مر الوقت والساعه صارت 2 الفجر دخل خالد على محمد بكل غضب ماتحمل اكثر من محمد : شلون بتاخذ بنت
، اخوك يحبها !!
محمد : تحب خطيبتي!
خالد بضحكه : ماصارت خطيبتك ولا بتصير شفيك انت
محمد : الا بتصير وغصباً عنك
خالد ضربه على وجهه بقوه مره ومرتين دخل عليهم عبدالعزيز و وراه سوير و روان
عبد العزيز بصراخ : سلامات ورعان انتم تتهاوشون
خالد : فكني ياعبدالعزيز تكفى مابرد قلبي للحين
عبدالعزيز : اقعد بمكانك بس
خالد : قول لي يامحمد ليش كذبت على جدي !!
محمد : ماكذبت بشي انا
خالد بصراخ : وتجحد يالكلب الا كذبت
محمد بضحكه : ايه اجحد
خالد : اعقب بس ريم لي ومحد راح ياخذها غيري
سوير : وشهوو !!
خالد : ايه يمه انا احب ريم ومحد راح ياخذها غيري
سوير عطت خالد كف : تحب خطيبة اخوك !
خالد : ماصارت خطيبته ولا بتصير يايمه ريم لي هي تبيني وانا ابيها ولا بسمح لاخوي ياخذها
سوير بصدمه : وليش ماتسمح
خالد : يمه محمد يدري اني احبها ليش يروح يخطبها ويكذب على جدي
سوير : وش هي الكذبه ؟
خالد : محمد قايل لجدي اني ماسك ريم بالغصب
شهقت سوير وعطت محمد كف : اي يالخسيس ماعرفت اربيكم انا
عبدالعزبز : والله يمه ولدك ذا مهو برجال ولا يستحي يتقدم لبنت اخوه يحبها !
روان : تكفون خلاص ترا بكرا ماشين لديره بتفضحونا هناك بعد
طلع محمد بدون ماينطق
واصبح صباح يوم الاربعاء ( في بيت ام سعود )
شيخه : يمه وين جلابيتي
تهاني : وانا وش دراني انتي شايلتها
شيخه : بس نسيت وين شلتها
تهاني : دوريها زين ترا بكره ماشين لديره
شيخه : اف طيب وين سعود
تهاني : وش تبين فيه
شيخه : وش ابي يعني ابيه يوديني السوق
دخل سعود : كاني سمعت اسمي
شيخه : جابك الله جلابيتي ضايعه وابيك توديني السوق بشتري جديده
تهاني : لا لا دوريها ماراح تشترين
شيخه : ليشش يمه اصلاً ذيك مو مره عاجبتني
تهاني : شكلك مخبيتها ومسويه نفسك ناسيه
شيخه : يمه والله مو حلوه
سعود بضحكه وتطنز : حلوه ياشيخه اصلاً مع اللبس والكشخه بيطلع واو
شيخه ضربته على كتفه : تعرف ل هالسوالف بعد
سعود ضحك : اعجبك بعد
غابت الشمس ( في بيت ام خالد )
سوير : ها جاهزين ؟
ريماس : ماجهزت شي انا للحين
سوير : وش تنتظرين !
ريماس : فيه وقت يمه معليك
سوير : بنمشي الظهر بدري عشان نوصل على المغرب ترا ان ماشفتك جاهزه بنمشي ونخليك
خالد غمز : انا عن نفسي ماراح امشي واخلي اختي هنا
ريماس ضحكت : ايه هذا الاخو الكفوو
سوير : علمتك انا لو جينا نمشي وانتي ماخلصتي بطلع عيونك
ريماس : خلاص يمه بروح اجهز من الحين
( في الديره ) وصل الجد فهد
أمجاد : جدي البنات متى بيجون طفشت وانا مقابله هالجدران
فيصل بضحكه : جايين يابنيتي بكره وهم عندتس
أمجاد : حماس صدق طفشت من وضحى
وضحى : يع ياشينك من الحين ياامجاد من الحين تجحديني ووقت مايروحون البنات ترجعين لي
الجد فهد : بس انتم ، اخلص من الي هناك وتجوني انتم
وضحى : شفها ياجدي ترا اسلوبها معي صاير بايخ بتفشلني قدام البنات زي كل مره
فيصل : اعقلي ياامجاد ولا تفشلين اختس
سلطان : معليتس ياوضحى ان فشلتس قدامهم علميني انا اعرف كيف اتصرف معها
امجاد : جده شوفيهم تحدو علي كلهم
غزيل : امسك وراعينك يافصيل تراهم ادوخوني
فيصل : ابشري يمه هم يفهمونتس مايحتاج اطالب
الجد فهد وهو يأشر على مرام : شوفو الذرابه والسناعه والهدوء مو انتن الي مشيبين روسنا
أمجاد : والله الذرابه ماشفناها الا بعد الخطوبه
فيصل : بنيتي زوجناها وعقلت و امجاد بتلحقها
وضحى بضحكه : يبه لو تسويها صدق
امجاد : انا بسكت ماني بقايله شي
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / ريان
