الجد فهد بغضب وصراخ : مين امس كانت في المزرعه ؟؟
لفت روان على سعود ولف سعود عليها
سعود رفع صوته : خير ياجدي ليش قلت عنها عاهره !
الجد فهد : واحد من الجماعه شايفها طالعه من المزرعه ولافه على وجهها شماغ رجال في اخر الليل
سعود : مايحق لك ياجدي تقول هالكلمه وايش صلتها اصلاً فيها !
ريم تدري انها روان ولفت عليها وكان واضح عليها ملامح الخوف والتوتر
الجد فهد : انتي يا روان الي امس كنتي عند فزاع ؟
خالد : تتهم اختي انت ياجدي!
امجاد : امس ياجدي وانا طالعه من غرفتي شفت ريم طالعه من باب العماره وكان الكل نايم
ريم : ايه ياجدي انا الي كنت في المزرعه
تقدم الجد وعطاها كف : فضحتينا عند ربعي وجبتي لنا العار !
خالد مسك جده ورفع صوته : اليد الي تنمد على ريم تنكسر فاهمين ولا ومحد جاب لنا العار الا أنت ياجدي تصدق كلام الناس وتجي تتهم اهلك وحفيداتك اسمع منا طيب !
محمد : تكسر يد مين انت !
خالد بغضب : اكسر اليد الي تنرفع على ريم
الجد فهد : ماني بسامع منها شي ووجها ذا مابي اشوفه
خالد : ماسمعت مني ولا تبي تسمع منها وتجينا مسوي مسوؤل عنا وانت كل الي هامك كلام الناس
محمد ضرب خالد على وجهه : احترم نفسك وشوف انت قاعد تتكلم مع مين
خالد طلع وسحب ريم معاه وراحو الحوش
لحقهم محمد : سلامات ساحب خطيبتي معك !
ريم عطت محمد كف : ماني بخطيبتك انا ولا عاد اسمعها منك
محمد : الا خطيبتي
خالد : ماوافقت يامحمد ولا بتوافق خذ امجاد تصلح لك اثنينتكم نفس الطينه
راح محمد
خالد : ليش ساكته انتي ؟؟
ريم وهي تشاهق : وش اقول ياخالد وش اقول
خالد : لا تبكين وقولي لي كل شي صار مصدقك انا
ريم : الزفت امجاد تتبلاني يا خالد
خالد : تتبلاك !!
ريم : اييه يا خالد مو انا الي كنت في المزرعه
خالد : وليش قلتي انها انتي
ريم سكتت
و راح خالد بغضب شديد ودخل عليهم
خالد رفع صوته : انتي قاعده تتبلين ريم ياامجاد
امجاد توترت : لا ماتبليت احد انا
خالد مسكها من كتفها : اعترفي احسن لك
سلطان : فك يدك عن اختي يا خالد
خالد : اختك ذي يبي من يربيها
سلطان ضربه على وجهه : انا الي بربيك والله
خالد ضحك : كلكم طينه وحده كلكم
سعود : محد كان في المزرعه الا انا واختي شيخه وركبتها فزاع وضيعت شالها وغطيتها بشماغي والي بيقول كلمه الحين قصيت لسانه وامجاد تعقب كذابه ونصابه
الجد فهد : وليش ريم اعترفت
خالد : ريم اعترفت عشان ماتثور على شيخه لانها تعرفك ماتسمع منهم اذنك بس مع فلان وعلان
شيخه : ايه ياجدي امجاد قاعده تتبلى ريم والليلة تهاوشت معها
روان : امجاد من يوم ماجت ريم وهي تحارشها اصلاً
الجد فهد : انا اعرف امجاد عايشين في سقف واحد ماتتبلى احد
ريم رفعت صوتها : الا ياجدي
امجاد بدت دموعها تنزل : كلهم صارو ضدي ياجدي
الجد فهد : مصدقك انا وبصوت عالي طرد كل الي موجودين
طلعوا من البيت سعود و خالد و راحو للمزرعه
خالد : قهروني ياسعود بكوها قدام عيني
سعود : خبيثه امجاد هذي مهي بهينه
خالد : هي ومحمد نفس الطينه بس اوريك فيهم
سعود : وش بتسوي يعني
خالد : المسأله سهله اضحك على الضعيفه ذيك وافضحها عند جدي وابوها
سعود : لا ياخالد لا تسويها
خالد بغبنه : انت شفت ريم شفتها ياسعود كيف كانت وراي وساكته كانها تنتظرني ادافع عنها كان محد فاهمها الا انا
سعود : شفتها بس لا تسويها
خالد تنهد بقوه : اههخ ماني مسويها بس ان شفتها تفلت بوجهها
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / ريان
