايهتم يطلع هواي ويجي متأخر بليل وماشوفه حتى صرت اخاف علية صرت ماگدر انام اذا مو يجي للبيت واشوفه وكل هذا وحاول انكر مشاعري لان ادري اني لازم اتركهم بعدين
يوسف: مالي واهس ادخل للبيت لان اذا شفتهه ماسيطر ع نفسي اخاف اتقرب منها اخاف ماكدر اسيطر ع مشاعري

يسر: بيومها تعشينة اني وخالتي وهوا برة يتعشة ويرجع متأخر المهم اني بسبب تغير الجوو فجاءة ارتفعت حرارتي وفلاونزة وخالتي گالتلي نامي وارتاحي رحت انام وارتفعت حرارتي ياىزايد وماحس بروحي بعد خالتي كامت تسويلي كمادات واني نايمة واهلوس واگلها يوسف مارجع
الام: بنيتي انتي مو بوعيج نامي ماعليج بيوسف هسه يرجع واني راح اخابرة حتى يجيب علاج وياه
يوسف: اتصلت امي علية وكالتلي وينك يسر مريضة موزينة ومرتفعة حرارتها واني كمزت من مكاني جنت بالكازينو يم اصدقائي رحت للصيدلية وجبت علاج ووصلت البيت

الام: هاا همزين جيت يسر نايمة وتهلوس بأسمك وتكول مارجع ليش هالكد تتأخر
يوسف: هسه مو مهم راح اروح يمها يمة جيبي مي خلي اشربها علاج

دخلت للغرفة لكيتها نايمة وترجف غطيتها زين ولزمتها وجهه حار يجوي جابت امي المي وكومتها صحيتها شربت ورجعت نامت كلت لامي روحي نامي اني راح اضل يمها عاد امي طلعت وسدت الباب سويتلها كمادات گعدت بالكاع وهيه نايمة ع الجرباية وخليت وجهي يم وجهه وتأملت الوجه الطفولي الناعم تأملت كلشي عيونها الي مغمضتهن شفايفها شوي واحس ع روحي وردت اكوم من يمها بس كامت تحجي

يسر: بدوني وعي بس حسيت بي يمي وكتلة لاتعوفني ابقة هنا وطلعت ايدي من الغطى ولزمت ايدة وماخليته يروح
يوسف: يلا رحت اضل يمج
بقيت يمها وماحس اله الصبح صاير وغافي ع الجرباية وايدي بيدها وهية نايمة شفت حرارتها نازلة شوية وفتحت عينها

يسر: فتحت عيني ولكيته يمي كاعد ولازم ايدي وايدة الثانية ع وجهي جان اعدل روحي وسحب ايدة هوا
يوسف: هاا گعدتي يلا حرارتج نزلت صرتي احسن داتحسين بشي
يسر: صفنت بوجهه وكتلة هاا ايي زينه مادري بنفسي البارحة اتذكر صخنت وجيت نمت مادري حالتي فدمرة صايرة شوكت رجعت انته
يوسف: رجعت بسرعة امي اتصلت وكالتلي انتي مريضة وجيت

يسر: هاا زين يلا هسة اني كلشي مابية وراح اكوم
يوسف: لا ضلي خلي اشوف امي گعدت حتى تسوي ريوك وانتي رتاحي
طلعت من الغرفة وگعدت امي...