عشقتها يا سعود وحبت اخوي

6

( في بيت ، ام ريم )
كانوا جالسين بصاله ريم وامها وابوها
دخل عليهم ناجي : وقام ابوه بكل غضب وعطاه كفف
فاطمه : تعوذذ من ابليس خلنا نسمع منه
صالح : ماني بسامع منه ولا شييي انا كيف بكره لا مت اخلي بناتي امانه عنده
وانا حي تضربهم يا الكلب !
ناجي : بس ماقلت لك ليش ضربتهم
صالح : وش ماكان ماترفع يدك عليهم ياضعيف وانا حي وحتى لو كنت بقبري فاااهم !!
ناجي : سمعت رنيم تكلم واحد
عم الهدوء بلحظه وريم مصدومه وابوها ماكان متوقع منها
صالح : لا اشوف احد متحرك من مكانه
طلع صالح لرنيم ودخل غرفتها
رنيم : هلا يبه قامت بتحب راسه
صالح : بعدها ماني ابوك بعد الي سمعته
رنيم بدت تبكي وهي تطلب تسامحه وصالح ضعيف قدام بناته مايقدر يمد يده ولا يرفع صوته بس الموضوع طلب كذا
صالح بنبره حاده : هذي اخرت ثقتي فيك يارنيم ؟
رنيم : يبه تكفى سامحني ماكان ودي بس خطييت وانت مو تقول بني ادم مو معصي عن الخطا انا اخطيت وندمانه اشد الندم
صالح : هاتي جوالك
رنيم مدت جوالها وخذاه منها وطلع
صالح بخيبة امل وضياع وضيقه من بنته وولده طلع من البيت بدون حس وركب سيارته ومشى

ريم طلعت لعند رنيم فوق
ريم رفعت صوتها : ارتحتي كسرتي ثقة اهلك فيك وزعلتي ابوي ؟؟
رنيم وهي تبكي : والله ياريم ندمانه ماكنت متوقعه الموضوع بيكبر لهدرجه
ريم : لا ياعيني وش كنتي متوقعه اجل
سكتت رنيم وطلعت ريم

وصلوا الموول ونزلوا من السياره
بدو يدخلون محل محل وسعود ينتظرهم برا
سعود : الحين فرينا كل محلات السوق ولا شريتوا شي !
شيخه : شنسووي ماعجبنا شي
سعود : وش يعجبكم انتم اصلاً
تهاني : خلوكم هنا بروح اشوف ذاك المحل وجايه
شيخه : اجل بعد روان خليك شوي بروح دورة المياه وجايه
روان : تكفين وشلون بتخليني لحالي مع اخوك
شيخه ضحكت : ماراح اطول
راحت شيخه وخلت سعود و روان
مشت روان من الحياء وهي تحت انظار سعود بيشوف لـ وين بتروح
روان حست بشخص وراها بدت تخاف وتتسارع خطواتها
بدا يتحرش فيها وهي تحاول تصد عنه
وسعود كان لاهي بجواله شوي يسمع صراخ
لف سعود بسرعه وشاف شخص يتعرض لروان
ركض سعوود لعندها ودفه عنها وبدا يلكمه مره ومرتين وثلاث لييين فقد وعيه
الامن جاء وبدوا الناس يتجمعون ويمسكون سعود
طلعت شيخه وفاقده حس روان وسعود لاحظت الزحمه على يسارها
روان جت تركض لعندها وحضنتها بقوه وهي تبكي
شيخه : يمه وشفيككك تبكين اخوي سعود ويينه ؟
روان : مسكوه الامن بياخذونه للقسم
شيخه بصدمه : هاا كييف ؟؟ ليش ياخذوونه
روان وهي تشاهق : تعرض لي واحد وسعود ضربه لين اغمى عليه
شيخه : افف وش هالمصيبه الي جت على روسنا امي وينها للحين ماجت ؟
روان : لا ماشفتها
تهاني جت وهي مستغربه من الزحمه والامن : ها يابنات مشينا ؟
شيخه : يمهه سعودد خذووه للقسم
تهاني بصدمه : وشلون خذوه ؟؟
شيخه : يمه خذوه واحد تعرض لروان وسعود ضربه لين اغمى عليه
تهاني وهي ماسكه دموعها رفعت الجوال على ابو سعود : الحق علينا يابو سعود خذو ولددك
سالم : هاا مين خذا ولدي وش تقولين انتي
تهاني ببكاء : خذوه الامن حنا في السوق تعال اخذنا وخلنا نلحق عليه
سالم قفل الخط بسرعه وراح لعندهم
ركبوا السياره وهم شايلين همه
سالم : وس السالفه يابنات علموني
شيخه : يبه جاء شخص تعرض لروان وسعود ماقصر فيه
سالم بصدمه : كفو على ولدي اجل وليته ذبح ذاك الخسيس
سالم : روان بنتي جاك شي علامتس تبكين
روان وكل تفكيرها بسعود : لا مافيني شي بس خايفه يصير شي لسعود واكون سببها
لفت شيخه عليها ومسكت يدها : صحصحي
سالم ابتسم : لا يابنتي مو بصاير شي وذاك الغلطان اخوك ضابط ولا بيفلته ارتاحي
سالم رفع التلفون على خالد :الوو
خالد : ياهلا
سالم : هلابك وينك
خالد : في البيت ليش وش بغيت
سالم : الحقنا للمركز سعود ضرب له واحد
خالد : وشهوو !! يلاا جايكمم
وصلوا المركز ودخلوا

سالم : سعود وينه ؟
العسكري : تلقاه في الانتظار شويات بيحققون معه
سالم بسرعه راح لعنده والبنات وراه
تهاني ببكاء : ولدي ليش ليش سويت
سعود : يمه وش ليش يتعرض لبنت عمي !! زين ماذبحته هناك
سالم : لا كفوو وقليل بعد الي سويته واليوم راجع معنا البيت ان شاءالله كلمت خالد يلحقنا
سعود وهو يناظرها : وشفيك ياروان ماسكه دميعاتك سوا لك شي قبل لا اجيي ؟؟
روان نزلت راسها : لا ماسوا شي
قاطعه خالد وسلم على عمته وسالم : ها وش صار معكم
سعود : ماصار شي لحد الان
خالد : ووينه الحين الي ضربته صحى ولا ؟
سعود : ايه صحى وبالمكتب الي جنبنا
خالد بضحكه : سألتك بالله وش كان السبب يوم ضربته حتى اغمى عليه
سعود بنبرة حاده : تحرش بـ اختك الـ**** واستوعب على نفسه
شيخه تنهدت ولفت على سعود : ماكان لازم تقولها
خالد لف بسرعه على روان وشاف دموعها
طلع بسرررعه للمكتب الي جنبه بكل غضبب وروان وسعود وراه يلحقونه عارفين الي بيحصل
فتح الباب خالد عليهم ومسكه من ياقته وبداا يضربببه ويلكمه وهو يصررخ : ككييف تتعرض ل اختي ياابن *****
سعود مسك خالد وطلعه برا : خلاص يكفي شوهنا وجهه خل الباقي عليهم
خالد : حرق دمي ياسعودد
سعود : خلاص شوف الاجراءات معه الحين وخلصنا
خالد حضن اخته روان : لا تبكين والله لياخذ عقابه بيدي
انتهى اليوم وسعود طلع وذاك انسجن على فعلته

وصل الجد فهد لبيت ام خالد
ريمااس ركضت وحضنت جدها : جدددوو وينك غايب عنا
سوير وهي ترحب : ياهلا وغلا تو مانور البيت بجية ابوي
الجد فهد بضحكه : بنورك يابنيتي
عبدالعزيز : ريماس علامك لزقتي بجدي اتعبتيه خليه يجلس
ريماس : يووه مناشب لي ياعبدالعزيز حتى على جدي
عبدالعزيز بنظرات : لسانك صاير طويل ياالورع اقولك ابعدي عنه خليه يجلس اتعبتيه

جو خالد و روان وكان خالد لابس ثوبب ومنزل الشماغ على كتفه وضايق صدره
دخلوا البيت وشافوا جدهم تعدلت نفسياتهم بعد شوفته وراحت روان تركض تحضنه
الجد بضحكه : ياهلا ياهلا ببنيتي
سوير : شوي شوي على ابوي
روان تنهدت : خلاص ها فكيته

( مر يوم كامل بدون احداث وجاء يوم زواج ناجي )