احببتُ لاعباََ• 🇩🇿باللهجة الجزائرية 🇩🇿

حلقة الثالثة

دخلو و لقاو لي جوار لتم معظمهم كانو لتم ... حتى كراش تاع هيبة يامحاينكم😃...قدم المدرب بناتو(حتى هيبة يعتبرها بنتو) لليجوار و تعرفو عليهم... البنات فهم اصلا يعرفو لي جوار ... راحو قعدو وحدهم بعيدا على الرجال... كانو يستناو الطيارة تقلع ... و شوي هك قلعت و البنات وحدة دارت كيتمان و تسمع فالغنا(سوسن)و لوخرة تقرا فالكتاب(هيبة) ...سوسن داتها عينها و هيبة قعدت تقرا فالكتاب ... و ناضت تروح للسانيتار ... فالوقت نفسو دخل البطل تاعنا للسوسن ... شاف في وجهها مليح ... رد شعرات لمور وذنها و سقم جلستها ... و راح كمل و ابتسامة عريضة تبان في وجهو آآآآآوو و قتاه دار هاد الشي!!!؟(سوسن لي راهي تحكي)... ايوب جوار معروف ففريقو بمهاراتو و قوتو ... عمرو 26 سنة ... طاي تاعو متوسطة كيما حالة لي جوار😅... سمر و عينيه و شعرو كحلين مع الغمازات لي عندو  عسل على هيئة انسان🙃🧡 بن هو خاطيه البنات و الانحراف و الخ ...  يعني منظم في حياتو و الوحيدة لي دمرتلو قلبو هي نسرين اللفعة🐍 (نعيطولها تس تس🙃) المهم هادي تس تس جاية طويلة و شعرها متانتي كثر من حيط السيام تاعنا🤣🤣 و جهها ديما بيكاسو بصح الحق الحق تعرف تلبس 🙂 مي ساعات تخرج من الاسلام و تلبسلك جفافة و ختها😹 بن هي قد سوسن و تقرا الهندسة المعمارية... مي مايعنيش انو ماعندهاش جانب شباب 😊 لكل شخص عندو جانب شباب و ماشي شباب ... تس تس تجي بوبيةبلا مكياج ... بصح ماتشوفش هاد الشي في روحها... يعني  ماضيها  اثر فيها ... و حنينة الحق الحق😊 مي مع القطوط برك هيهيهيهيهي🤣🤣  نرجعو لموضوعنا( للمعلومة هادي انا الكاتبة لي راني نحكي )

راح قعد مقابلها ... كيما علابالكم كاين طيارات خاصة فيهم ربع بلايص مع بعض و طابلة فالوسط ... قعد مقابلها و يتفرج في و جهها ... دار كيتمان و حتى هو رقد...

بعد ساعات طويلة:
لحقو لمصر ( ماشي كوب دافريك تاع داك العام 🙂) و بداو ينوضو المومياءات تاوعنا ... كامل دايخين مش عارفين شكون هوما و واش هدفهم 😹 ... ناضت سوسن بكل روح رياضية شافت جوار اونفاص ليها و قربت باش تنوضو ( هيبة راحت بدلت بلاصة قعدت مع ليجوار داصرتهم🙂)

سوسن: ايوب! ايوب! نوض نوض لحقنا!!
ايوب: اممم ... ني جاي

حل عينيه بلاعقل شافها مقابلاتو و قراب لبعضاهم ... حتى مانعرف كيفاه و طاحت عليه ... ( تصرالكم ؟ تكونو واقفين و لا تتمشو و تحسو فقدتو التوازن؟) و كان الصمت سيد الموقف واحد يشوف في اللوخر الشوك يبان من وجوههم😹 متوقعين يربحو الكاميرون ب 0-6 ولا هاد التبهديلة( ماربحناهم لا بالستة لا بالوحدة🙂 المهم بغيت نفكركم برك هيهيهيه🙃) تبانيكا و طبعها و طيح على بلاصة ماشي بلاصتها🙂

سوسن: اههه اهههه ظهري تقسم !!اههعع😫(حشمت تقول ديك البلاصة😹)

هبط ايوب بالزربة ليها و قال: واش صفا!؟ اسمحيلي والله مكان قصدي ! تبانيكيت و ... 
سوسن: خلاص خلاص اشحال تهدر بسلامتك 🙂

ضحك عليها و عاونها باش تنوض و قعدت تتمشا و تتعوج(اصيبت فالمنطقة المحضورة🙂)

To be continued🧡🙃