دخلت هيبة و سوسن للاسونسور بعد مافراو كواغطهم...لقاو ايوب و سمير سبقوهم...دخلو و تستفو تقول الحوت لي فباطة تاع الطون
ايوب:البنات!
هيبة و سوسن:امممم🤔
ايوب:ماكمش معوليين ترجعو للدار؟🙂
سوسن:علاه؟🤔
ايوب:هاد الفاليزات كامل علاه؟🤔
سمير:ايه صح...تقول نتوما لي راح تلعبو😂
سوسن:ماعجبكمش الحال!مصر معمرة بالحيوط😤
ايوب:ههههههه نتي وحدة منهم😂
هيبة:في هادي ني معاك خويا😂هادي حيط برو ماكس ماتفهم ما تفهمك...الله يصبر لي يديها و تولي حلاله
سوسن:من عاشر قوما اربعين يوما صار منهم...و الزواج اتزوجي وحدك ني مليحة في دارنا
ايوب:ههههههه😂😂اهبطو اهبطو رانا لحقنا
هبطو كامل و الينات مزالهم يتناقشو ...وحدة تقصف فلوخر و الاولاد موراهم يحكو
سمير:وش خو!نادرا مانشوفك تضحك هكا
ايوب:كي تكون مع مهابل كيما هادو بنكرياسك يطرطق بالضحك
سمير:ههههه والله صح...تلقا ماجازوش على واش جزت ...عندهم الزهر
ايوب:الله يدوم ضحكتهم و يكون مع لي حالتهم حالة كي حالتي...
سمير:هيا نروحو و تريح و تنسى لي صرا
ايوب:هيا
دخلو للشنابرهم و قبل وايغلق ايوب الباب طلت سوسن و قالت
سوسن:ايوب!
ايوب:وي سوسن
سوسن:تجي نلعب معانا امبعد شوية!؟ابري العشا يعني
ايوب:...نخمم و نرجعلك
طل سمير من حيث لا ندري
سمير:نجو ماتخميش😁
سوسن:ايا صحا😊
دخل كل واحد للاشومبر تاعو
ايوب:علاه قلتلها نجو...تعرفني نرقد بكري
سمير:نونو ترقد باش تهرب
ايوب:ونريح
سمير:تبانلي هادا هو المومون لي تتغلب على ديك الحادثة و تعيش حياتك.
ايوب:اففففف😥انا نرقد...
سمير:اكي...
راح ايوب رقد باش ينسى ...باش يريح من العالم هادا...اما البنات...دوشو و بدلو و كل وحدة شدت سريرها يكونيكت
after hours:💕
ناض ايوب من الغيبوبة تاعو...بعد عناء طويل...راح دوش و لبس سورفاتمو كحل مع باسكات بيضة..وسمير دوش من قبل اصلا...عند البنات ناضو من قعدتهم برعاية المكسرات و الاكلات الخفيفة راحو لبسو و مشطو و شوية مكياج...و خرجو قابلو ايوب و سمير فنفس اللحظة كانو خارجين
سوسن:اهلين
سمير:ريحتو شوية؟
هيبة:ريحنا و دينا الذنوب ...تنمرنا على عباد ربي
ايوب:حنا خاطينا ياك؟
سوسن:شكون بتنمر على زين كيما نتا؟
هدرتها بلاعقل ...مي ايوب سمعها وضحك ضحكة خفيفة
سمير:وشبيكي نتي تمتمي وحدك؟
هيبة:وي سمعينا صوتك
سوسن:والو هيا دك يحوسو علينا
هبطو سوسن راحت لباباها هي و هيبة...تقريبا ماشافوهش خلاص قعدو مع بعض في طابلة طوييلة و عريضة...باش يتعشاو...داوها ضحك و تقسار ...البنات تعرفو عليهم لي جوار بعد ماكانو يشوفوهم غير فالتصاور فتيليفون تاع المدرب تاعهم...كملو العشاو كلاو الديسار في جو الضحك و التمسخير... وي كي كملو راحو لي جوار يتمشو باش تهبط ديك الماكلة...و كي كملو كل واحد طلع للاشومبر تاعو و ايوب و سمير راحو لعند سوسن كيما تفاهمو يلعبو...مالغري اياد مكنش حاب يروح...دخلو و لقاو الحالة موجدة...حلوة شيكولا و السقايط
to be continued🤎🙃
أنت تقرأ
احببتُ لاعباََ• 🇩🇿باللهجة الجزائرية 🇩🇿
Ficção Adolescente❤🧚♀️قصة لاعب و ابنة المدرب🧚♀️❤ ❤😹احداث عادية مملوءة بالضحك و تبهليل😹❤