جو البنات وبدو ياكلون والجد فهد يروي لهم قصص الطفوله والكل كان مركز معه
الا خالد هايم بعيون ريم وسرحان معها
وكل ماناظرته يبعد النظره
الجد فهد لمح خالد ونظراته لريم : خالد
خالد وتفكيره وعقله كله معها
لفو عليه والكل كان انظاره على خالد
خالد : هلا هلا جدي
كلهم ضحكوا بصوت واحد على فهاوته الا محمد لاحظ نظراته لريم
روان : كمل ياجدي احنا معك ونسمعك خل خالد
الجد فهد سكت مايبي مشكله وسط اهله والبناتطلع خالد و طلع وراه سعود
سعود : بتفضح نفسك انت ؟
خالد : وش اسوي يا سعود عيوني هي الي بتفضحني
سعود : لعلمك جدي فهد لاحظك وكانه شك فيك
خالد : رحت فيها اجل
سعود بضحكه : الله يكون في عونك بتتعب معه
خالد : لا معليك اعرف لجديفاطمه : مادريتوا ؟؟
سوير : لا وشفيه
فاطمه : ملكة مرام الاسبوع الجاي
سوير : ماشاءالله متى صار ؟
فاطمه : مدري والله بس تو تعطيني خبر عايشه وتقول الملكه الاسبوع الجاي يوم الجمعه في الديره ملكه شعبيه وتراث قديم جهزوا يابنات جلابياتكم
روان : اماننه مرام بنت خالي فيصل ؟؟
فاطمه بضحكه : اييه بنت خالك فيصل
الجد فهد : الله يكتب الي فيه خير ان شاءالله
ريم بلهفه : لا لا يعني بنروح لديره وفوقها ملكه شعبيه ياربي من زمان عن ديرتنا واهلها
الجد فهد : اي والله كلن يمشي ورا حياته وناسين دياركم الي جمعتكم وكبرتكم
عبدالعزيز : محد نساه يابوي الا دايماً في بالنا بس الضروف ماتسمح
رنيم : عاد مشتاقه لجدتي غزيل اكثر من كل شي
روان : مشتاقه لجدتي وللمزرعه ولـ فزاع ( اسم الخيل ) مشتاقه ل كل شي في الديرهمر الوقت وغابت الشمس ( عند قسم الحريم )
تهاني : يلا يافاطمه سرينا ؟
فاطمه : ايه يلا ريم وينها
تهاني : شوفيها برا مع البنات انا بكلم سعود يشغل السياره
سوير : وش معجلكم خلونا نسهر للفجر ونسري سوا
فاطمه : لا والله يا ام عبدالعزيز تعرفين مخليه صالح في البيت ولي يومين
سوير : الله يستر عليكم اجل وانتبهوا لطريقكمراحت فاطمه عند البنات : يلا يابنات مشينا
ريم : بدري يمه
فاطمه : وش بدري ابوك في البيت لحاله يلا مشينا
روان : خلي ريم تسهر معنا يا خاله
فاطمه : لا لا ابداً ماقدر
روان : ليش ياخاله بترجع معنا ترا مامعنا احد السياره فاضيه و ريم امانه عندي
فاطمه : خلاص بكيفها بس يلا يارنيم اركبي السيارهمر الوقت وصارت الساعه 2 الفجر
سوير : يلا ياخالد شغل السياره مشينا
خالد : ابشري يمه بس خلي البنات يعجلون علينا
الجد فهد : وش معجلك خلهم على راحتهم
سوير : طيب بس انت رح شغل السياره
شغل السياره خالد وركب الجد فهد قدام والبنات ورا
وكان طول الطريق يسرق النظرات
ريم : هذي لفت بيتكم ياروان شكله نساني اني معكم
روان بضحكه : ماتوقع نساك
ريم : خليك معي لا تنزلين
الجد فهد : وراك مانزلت بنتنا ريم اول وحده
خالد وهو يسوي نفسه ناسي : يووه اثر ريم معنا نسيتها ياجدي
الجد فهد : ارجع نزلها
خالد : خلاص ياجدي عانه بيتنا بنزلكم وبرجع انزلها
الجد فهد بنظرات وكل دقيقه شكوكه فيه تزود
نزلهم خالد و راح يودي ريم بيتها وطول الطريق ساكتين
هو مايدري وش يقول وهي ميته من الخجل
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / ريان