احببتُ لاعباََ• 🇩🇿باللهجة الجزائرية 🇩🇿

الثالثة عشر

قضاو البنات السونتر كامل ...ماخلاو  حتى حانوت مافاتوش عليه... و الرجال مساكين من كثرة مارفدو ... كانو عندهم دي موسكل... يضربو بيه جوار يشكي بيهم خمس خطرات 🤣
سمير: ااههه يا ايوب هادا كامل بسبتك ... كون كاشديتش فمك
ايوب: بلع نتا! كون جات صح مرتي كون شافت الزنباع وين ينباع !
دارت سوسن ليه و قالت
سوسن: تحلم و مانوليش مرتك!يخي مثلث يخي🌚
ايوب:صار انا مثلث يا سبونج بوب؟🌚
سوسن: و نص و خمسة و عشرين🌚
ايوب: هاقوليلي برك ! وش درتلك حتى تكوني عدوة معايا كيماهاك!
سوسن: اممم ... نسيت ...كي نحوس فليستوريك ني نقولك ...

سبقاتو و هو رجع للوراء عند سمير ... الرجال داو القضيان للطونوبيل ... للبنات راحو دقيقة يجيبو شوية حلوة و صوالح ... حتى عاودو تلاقو بدوك زوج الرجال... و باينة عليهم مشي لباس ... و معولين على حاجة ... جاو بجيهتهم ...
الرجل1: تسما قالك نتي مرتو؟ و الخاتم وين ؟
سوسن: وش دخل جدك؟
الرجل 2: و نتي خطيبتو ... ممم مليح ...وين راحوا ؟ولا خلاص الدور تاعهم
جا واحد من الجال بغا يشد شعر سوسن و يضربها ... حكمتلو يدو و تضرب فالجوهر🌚 ... و زادتلو كوتبيي اخر يبرد القلب ... اما لوخر كان راح يغدرها بكف اسطوري و تجيه دبزة لوجهو ... و جهو من الضربة طاح🤣
أيوب : كلاب ! توشيو فبنات الناس !اليوم نوريلك الزنباع وين ينباع

دخل عليه بالبونيات و سوسن من اللور تشجع ... و سمير و هيبة  يحبسو فيه ... حتى قالت سوسن

سوسن: خلاص ياالحجرة هيا ... داو واش يساتهلو
شراو البنات لي يسحقوه ... و سوسن كانت فري عيانة ... دخلو لطونوبيل ... سمير و هيبة من القدام ... ايوب و سوسن من اللور ... كان الصمت سيد الموقف... سوسن لي مالفة تهدر سكتت ... يعني رقدت🌚... هيبة تاني
سمير : هادو بعد مامسحو السونتر ... طاحو ارض
ايوب: ايه شفت! عجيب امرهن ! ماعندهم ني مشاكل ني ولاهم يحزنون
سمير: ماتعرف لكل قلب حكايتو
ايوب:ايه ... وش حكاية سوسن تكرهني من اعوام؟
سمير:واش نسيت؟
ايوب: وشنو؟!
سمير: تعقل هادا العام ... هاديك الطفلة لي دايرة اسمها "المعجبة السرية " فأنستا؟
ايوب: هاديك ؟ لي زعما تحبني؟ و كشفتها امبعد مابان عليها والو؟
سمير: ايواااه... هاديك كانت نفسها سوسن
ايوب:😶😶😶
سمير: هاديك لي فضحتها فاللايف و هددتها ... هاديك لي بهدلتها ... و حطيت لي كابتور تاع الديسكوسيون فلاباج تاعك
ايوب: صار ... هي بنت المدرب😲
سمير: ايه ... و فداك الوقت المدرب تعقل مكانش يجي بزاف! علاخلطر بنتو مرضت !... تبانلي مرضت بسبتك...
ايوب: ماتزيدليش ... بصح تستاهل !كانتمن اسباب لي حبست مع نسرين

كان يهدر و ماحس غير براس ينتحط فكتفو ... يعني بعد هدرة سمير كرهها كره تاع كلاب... لي دارو واحد مايتوقعو ... ضربها للتاقة  ديراكت و هي صحات ... كش فاهمة و راسها يوجع ...

سوسن: سمير بلاعقل فالطريق ... راك فجرتلي راسي
سمير:اسمحيلي

شافت سوسن فايوب... كان يشوف فيها بنظرة حقد ... عينيه كامو يلمعو فوسط الظلام ... عرفت بلي علاقتهم ماهيش بخير... استغفرت ... و شدت راسها ... ماتحس غير بسائل شمخ تريكو تاعها ... شعلت الضو ... و الصدنة كان الدم سايح كن راسها
ايوب:طفي*** الضو لانخرجك برا
سوسن:س...سم...سمير
سمير:غير الخير
سوسن:روح لسبيطار طيارة ...
دار باش يفهم ... لقا الدعوة حمرا و هي لونها زرق... من الخوف... ايوب لي ماشافش فيخا اصلا...كان مغمض عينيه
ايوب:طفي جده! لا نلسقك مع التاقة
سوسن: اي اييي راسييي
سمير:خلاص خلاص

شاف ايوب فسوسن... لقا الدنيا كعمرة دم ... تنهد و عاود دار ... حارت من رياكسيون تاعو ...بارد لهاد الحد؟
ناضت هيبة من الحس ... شافت سوسن ... خرجت ديراكت باطة تاع دوا ...و مدتهالها ...و تعاونها باه يحبسو النزيف
سمير : تاعش هاديك الدوا
هيبة:كي تخاف ولا تنجرح و تشوف الدم ... يليق تشربها و لا تدخل فغيبوبة( نتخيلو شوية معليش 🐸💔)
سمير :وكيفاه حتى اصيبت بيه ...
سوسن: بسباب واحد لحمار ! اخخخ راسي راسي ! واش داني نحب في جدو
ايوب فهمها مليييح ... غاضتو ... بصح حقدو ليها مزال ماتنحا... سمير غاضتو قرااف ... كان يلقا يضرب صاحبو حتى يولي يشهد
لحقو للسبيطار... و جات سوسن تنوض... طاحت ...جراو كل من سمير و هيبة ... يرفدوها و هيبة نبكي
هيبة: عيط لعمي ... قولو سوسن دخلت فغيبوبة
سمير😱
ايوب😨🙄
سمير: ايوب ! ارواح تعاون ماكش تشوف طفلة بين الحياة و الموت !
جا يعاون يرفدوها ... شافوهم الاطباء التم جابو كروسة و داوها... شرحتلهم هيبة حالتها... و ماطولش و لحق الاب تاعها... كان صفر ... دخل و راح لعن. هيبة
الاب :وش صرا لبنتي ؟
هيبة:ضربت راسها ... نزفت و داخت... دوا مادارلها والو😔
الاب: اااا ... توخدت في بنتي😨
ايوب: واحد يفهمني حالتها!
الاب:بنتي ... كل ماتصرالها هاد الحالة نسبة شفائها تقل... دكا كي دوا مانفعهاش يعني ماراحش تبرا ممكن... تقعد تحت الغيبوبة لسنين
ايوب كي سمع كلمة سنين ... حس بالفراغ... حس بتأنيب ضمير كبير... كي طبعها للتاقة... كي فضحها... كي نشر لي كابتور...كي خلا الناس ترخسها...
هيبة: و هاد الشي كامل بسبة... حادثة تاع بكري
الاب: ايه ...كانت تجرح روحها... تبكي ... ماتخرجش من الدار ... كانت حتى الهدرة و تخاف تهدر ... حتى الضحك ماولاتش تضحك... شوية شوية ... رجعت الحياة اليها ... بفضل عايلتي و صاحبتها
سمير كان يسمع و النار شاعلة فعينيه ... مايقبلش الظلم حتى و كان صاحبو ... حالف امبعد يعاودلو التربية🌚... هنا ايوب لونو تخطف ... حس بحاجة فقلبو تقتلو ... خرجو الاطباء ... كانو بحكو مع الاب و لوخرين بقاو بعاد ... مايشوفو غير الاب داير يديه على راسو ... رجع و باين التحطم بين عينيه ...
الاب:هاد الخطرة راح تطول ...
هيبة😨😣😭💔
ايوب😨😨💔
سمير😨😨💔
....تسريع الاحداث

ايوب يحكي :
من نهار الحادثة ... و انا نحس بندم الشديد ... حسيت حياتي فارغة مجددا... يومين برك و انا ندابز مع سوسن ... عمرتلي حياني ... كنت رافد تأنيب ضمير كبير ... كي نقعدو فالطابلة تجي هاديك لاكس تاعي فبلاصة سوسن نبغي نشرب من دمها ... باش نكره سوسن وليت نكره هاد الجفافة ... بعد التدريبات ... كنت نروح نزورها ... نبدل الورد ... و نقعد ممعاها ... نطلب منها السماح ... و نعبرلها على ندمي الشديد على لي درتو... كون تنوض راح تكون الدنيا و ما فيها... مالغري علابالي ماراحش تزيد تحكي معايا ...سمير علاقتي معاه تدهورت ... داك النهار لي سوسن اصيبت بغيبوبة ... شبعني بونيات فوجهي... مي نستاهل... حتى هيبة زادت بعدت عليا ... ولات تتجاهلني ...عندها الحق ... راني قريب نقتل صاحبتها... كنت نحكي معاها كي العادة نحكيلها على اليوم ... و بالغلطة شديت يديها... حسيت برعشة فجسمي ... و نشوف فالماشينة ... نلقا دقات قلبها تتسارع... على كي كانت بطيييئة ... و مام سخنت بعد ماكانت باردة ... حرت ... حتى ..........................
To be continued💙