عشقتها يا سعود وحبت اخوي

20

قاطع حديثهم رجل كان رجل غريب ملامحه مو واضحه مع هذا الظلام
سحبها سعود وعطاها ضهره : مين انت
مشعل : انا جاركم هذي بنت من ياسعود
روان جت بتتكلم وسكتها سعود : هذي زوجتي يامشعل
مشعل بشك : اها زين زين
راح مشعل وتركهم ابتسمت روان من كلمته بس مابينتها له

سعود : يلا على البيت الان
روان : دقيقه دقيقه وش الي على البيت خليتني زوجتك ومشيت !
سعود : هذا مشعل جاركم صديق جدي فهد بيعلمه ياروان ادخلي البيت عجلي وسوي نفسك نايمه لان جدي بيقوم هالوقت
روان : واذا علمه الكلمه الي قلتها مو بسيطه ياسعود ترا ماحليتها كذا انت الا خربتها
سعود : يليل ادري بس وش اسوي
اذا علمه بنروح فيها ماتعرفين جدي فهد انتي ! مو وقته يلا ادخلي البيت
روان : لا اعرفه بس ياغبي اكيد بيسأل اذا انت متزوج ولا كان قلت اني اختك ياحمار وانتهت السالفه
سعود : زين ادخلي ولا تصدقين نفسك قلت هالكلمه عشان يفكنا من شرهه وطلعت الكلمه بدون قصد طيب؟؟
روان بضحكه : لا بالله احلف الكلمه ذي لا تحسبني مستانسه عليها بتودينا ورا الشمس هالكلمه ياقلبي
سعود : والله بتدخلين ولا دخلتك انا ؟
روان : وش الي تدخلين انا جايه عند فزاع ادخل انت وخل ذاك يذلف وش علي انا منك ومنه
سعود : مو وقت فزاع يا روان تكفين ادخلي مانبي مشكله جديده بيأذن الفجر الحين وبيقوم جدي فهد
روان : الا وقته روح انت وخلني
سعود : ماني برايح ولاني بمخليك استانسي معه واضح انك بتجيبين لي الضغط ياروان
روان : يويلي انت وش تبي ياسعود اذلف
سعود رفع صوته : تمام بذلف بس ماني بمسوؤل لا مشعل راح وحكى لجدي
روان : يويلي صدق يسويها ؟
سعود : ايه يسويها ياروان وانا اتوقع هو الي شافك امس
روان : خلاص طيب روح انا بقعد مع فزاع
تركها سعود ومشى لف ورا لقاها تمشي وراه ابتسم بس مابين لها

دخلت روان و سعود البيت مر الوقت وأذن صلاة الفجر
قام الجد فهد وقوم العيال معه
راحوا يصلون وبعد مانتهوا من الصلاه طلع الجد فهد وطلع وراه مشعل : بسألك يافهد سعود سالم متزوج ؟
الجد فهد استغرب : لا ليش سألت ؟
مشعل : اها بس لعلمك شفته بالمزرعه مع وحده وسألته من هذي وقال زوجتي
الجد فهد مسك مشعل من ياقته : وانت شتدور عند مزرعتي وحول بيتي وكانك تراقب الرايح والجاي
مشعل : تعرفني انت يافهد من سنين هذا طبعي اقوم على الفجر واطلع اتمشى على الحاره وانت بيتك قبال بيتي على طول
الجد فهد بكل غضب : لا اشوفك عند مزرعتي ولا حول بيتي فاهم ولا لا !
مشعل بضحكه : اقولك بيتي قبال بيتك وتقولي لا اشوفك حول مزرعتي وبيتي
الجد فهد : انت فهمتني زين

راح الجد فهد وهو يفكر : اكيد انها شيخه بس ليش يقول انها زوجته !
دخل البيت وفتح باب المقلط وكانو البنات نايمين
سكر الباب و راح مسك سعود على جنب : وينك فيه من اولى ؟
سعود : كنت عند فزاع ليش تسأل
الجد فهد : من كان معك ؟
سعود بتوتر : شيخه ليش
الجد فهد : زين
سعود استغرب من هدوئه ولا ارتاح ابداً من ردة فعله