خالد ضرب محمد على وجهه بقوه
الجد فهد : يعني صحيح هذا الكلام !
خالد : لا مو صحيح ياجدي انت كيف تصدقه
الجد فهد بكل غضب وصراخ : تحبها انت يا خالد
خالد : لا
الجد فهد : اجل خطوبة محمد بكرا لريم
خالد : وش خطوبته !!!
محمد : زي ماسمعت من جدي بكرا بخطب ريم من ابوها
روان بصدمه : تخطب مين انت البنت باقي تدرس ولا تنتظر عريس !
الجد فهد : خطبه وبعد ماتخلص من دراستها بنتمم الزواج
خالد بغضب : والله مايتم لا خطبتكم ولا زواجكم
الجد فهد ضرب خالد كف : تعاندني يعني
طلع خالد من البيت وسكر الباب بقوه
روان : جدي انت واعي عن الكلام الي تقوله ؟
الجد فهد : ايه واعي وباذن الله خطوبتهم بكرا
طلعت روان و راحت لغرفتها
سعود : تكلم ياخالد وشفيك ليش متضايق
خالد : بكرا خطوبة محمد و ريم
سعود بصدمه : هااا ! كيف وشلون متى صار هذا
خالد : توه يصير محمد قال لجدي اني ماسك ريم بالقوه
سعود : ياذا محمد الخسيس الي لو عيني شافته ذبحته ، طيب وشلون بكرا خطوبتهم ؟
خالد : اهخخ يا سعود جدي سألني انت تحبها وقلت لا
سعود بغضب : ليييش يا خالد قلت لا !
خالد : وانا احسبها ياسعود مجرد سوأل ماتوقعتها
وحتى لو قلت اي بيأكد كلام محمد وفوقها بتصير مشكله
سعود : ماظنتي ريم بتوافق ياخالد
خالد بضيقه : يارب لان مقدر أتخيلها مع اخوي
اصبح الصبح وصارت الساعه 12 الظهر
وعين خالد ماغمضت ذبحه التفكير والحزن
دقت روان الباب مره ومرتين
خالد : مين
روان : انا
خالد : ادخلي
روان : مانمت انت ؟
خالد : الا نمت
روان : ليش تكذب يا خالد واضح عليك التعب من عيونك
خالد : وشلون بنام يا روان وخلي بياخذه اخوي
روان : ريم ماراح توافق يا خالد ماراح توافق
خالد : وش دراك انتي
روان : هي قالت لي شعورها اتجاهك تقولي مرات تحبك ومرات تكرهك يعني مستحيل بتوافق لمحمد وتخليك
خالد : امانه ؟؟
روان : اي والله وهي مسويه نفسها غبيه بس عشان موضوع ذيك الليله
خالد : واذا وافقت عليه ياروان ؟
روان : ماراح توافق ان شاءالله بس لا تسبب مشكله وتعاند جدي
رفعت التلفون روان على ريم
روان : تدرين ان جدي فهد اليوم جايك بيخطبك لا اخوي محمد ؟؟
ريم : كذذابه وشلون يخطبني لمحمد !
روان : اي جايينك اليوم صارت مشكله امس وجايين يطلبونك لمحمد ، بيحاولون يقنعونك بس لا توافقين ياريم خالد ماعرف الصبح من الليل مانام حتى كله يفكر
ريم : يمه اكيد ماراح اوافق وشذي الخطوبه الي جت فجاءه
روان : ايه بس انتبهي توافقين بيحاولون يقنعونك
ريم : طيب بس بتقولين لي وش صار
روان : تمام بسس لا توافقين عليه
ريم : ماراح اوافق يابنت
في الصاله
الجد فهد : اجهزي ياسوير الليله رايحين نخطب محمد لـ ريم
سوير بفرحه : ماشاءالله اخيراً ياولدي فكرت تعرس
محمد ابتسم : ايه يمه فكرت اكمل نص ديني وحسيت ان ريم تناسبني
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / ريان
