"الــبـارت الاخــيــر"
خالد قام وهو مو قادر يتحمل الحرقه الي بقلبه وكل ماتخيل ان ريم صارت لأخوه ضرب نفسه وحط اللوم عليه
سعود مسكه و ضغط عليه : خالد حرقت قلبك واخذت اخوك احرق قلبها يا خالد وخذ امجاد
خالد : تمزح ؟
سعود : ما امزح يا خالد خذها واحرق قلبها
خالد : انا ابيها مابي غيرها
سعود ضربه : هي خذت اخووك وش ماتبي غيرها
تخل عنها زي ما تخلت عنك
مر الوقت وخالد يفكر بكلام سعود
روان : خالد وين رحت
خالد : مارحت مكان
روان : خالد دموعك ذي مابي اشوفها على خدك ريم ماواققت الا وهي مقهوره منك ولا مامن حب لمحمد وكل الحب لك
خالد : مابيها ولا عاد تحبني انا باخذ امجاد
روان بصدمه : مين تاخذذ !!
خالد : امجاد
روان : والله ماتاخذها ياخالد خير ان شاءالله شفيكم منتم بصاحين لا انت ولا ريم
خالد : البنت عاجبتني وانا ابيها
روان : يويلي يا خالد البنت شيطانه تكفى ماتصلح لك
خالد : مالك شغل يا روان
روان ودمعها على خدها : ماني بحاضره عروس اخواني يعني
خالد : دمعتك لا تنزل
روان بدت دموعها تنزل من بعد كلمته
خالد حضنها وتنهد : قلت لك لا تتزل
روان وهي تبكي : خالد انا بكرا بكلم ريم والله لا ابرد خاطرك فيها بس تكفى امجاد لا تاخذها
خالد : لا تكلمينها مره خليها ياروان
روان : وليش اخليها قهرتني قهرتني تحبك وتحبها توافق على محمد ليش
خالد : ماعاد صرت احبها خلاص
روان : اضحك على غيري طيب كل شي واضح من عيونك
خالد تنهد : روان لا تكلمينها قفلي الموضوع ماعاد في شي اسمه خالد و ريم انتهت القصه
بدا يطلع نور الصباح والكل نايم الا خالد ذبحه التفكير والحزن كان يحاول مايبين انكساره لحد بس عيونه تفضحه
( في بيت ام ريم )
فاطمه رفعت صوتها : انا قلت لك ان سويتها ماعاد بتشوف وجهي
صالح : وانا قلت لك حق ولدي ماراح يضيع
قامت ريم على صراخ امها وابوها
فاطمه : طلقني يا صالح اذا بتسويها
صالح : اطلقك ؟
فاطمه : ايه طلقني انا مالي قعده هنا
صالح : انتي طالق
فاطمه بصراخ : طلقني بثلاث
صالح : انتي طالق بثلاث جمعي اغراضك ويلا لبيت اهلك
فاطمه : بناتي بيروحون معي
ريم : يبه !
صالح : نعم
ريم : يبه وش الي سمعته
صالح : امك تبي الطلاق وانا طلقتها
ريم : يبه انت صادق بتسجن ابوها وجدي تنتظرها تنقر بحضنك يعني !
صالح : انا قلت لك ماراح ارتاح لين فهد ياخذ عقابه وينام ولدي بقبره مرتاح
ريم : يمه وانتي وين بتروحين ؟
فاطمه : بروح عند امي في الديره
ريم ودموعها على خدها : انا رايحه معك اجل مالي قعده هنا بعد
رنيم : وانا لا تخلوني لحالي بين هالجدران
صالح بغضب : الله يستر عليكم
طلع من البيت وتوجه للمحكه يرفع بلاغ على الجد فهد
( في بيت ام خالد )
خالد : يمه انا ابي اخطب امجاد بنت خالي فيصل
سوير بفرحه : ماشاءالله وش عندك
خالد تنهد : بس يمه ابي اعرس واكمل نص ديني وامجاد بنت خالي فيصل عاجبتني وابيها
سوير : متى تبي نتقدم لها طيب
خالد : بكره
سوير : بكره ! شفيك مستعجل
خالد : بس يمه عطيهم خبر وبكره بنروح نتقدم لها
سوير : ان شاءالله خير
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / ريان
