狗 _ Dog [ Myanmar Translation ]

7 - လူသတ်တရားခံက....*

"ခေါင်း‌ဆောင်လီ၊ ချန်ဖျင်ရဲ့ ရေချိုးခန်းထဲမှာကျန်ခဲ့တဲ့ သွေး၊ ဆံပင်နဲ့ အင်္ဂါအစိတ်အပိုင်းတွေက သေဆုံးသူကျောက်ရှောင်ဟွာရဲ့ဟာတွေဖြစ်ပြီး ဓားပေါ်က လက်ဗွေရာတွေက ချန်ဖျင်နဲ့ ကိုက်ညီနေပါတယ်။ ဒါ့ပြင် ရေထဲကိုပစ်ချထားတဲ့အိတ်မှာလည်း တရားခံကသူ(မ)ဆိုတာ သက်သေရှိပါတယ်။ ဆံပင်တွေက မတော်တဆ ကျွတ်ကျနေခဲ့ပါတယ်။ ဒါကြောင့် အခြေခံအားဖြင့် လူသတ်ပြီး အလောင်းကိုခုတ်ဖြတ်ခဲ့တဲ့တရားခံက ချန်ဖျင်ဖြစ်တယ်လို့ အတည်ပြုပါတယ် "

စစ်ဆေးရေးအစီရင်ခံစာကို လှန်ကြည့်ရင်း လီရုန်ဟောက်သည် သတင်းထုတ်ပြန်ရန်၊ သေဆုံးသူ၏ မိဘများကိုအကြောင်းကြားရန်နှင့် အခြားနောက်ဆက်တွဲကိစ္စရပ်များကိုလုပ်ဆောင်ရန် ညွှန်ကြားခဲ့သည်။

ထို့နောက် ခေါင်းဆောင်လီသည် စစ်ဆေးရေးအစီရင်ခံစာကို လက်ထဲတွင် စုစည်းကာ ဘေးမှကြည့်နေသော လုရိကိုကြည့်ရန် ခေါင်းကိုလှည့်ကာ သင်ခန်းစာပေးလိုက်သည်။ “လူသတ်သမားအများစုက လွန်ကဲပြင်းထန်တဲ့အခြေအနေတစ်ခုမှာ လူသတ်ဖို့ရည်ရွယ်ချက်ရှိတာကို မင်းသိထားရမယ်။ စိတ်ခံစားမှုအခြေအနေအောက်မှာ သူရုတ်တရက် ဒေါသထွက်လာပြီး တစ်စုံတစ်ဦးကို သတ်ပစ်ချင်တာကြောင့် သတ်ပစ်လိုက်တယ်။ ဒါက အဓိပ္ပာယ်မရှိဘူး။ နောက်မှပြန်သတိရတဲ့အခါ သူ့ကိုယ်သူ ထိတ်လန့်သွားနိုင်တယ်။ ပိုင်စိုးမှုကဘာလဲ၊ စေ့ဆော်မှုဆိုင်ရာ ခွဲခြမ်းစိတ်ဖြာမှုကဘာလဲ ၊ စိတ်ပညာဗေဒဆိုင်ရာခွဲခြမ်းစိတ်ဖြာမှုကရော၊ အဲ့ဒါကအလုပ်ဖြစ်လား။ ကောင်းပြီ ငါသိပါတယ်၊ မင်းကသာ ယုံကြည်စိတ်ချရတယ်ဆိုရင် ဝက်တွေတောင် သစ်ပင်ပေါ်တက်နိုင်လိမ့်မယ် "

လုရိက စကားတစ်ခွန်းမှ မပြောဘဲ ထိုစကားကိုကြားသောအခါ သူက အနည်းငယ် ပြုံးလိုက်သည်။

လီရုန်ဟောက်သည် လုရိက သူ့အားသဘောမတူသူများ စသည့်အခြားသူများ မည်သူနှင့်မျှ ငြင်းခုံခြင်း မရှိကြောင်းကို ဟိုးအစောပိုင်းကာလကတည်းက သိရှိခဲ့သည်။  အကယ်၍ သူသည် စကားပြောခွင့်ရပါက သူ၏ အကြောင်းပြချက်နှင့် ထင်မြင်ချက်များကို အဆောတလျင် မပြုဘဲ ဖြေးညှင်းအေးဆေးစွာ ရှင်းပြပေမည်။ သူ စကားပြောခွင့်မရလျှင်တော့ ရှင်းပြခြင်းနှင့် ခုခံပြောဆိုခြင်း အဆင့်များကို ပျော်ပျော်ရွှင်ရွှင်ချန်လှပ်ထားခဲ့ပြီး တစ်ဖက်သား၏ စကားများကို လေအဖြစ်သာ မှတ်ယူပေလိမ့်မည်။