احببتُ لاعباََ• 🇩🇿باللهجة الجزائرية 🇩🇿

🥰الثالثة و عشرون 🥰

ايوب:كون ماشي بسبتك ... كون ماصرالكش هكاك!

سوسن:و انا وش دخل جدي فالحكاية ! 

ايوب : المهم ... اسمحيلي ماعرفتش وش كنت ندير

سوسن: نخمم فيها...

ايوب:كيفاه تخممي؟

سوسن: نسمحلك بصح بشرط ؟ 

ايوب: امم ازرعي وش عندك

سوسن:بعد ما تبرا ني حابة نلعب معاك ماتش 😁

ايوب: قصدك بالون؟

سوسن:علاه وش من غير البال... اهه يالكلب ! عقلك ماشي صافي ياك؟ والله ماني قاعدتها!

ايوب🤣🤣

راحت سوسن للطابلة قعدت مع ليكيب يتعشو و يقسرو...ايوب لي مانحاش عينيه من سوسن...كان غير صورتها وهي تخرج من بيسين بين عبنيه ...تفكر ...وقعد يستغفر حتى قدر يتكالما و يبرد روحو...تعشاو و بعد هادا قرروا يخرجو يحوسو شويا ...حكمو البيس و راحو يحوسو وسط المدينة ... كانت سوسن قاعدة مع ايوب على زهرها المعوج ... لحقو لواحد البلاصة لي كانت عبارة عن برج يطل على البحر ... هبطو التم و بداو يتصورو و يضحكو ... و سوسن و هيبة قرروا يبعدو عليهم شوية يحكو براحتهم 

سوسن: ايه كيما قتلك ... 

قاطعها صوت 

المجهول : نتوما جزايريات؟ 

سوسن: وواش دخلك ؟ 

المجهول : اا اسمحيلي ماشي قصدي ننارفيك وولا حاجة كيما هاك ... برك فرحت كي بقيت ولاد بلادي

سوسن: اسمحلي  خويا ... راني مقلقة من واحد الموضوع )و شافت فايوب(

المجهول : هههه معليش ... نقدرو نتعرفو ؟ 

سوسن : انا سوسن و هادي هيبة 

المجهول : انا جواد 23 سنة 😁

سوسن: الله يبارك ...

قعدو يبادلو اطراف الحديث و ايوب كان يشوف من بعيد بنظرات ثاقبة ... 

هيبة : اوووو ... سوسن ماكيش تحسي بلي الحال برد شوية ؟ )لا ياختاه انها نظرات ايوب لي بردت الاجواء(

سوسن: ايه شوية ...

جواد : وش رايكم نروحو لكاش كافيتيرية ... نقسرو ؟

سوسن: ههه لا ماشي اليوم ... ماناش وحدنا ...

جواد : ااا معليش ... معليش فايس تاعك ؟ عجبتني عقليتك والله ☺

عطاتلو سوسن فايسبوك تاعها ... و هو راح و جا ايوب موراه 

سوسن: ها جا المنحرف تاعنا ! 

ايوب : شكون هاداك ؟ و مديتيلو نيم ولا فايس تاعك؟ كيفاه حتى عرفتيه ؟

سمير: ايه يا لالة خليتك شوية و لقيتك تهدري مع واحد؟ 

هيبة : نتا من قبل والله ماعلابالك ييا !؟ دكا راك ابسط الحوايج ماتخلينيش نديرهم 

راحو العشاق تاوعنا يكملو المدابزة تاعهم و قعد ايوب و سوسن 

ايوب : ماتحكيليش ؟ 

سوسن: نفكرك؟ ماراناش مع بعض ؟ ايا تشاو 🙄

راحت سوسن بعد هاد الجملة المفيدة و قعد ايوب يشوف فيها تروح بين عينيه

ايوب: قريبا راح تولي تاعيي😅😌... بوقوص كيما انا الف ... لا الفين وحدة تتمناني 😁

قعد يتامل فللمنظر حتى جاتو فكرة ... فكرة راح تعجب اي وحدة صدقووني 🥰

رجعو للبوس ... و نسرين لي كانت لتم تاني قررت تنسحب من ايوب ... راحت لسوسن 

نسرين : سوسن ... ني حابة نطلب منك السمااح ... لي درتو كان كاشي مليح و ندمت ... ماعرفتش وش كنت ندير 

سوسن : مسامحة 🥰...يقولك المسامح كريم ... 😅

نسرين: بعد وقت عرفت بلي قلبي ماهوش عند ايوب ولا حتى هاداك ...عرفت بلي كنت نلعب بمشاعرو و جرحتو ... قلبي راه مودر لانو حتى نفسي و ماحبيتهاش 😥

سوسن: حمدالله كي فقتي ... شوفي انا ني هنا توجور ادا سحقيتي اي حاجة🥰... بصح الاعتذار يليق تمديه لايوب ماشي ليا 

نسرين: هاداك خللص 😅... نضن انو يليق نمدو ليك ... بسبتي عانيتي بمرضك ... الصراحة لي كان يتهجمك بلي بوست و لي كمنتس مكنش ايوبب كانت انا ...و سيفت عليه باش يدير لايفات و يهجم عليك ... م

سوسن: 🙂💔رانا ففيلم هندي لا ؟ بصح هو علاه خبطني ؟ 

نسرين : ماعلاباليش ... ممكن تأثر بالحكاية ؟ سقسيه 

flash back qsiiir

 كانو في زوج يشوفو فمنظر البحر فالليل ...

نسرين : ايوب ...

ايوب: ازرعي 

نسرين : ني حابة نطلب منك السماح ... علابالي بلي الكلمة هادي ماراح تفيد فوالو ...فالاخير حطمت قلبك و حطمت قلب و صحة طفلة ...

ايوب: ادا كان هادا برك ... راكي مسامحة 😊

end flash back 

طلعو قااع فالبوس ... و قعدت سوسن مع ايوب كوم توجور ... هيبة مع سمير يتمعشقون ... و نسرين كانت قاعدة مع كمال 

ديمارا البوس... و ماطولتش حتى رقدت سوسن ... ايوب كان قاعد يشوف فالمنظر مايحس غير براس سوسن يتحط في كتفو ...

ايوب مع روحو : كون تعرف علاش درت هكاك هاداك نهار راح تتغاشى عليا بالضحك 

سوسن تحكي

كي سمعت بلي ماشي ايوب لي دار هاد شي ... فرحت و رجعتلي الروح مرة اخرىبعدما كنت نسيف على روحي باش نسامحو و ننسا الماضي ... قدرت نحرر مشاعري لي كنت حابستهم ... رجعت نحبو اكثر من اي وقت فات ... بصح السؤال لي بقا علاه ضرب جد جدي للتاقة و فتشخلي راسي؟

to be continued💓

في ميزكم علاه ضرب ايوب سوسن للتاقة داك النهار ... الاجابة راح تصدمكم والله 😂... قولولي فرضياتكم فالكومنتس